RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#211, 2013-12-04 > #212, 2013-12-05 > #213, 2013-12-06 > #214, 2013-12-07 > #215, 2013-12-10

«ԱԶԳ» ՕՐԱԹԵՐԹ #213, 06-12-2013



Մարզական

Տեղադրվել է` 2013-12-05 23:30:15 (GMT +04:00)


Ընթերցված է` 1064, Տպվել է` 19, Ուղարկվել է էլ.փոստով` 24

ՇԱԽՄԱՏԻ ՀՀ ՀԱՎԱՔԱԿԱՆԸ ԿՐԿԻՆ ԱՌԱՆՑ ՄԵԴԱԼՆԵՐԻ ՄՆԱՑ

Ռուսներն աշխարհի քառակի չեմպիոններ

Անթալիայում վերջնագիծը հատեց շախմատի աշխարհի թիմային առաջնությունը, որում Հայաստանի հավաքականն անհաջող հանդես եկավ: Մեր շախմատիստներին ոչ միայն չհաջողվեց պահպանել աշխարհի չեմպիոնի տիտղոսը, այլեւ մրցանակակիր դառնալ: Բրոնզե մեդալներին արժանանալու համար ՀՀ հավաքականին ավարտական` 9-րդ տուրում անհրաժեշտ էր հաղթել ուկրաինացիներին: Սակայն հաջողությունը երես էր թեքել մեր շախմատիստներից, որոնք պարտվեցին 1,5-2,5 հաշվով եւ 10 միավորով զբաղեցրին 5-րդ տեղը:

Ուկրաինայի հավաքականին հաղթանակ պարգեւեց Անտոն Կորոբովը` պարտության մատնելով Վլադիմիր Հակոբյանին: Արոնյան-Իվանչուկ, Սարգսյան-Մոիսեենկո, Պետրոսյան-Արեշչենկո պարտիաներն ավարտվեցին ոչ-ոքի: Ուկրաինացիները վաստակած 14 միավորով դարձան բրոնզե մեդալակիրներ:

Ինչպես սպասվում էր, Ռուսաստանի հավաքականը 2,5-1,5 հաշվով առավելության հասնելով մրցաշարի բացահայտ հետնապահ եգիպտացիների նկատմամբ, 15 միավորով նվաճեց աշխարհի չեմպիոնի տիտղոսը: Նշենք, որ ՌԴ հավաքականը մարզում էր մեր հայրենակից Յուրի Դոխոյանը: Ռուսները բոլորից հաճախ` 4-րդ անգամ աշխարհի չեմպիոն հռչակվեցին: Նախկինում նրանք ուժեղագույնն էին ճանաչվել 1997-ին, 2005-ին եւ 2010-ին: Թիմի կազմում Ալեքսանդր Գրիշչուկը 3-րդ անգամ ոսկե մեդալի արժանացավ:

Արծաթե մեդալները բաժին հասան չինացի շախմատիստներին, որոնք 3-1 հաշվով հաղթելով թուրքերին, վաստակեցին 14 միավոր` ուկրաինացիներին գերազանցելով բոլոր պարտիաներում վաստակած միավորների ընդհանուր քանակով: 10 միավորով 4-րդ տեղը զբաղեցրեց ԱՄՆ-ի հավաքականը, որը ոչ-ոքի խաղաց հոլանդացիների հետ: Վարուժան Հակոբյանը պարտվեց Իվան Սոկոլովին: Հոլանդիայի հավաքականը 9 միավորով գրավեց 6-րդ տեղը: Հաջորդ տեղերում են Գերմանիայի (8 միավոր), Ադրբեջանի (7), Թուրքիայի (3) եւ Եգիպտոսի (0) հավաքականները: Ադրբեջանցիները 1-3 հաշվով պարտվեցին գերմանացիներին:

Այսպիսով, շախմատի Հայաստանի հավաքականը տարվա 2 գլխավոր մրցաշարերում էլ անհաջող հանդես եկավ: Անթալիայում մեր թիմի կազմում առավել հաջողը Լեւոն Արոնյանի ելույթն էր, որը 8 հնարավորից 6 միավոր վաստակեց` մնալով անպարտելի: Հաջող խաղի մեջ մտավ Տիգրան Պետրոսյանը` 4 պարտիաներում թիմին 3 միավոր պարգեւելով: Վլադիմիր Հակոբյանն ու Գաբրիել Սարգսյանը 9 հնարավորից 4,5-ական միավոր վաստակեցին: Իսկ Սերգեյ Մովսիսյանը 6 պարտիաներում ընդամենը 2 միավոր վաստակեց` հաղթանակ չտոնելով:

 
 

«ԱԶԳ» ՕՐԱԹԵՐԹ #213, 06-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ