RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
#218, 2013-12-13 > #219, 2013-12-14 > #220, 2013-12-17 > #221, 2013-12-18 > #222, 2013-12-19

«ԱԶԳ» ՕՐԱԹԵՐԹ #220, 17-12-2013



Տեղադրվել է` 2013-12-17 20:23:38 (GMT +04:00)


Ընթերցված է` 933, Տպվել է` 27, Ուղարկվել է էլ.փոստով` 19

ՕՊԵՐԱՅԻՆ ԵՐԳԻՉ ԲԱՐՍԵՂ ԹՈՒՄԱՆՅԱՆԸ 33 ՏԱՐԻ ԲԵՄՈՒՄ

Մ. Հ.

Հայաստանի պետական ֆիլհարմոնիկ նվագախումբն այս անգամ նշում է օպերային երգիչ Բարսեղ Թումանյանի ստեղծագործական գործունեության 33-րդ եւ ծննդյան 55-րդ հոբելյանները:

Երաժշտական երեկոն տեղի կունենա դեկտեմբերի 18-ին Օպերայի եւ բալետի ազգային ակադեմիական թատրոնում:

Ծրագրում կհնչեն հայ, ռուս եւ եվրոպական կոմպոզիտորների ստեղծագործություններ` Հայաստանի պետական ֆիլհարմոնիկ նվագախումբի կատարմամբ:

Բարսեղ Թումանյանը այն անվանի երաժիշտներից է, որը բախտ է ունեցել երգել Միլանի «Լա Սկալա» օպերային թատրոնում: Նա եղել է Երեւանի օպերայի եւ բալետի թատրոնի մեներգիչ, իսկ համերգային ծրագրերով ելույթներ է ունեցել Լոնդոնի թագավորական օպերային տանը` նվիրված Լենինականի երկրաշարժին, Լոնդոնի «Վիգմոր» դահլիճում, ինչպես նաեւ եվրոպական բազմաթիվ քաղաքներում: Իսկ Ավստրալիայում արժանացել է Հատուկ մրցանակի` «Ֆաուստ» օպերային ներկայացման մեջ Մեֆիստոֆելի դերի համար, իսկ Հայաստանում` ՀՀ ժողովրդական արտիստի կոչմանը: Մենահամերգներով հանդես է եկել ԱՄՆ-ի, Ավստրիայի, Կանադայի, Գերմանիայի, Չինաստանի, Ճապոնիայի բազմաթիվ քաղաքներում: Ընտրվել է Բնության եւ հասարակության մասին գիտությունների միջազգային ակադեմիայի փոխնախագահ: Իսկ 2000 թ.-ից հանդիսանում է Բարձր արվեստի համաժողովի հայկական մասնաճյուղի նախագահը:

 
 

«ԱԶԳ» ՕՐԱԹԵՐԹ #220, 17-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ