RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#002, 2014-03-07 > #003, 2014-03-14 > #004, 2014-03-21 > #005, 2014-03-28 > #006, 2014-04-04

«ԱԶԳ» ՕՐԱԹԵՐԹ #4, 21-03-2014



Տեղադրվել է` 2014-03-20 23:48:09 (GMT +04:00)


Ընթերցված է` 2350, Տպվել է` 52, Ուղարկվել է էլ.փոստով` 36

ՏՆՏԵՍԱԿԱՆ ԱԿՏԻՎՈՒԹՅԱՆ ՑԱԾՐ ԱՃ ՏԱՐՎԱ ԱՌԱՋԻՆ 2 ԱՄԻՍՆԵՐԻՆ

ԱՐԱ ՄԱՐՏԻՐՈՍՅԱՆ

Հայաստանի ազգային վիճակագրական ծառայությունը երեկ հրապարակեց 2014-ի հունվար-փետրվար ամիսների սոցիալ-տնտեսական ցուցանիշները, համաձայն որոնց, Հայաստանի տնտեսական ակտիվության ցուցանիշը (ՏԱՑ) 2013-ի հունվար-փետրվարին նախորդ տարվա նույն ժամանակահատվածի համեմատ աճել է 2,4 տոկոսով:

Տարվա առաջին երկու ամիսների արդյունքում արդյունաբերությունում արձանագրվել է 4,1 տոկոս նվազում: Մի քանի տարի շարունակ նվազող շինարարությունն ունեցել է աճ` 1,2 տոկոս, ծառայությունների ոլորտում արձանագրվել է 3,8 տոկոս աճ, մանրածախ առեւտրում` 4,4 տոկոս աճ, իսկ ամենամեծ աճն արձանագրվել է գյուղատնտեսությունում` 4,9 տոկոս: Փաստորեն, եթե նախորդ 2-3 տարիներին ամենաբարձր աճ արձանագրվում էր արդյունաբերությունում, ապա այս տարվա առաջին ամիսներին արդյունաբերությունը միակ անկում արձանագրած ճյուղն է: էլեկտրաէներգիայի արտադրությունը նախորդ տարվա հունվար-փետրվարի համեմատ նվազել է 4,4 տոկոսով: Սակագնի բարձրացումն այստեղ բերել է սպառման ծավալների նվազմանը:

Արտաքին առեւտրաշրջանառությունը 2014-ի հունվար-փետրվարին 2013-ի հունվար-փետրվարի նկատմամբ նվազել է 5,8 տոկոսով եւ կազմել մոտ 819 մլն դոլար: Արտահանումը կազմել է 218 մլն դոլար, նվազելով 3,2 տոկոսով, ներմուծումը կազմել է 601 մլն դոլար, նվազելով 6,7 տոկոսով: Արտաքին առեւտրի բացասական հաշվեկշիռը որոշակիորեն նվազել է նախորդ տարվա առաջին երկու ամիսների համեմատ, կազմելով 383 մլն դոլար:

Միջին ամսական աշխատավարձը Հայաստանում հունվար-փետրվարին կազմել է մոտ 156 հազար դրամ, մասնավոր հատվածում այն կազմել է 185 հազար դրամ, պետականումՙ 136 հազար դրամ:

2014-ի միայն փետրվարին` նախորդ տարվա փետրվարի համեմատ, տնտեսական ակտիվությունն աճել է 3,2 տոկոսով, իսկ այս տարվա հունվարի համեմատ` 6,4 տոկոսով: 2013-ի փետրվարի համեմատ արդյունաբերությունում գրանցվել է 5 տոկոս անկում, շինարարությունում` 2,3 տոկոս աճ, ծառայությունների ոլորտում 5,8 տոկոս աճ, մանրածախ առեւտրում 4,2 տոկոս աճ, գյուղատնտեսությունում` 5,8 տոկոս աճ:

Արտաքին առեւտրաշրջանառությունը 2014-ի փետրվարին 2013-ի փետրվարի նկատմամբ նվազել է 8,1 տոկոսով եւ կազմել 427,5 մլն դոլար: Արտահանումը կազմել է 121 մլն դոլար, նվազելով 5,8 տոկոսով, ներմուծումը կազմել է 306 մլն դոլար, նվազելով 8,8 տոկոսով:

Այսպիսով, տարվա առաջին 2 ամիսներին ունենք Հայաստանի տնտեսական ակտիվության աճի ցածր տեմպ` հիմնականում պայմանավորված արդյունաբերական արտադրանքի ծավալների նվազմամբ:

 
 

«ԱԶԳ» ՕՐԱԹԵՐԹ #4, 21-03-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ