RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#216, 2013-12-11 > #217, 2013-12-12 > #218, 2013-12-13 > #219, 2013-12-14 > #220, 2013-12-17

«ԱԶԳ» ՕՐԱԹԵՐԹ #218, 13-12-2013



Տեղադրվել է` 2013-12-12 23:29:30 (GMT +04:00)


Ընթերցված է` 937, Տպվել է` 27, Ուղարկվել է էլ.փոստով` 12

«ԹԱՅՄԸ» ՏԱՐՎԱ ՄԱՐԴ ՃԱՆԱՉԵՑ ՀՌՈՄԻ ՊԱՊԻՆ

Ըստ «Թայմ» հանդեսի, Տարվա մարդ է ճանաչվել Հռոմի Ֆրանցիսկ պապը: Նա գահակալում է մեկ տարուց պակաս, բայց արդեն հասցրել է աշխարհում բարելավել Կաթոլիկ եկեղեցու նկարագիրը: Մասնավորապես կտրուկ փոխվել է պապական ոճը, որն այժմ զերծ է շքեղությունից:

Պապն ասում է, որ ինքը կուզենար տեսնել «աղքատ եկեղեցի աղքատների համար»:

Հանդեսի գլխավոր խմբագիր Նենսի Գիբսը արձանագրում է, որ նոր պապը կարճ ժամանակամիջոցում արժանացավ աշխարհի մարդկանցՙ երիտասարդների եւ ծերերի, հավատացյալների եւ ցինիկների ուշադրությանը:

77-ամյա Խորխե Մարիո Բերտոլին գահակալությունից առաջ Բուենոս Այրեսի կարդինալն էր: Իր պապական անունն ընտրել է ի պատիվ 12-13-րդ դդ. կաթոլիկ սուրբ Ֆրանցիսկ Ասիզցու: Պապի խոսքերով, այդ սուրբը «աղքատության եւ խաղաղության մարմնավորում է»:

Պապը մտադիր է անցկացնել եկեղեցական բարեփոխումներ: «Թայմի» պատմության մեջ նա Տարվա մարդ ճանաչված երրորդ պապն է: 1962-ին այդ պատվին արժանացել էր Հովհաննես ԻԳ պապը, 1994-ինՙ Հովհաննես-Պողոս Բ-ն:

Այս տարի 2-րդ տեղում է ամերիկյան հետախուզական ծառայությունների նախկին աշխատակից Էդվարդ Սնոուդենը:

Անցյալ տարի «Թայմը» երկրորդ անգամ Տարվա մարդ էր ճանաչել ԱՄՆ նախագահ Բարաք Օբամային, իսկ 2007-ինՙ ՌԴ նախագահ Վլադիմիր Պուտինին:

 
 

«ԱԶԳ» ՕՐԱԹԵՐԹ #218, 13-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ