RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#211, 2013-12-04 > #212, 2013-12-05 > #213, 2013-12-06 > #214, 2013-12-07 > #215, 2013-12-10

«ԱԶԳ» ՕՐԱԹԵՐԹ #213, 06-12-2013



Տեղադրվել է` 2013-12-05 23:30:15 (GMT +04:00)


Ընթերցված է` 813, Տպվել է` 18, Ուղարկվել է էլ.փոստով` 13

ՆՈՐԱՅՐ ԳՅՈԶԱԼՅԱՆԸ ՀԵՌԱՑԱՎ ԲԵԼԱՌՈՒՍԱԿԱՆ ԹԻՄԻՑ

Ֆուտբոլի Հայաստանի բարձրագույն խմբի նախորդ առաջնության լավագույն ռմբարկու Նորայր Գյոզալյանը, որն «Իմպուլսի» կազմում 22 գոլ էր խփել, ամենայն հավանականությամբ հաջորդ տարի կրկին հանդես կգա հայկական ակումբներից մեկում:

Գյոզալյանին այդպես էլ չհաջողվեց ամրապնդվել Բելառուսի բարձրագույն խմբի առաջնության մասնակից Ժոդինոյի «Տորպեդո-ԲելԱԶ-ի» կազմումՙ անցկացնելով ընդամենը 6 խաղ, չխփելով ոչ մի գոլ: Գյոզալյանն այս տարվա հուլիսին էր 6 ամսով պայմանագիր կնքել բելառուսական ակումբի հետ:

«Ինչպես երեւում է, մեր թիմի կամ ընդհանրապես բելառուսական ֆուտբոլի խաղաոճն այնքան էլ չի համապատասխանում Գյոզալյանին, ուստի լավ կլինի, որպեսզի նա իր ուժերը փորձի մեկ այլ առաջնությունում: Շնորհակալություն ենք հայտնում Նորայրին աշխատանքի նկատմամբ բարեխիղճ եւ պրոֆեսիոնալ մոտեցում ցուցաբերելու համար, մարզական հետագա հաջողություններ ենք մաղթում ֆուտբոլիստին», նշված է ակումբի պաշտոնական կայքում:

Նորայր Գյոզալյանն իրոք ռմբարկուի հատկանիշներով օժտված ֆուտբոլիստ է, ինչը նա ապացուցեց «Իմպուլսում» խաղալիս: Սակայն ակումբի լուծարումից հետո Գյոզալյանը որոշեց ուժերը փորձել արտերկրում, ինչը նրա մոտ ակնհայտորեն չստացվեց: Ճիշտ կլինի, որ ֆուտբոլիստը վերադառնա Հայաստան: Նման արդյունավետ ֆուտբոլիստների կարիք հայկական ակումբները շատ են զգում: Որոշ ժամանակ հանդես գալով Հայաստանում, կրկին վերագտնելով իր խաղը, Նորայր Գյոզալյանը հետագայում հնարավորություն կունենա դարձյալ մեկնելու արտերկիր:

 
 

«ԱԶԳ» ՕՐԱԹԵՐԹ #213, 06-12-2013

AZG Daily #43, 15-11-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ