RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#219, 2013-12-14 > #220, 2013-12-17 > #221, 2013-12-18 > #222, 2013-12-19 > #223, 2013-12-20

«ԱԶԳ» ՕՐԱԹԵՐԹ #221, 18-12-2013



Տեղադրվել է` 2013-12-17 23:38:10 (GMT +04:00)


Ընթերցված է` 864, Տպվել է` 28, Ուղարկվել է էլ.փոստով` 20

ԴԱՏԱՐԱՆԸ ԱԱԳ ԳԱՂՏՆԱԼՍՄԱՆ ԾՐԱԳԻՐԸ ՃԱՆԱՉԵՑ ՀԱԿԱՍԱՀՄԱՆԱԴՐԱԿԱՆ

Վաշինգտոնում գործող ԱՄՆ դաշնային օկրուգային դատարանը բավարարել է երկու ամերիկացիներիՙ կառավարությանը եւ ԱԱԳ-ին ներկայացրած հայցը: Պատասխանողներից պահանջվում է դադարեցնել հայցվորների հեռախոսազրույցների վերաբերյալ տեղեկությունների հավաքումը: Այդ մասին հաղորդում է Ռոյթեր գործակալությունը:

Դատարանի կարծիքով, հեռախոսազրույցներին առնչվող տեղեկությունների հավաքման ծրագիրը հակասում է ԱՄՆ սահմանադրության 4-րդ ուղղմանը, որն ամերիկացիներին պաշտպանում է չհիմնավորված խուզարկություններից: «Դժվար է պատկերացնել ավելի անկանոն եւ կամայական միջամտություն, քան փաստորեն յուրաքանչյուր քաղաքացու հեռախոսազրույցների տվյալների սիստեմատիկ եւ բարձր տեխնոլոգիական հավաքումը», հայտարարել է դատավորը:

Դատավճռի կատարումը հետաձգված է մինչեւ կառավարության գանգատարկման քննությունը, քանի որ հարցը ազգային անվտանգության շահերի մասին է:

Պատասխանողների խոսքերով, ծրագիրը թույլ չի տալիս հետեւել զրույցների բովանդակությանը, այլ միայն ամրագրում է բաժանորդների համարները, զրույցների ժամկետն ու տեւողությունը: Սակայն դատավորը կասկածում է ծրագրի արդյունավետությանը, քանի որ կառավարությունը չի նշել որեւէ դեպք, երբ տվյալների հավաքումն օգնել է ահաբեկչության կանխմանը: Նրա կարծիքով, պատասխանողները պարտավոր են ապացուցել, որ ծրագրի արդյունավետությունը գերազանցում է մասնավոր կյանքի անձեռնմխելիությանը:

ԱՄՆ դաշնային դատարանը առաջին անգամ է կասկածի տակ առնում ամերիկացիների հեռախոսազրույցների տվյալների հավաքման ծրագրի սահմանադրականությունը: Ավելի վաղ Հետախուզության գործերի դաշնային դատարանը, գործերը դռնփակ քննելովՙ 15 անգամ հաստատել էր հիշյալ ծրագրի օրինականությունը, գրում է «Վաշինգտոն փոստ» թերթը:

2013-ի հունիսին հայց ներկայացրած երկու ամերիկացիները Verizon Communication հեռախոսային ընկերության բաժանորդներ են, որը ԱԱԳ-ին տեղեկություններ էր հաղորդել իր բաժանորդների հեռախոսազրույցների վերաբերյալ:

 
 

«ԱԶԳ» ՕՐԱԹԵՐԹ #221, 18-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ