RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#211, 2013-12-04 > #212, 2013-12-05 > #213, 2013-12-06 > #214, 2013-12-07 > #215, 2013-12-10

«ԱԶԳ» ՕՐԱԹԵՐԹ #213, 06-12-2013



Միջազգային

Տեղադրվել է` 2013-12-05 23:30:15 (GMT +04:00)


Ընթերցված է` 940, Տպվել է` 29, Ուղարկվել է էլ.փոստով` 17

ԲՐԻՏԱՆԱՑԻՆԵՐՆ ՈՒԶՈՒՄ ԵՆ ԴՈՒՐՍ ԳԱԼ ԵՄ-ԻՑ

Պ. Ք.

2017-ին կանցկացվի հանրաքվե

Մինչեւ Ուկրաինայում ընդդիմությունը բողոքի զանգվածային ելույթներով իշխանություններից պահանջում է ստորագրել Եվրոմիության հետ ասոցիացման համաձայնագիր, բուն Եվրոպայում ոմանք դժգոհ են հենց Եվրոմիության վարած քաղաքականությունից: Եվրոպամետ ուկրաինացիների գլխավոր ակնկալիքներից մեկն այն է, թե փաստաթղթի ստորագրումը ապագայում իրենց հնարավորություն կտա Եվրոպայում տեղաշարժվելու առանց այցագրերի: Սակայն Եվրոմիությունը սկսել է միջոցներ ձեռնարկել արեւելաեվրոպացիների, ասիացիների եւ աֆրիկացիների ներգաղթը սահմանափակելու համար: «Ազգը» դեկտեմբերի 3-ին գրեց, որ արդեն գործում է ԵՄ սահմանային հսկողությունն ուժեղացնող համաեվրոպական Eurosur համակարգը:

Գերմանիայում եւ Ֆրանսիայում ներկայումս քննարկվում են արեւելաեվրոպական երկրներից ներգաղթը սահմանափակելու կոշտ միջոցառումների ծրագրեր: BBC News հեռուստաալիքը հաղորդում է, որ Մեծ Բրիտանիայի իշխանությունները մտածում են ոչ միայն ներգաղթը կրճատելու մասին, այլեւ առհասարակ ուզում են դուրս գալ Եվրոմիության կազմից:

1946 թ. Մեծ Բրիտանիայի վարչապետ Ուինսթոն Չերչիլը շվեյցարական Ցյուրիխ քաղաքում ելույթ ունենալովՙ կոչ էր արել ստեղծել Ամերիկայի Միացյալ Նահանգների նման մի բան: Սակայն, ինչպես հետագայում պարզվեց, նա Բրիտանիան պատկերացնում էր այդ պրոցեսից փոքր-ինչ առանձնացած:

Մեկ ուրիշ բրիտանացի վարչապետՙ Մարգարետ Թետչերը, համաեվրոպական գաղափարն անվանում էր քամելեոն, որտեղ ամեն ոք տեսնում է իր ուզածը: «Երկաթյա Լեդին» զգուշացնում էր, որ չարժե գայթակղվել այդ գաղափարով, քանզի եվրոպամետների դիմակների հետեւում «թաքնված է դատարկություն»:

Ավելի ուշ Թետչերը առհասարակ հայտարարեց, որ Եվրոմիությանն անդամակցելը բրիտանացիների սխալն է: Եվ ահա 2013-ի դեկտեմբերին Համայնքների պալատը քվեարկեց հօգուտ այն առաջարկության, որ 2017 թվականին հանրաքվե անցկացվի ԵՄ-ից Մեծ Բրիտանիայի դուրս գալու վերաբերյալ: Մեծ Բրիտանիան տվյալ քայլին դիմում էՙ չնայած այն բանին, որ արդեն իսկ առանձնանում է միասնական Եվրոմիությունից, քանզի ունի սեփական արժույթ եւ այցագրային քաղաքականություն:

Դժգոհության ակներեւ պատճառը զանգվածային ներգաղթն է: Եվրոմիության ընդլայնմանը զուգընթաց արեւելաեվրոպական աղքատ երկրներից գաղթականների հոսքեր էին շարժվում դեպի Մեծ Բրիտանիա: Սկզբում գնում էին Լեհաստանից, հետոՙ Էստոնիայից, Լիտվայից եւ Լատվիայից: Մեծ Բրիտանիան հրապուրիչ էր բազմաթիվ արտոնությունների եւ նպաստների շնորհիվ:

Ներկայումս բրիտանացիներն անհանգստությամբ սպասում են ներգաղթի մի նոր ալիքի: Բուլղարիայի եւ Ռումինիայի քաղաքացիները եկող տարի իրավունք կստանան ազատորեն մուտք գործելու այդ երկիր:

Մեծ Բրիտանիայի վարչապետ Դեւիդ Կեմերոնն առաջարկում է սահմանափակել ներգաղթյալների իրավունքները: Բրյուսելում նրան պատասխանում են, որ դա հակասում է ԵՄ սկզբունքներին: Անգլիացիները դժգոհ են ամենքին խաղի կանոնների թելադրող ԵՄ բյուրոկրատիայից եւ փորձում են ծավալման հաշվին ամրապնդել սեփական դիրքերը:

«Եվրոմիությունը բնույթով ոչ միայն ժողովրդավարական չէ, այլեւ հակաժողովրդավարական կառույց է: Միասնական Եվրոպան ավելի ու ավելի է հիշեցնում Խորհրդային Միությունը, երբ ամեն ինչ որոշում է կենտրոնը: Դրանով չբավարարվելովՙ նրանք հաջողեցնում են իրենց կողմը գրավել ուրիշ երկրների, իրենց ենթարկել վերջիններիս: Իսկ դա արդյոք դո՞ւր է գալիս այդ երկրներում ապրող մարդկանց: Իհարկե ոչ», ասում է Մեծ Բրիտանիայի Անկախ կուսակցության առաջնորդ Նայջել Ֆարաջը:

Նման հայացքները սովորաբար բացատրում եմ բրիտանացիներիՙ որպես «կղզեբնակների» առանձնահատուկ մտածելակերպով: Սակայն երեք տարի առաջ, երբ Հին աշխարհամասում եվրոյի ճգնաժամ սկսվեց, հեռատես բրիտանացիները բացահայտորեն ուրախանում էին, որ պահպանել են իրենց ֆունտ ստեռլինգը:

 
 

«ԱԶԳ» ՕՐԱԹԵՐԹ #213, 06-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ