RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#014, 2014-05-30 > #015, 2014-06-06 > #016, 2014-06-13 > #017, 2014-06-20 > #018, 2014-06-27

«ԱԶԳ» ՕՐԱԹԵՐԹ #16, 13-06-2014



Տեղադրվել է` 2014-06-14 17:24:06 (GMT +04:00)


Ընթերցված է` 1626, Տպվել է` 18, Ուղարկվել է էլ.փոստով` 10

ՌԱԿ ՀԱՆՐԱՊԵՏԱԿԱՆ ՎԱՐՉՈՒԹՅԱՆ ՀԱՅՏԱՐԱՐՈՒԹՅՈՒՆԸ ԷԼԵԿՏՐԱԷՆԵՐԳԻԱՅԻ ՍԱԿԱԳՆԻ ՀՆԱՐԱՎՈՐ ԲԱՐՁՐԱՑՄԱՆ ՄԱՍԻՆ

ՌԱԿ Հանրապետական վարչություն

Էներգետիկ հիմնախնդիրները պետության տնտեսական զարգացման ու նաեւ քաղաքական կայունության հիմնաքարն են: Յուրաքանչյուր գործողություն, որը կարող է խանգարել այդ համակարգի գործունեությունը, վտանգում է պետության զարգացման հեռանկարը եւ նրա մրցունակությունը հատկապես փխրուն խաղաղության մեջ ապրող մեր տարածաշրջանում:

ՌԱԿ Հանրապետական վարչությունը իր խոր մտահոգությունն է հայտնում էլեկտրաէներգիայի սակագնի բարձրացման շուրջ վերջին շրջանում շրջանառվող լուրերի կապակցությամբ եւ հույս հայտնում, որ ՀՀ Կառավարությունը խելամիտ կգտնվի թույլ չտալու էլեկտրաէներգիայի սակագնի անհիմն բարձրացումը:

Հիշեցնենք, որ ընդամենը մեկ տարի առաջ, 2013 թ. հունիսի 7-ին, ՀՀ Կառավարությունը գազի գնի բարձրացման պատճառաբանությամբ անհամաչափ բարձրացրեց նաեւ էլեկտրաէներգիայի սակագինըՙ ցերեկվա համար մոտ 27 %-ովՙ 30 դրամից 38 դրամի, իսկ գիշերվա սակագինը էլ ավելի բարձրՙ 40 %-ովՙ 20-ից 28 դրամի: Այսպիսով գների այս էական բարձրացումը արդեն իսկ լուրջ հարված էր ՀՀ բնակչության ճնշող մեծամասնության ընտանեկան բյուջեին, շատերը ստիպված էին իրենց զրկելու առաջին անհրաժեշտություններիցՙ էլեկտրաէներգիայի վճարման համար:

Իրավիճակի նմանատիպ վատթարացումից ընդամենը մեկ տարի անց քաղաքացիների համար կենսական նշանակություն ունեցող էլեկտրաէներգիայի սակագնի հերթական թանկացումը կարող է լուրջ եւ իրավացի դժգոհությունների տեղիք տալ, առավել եւս սակագնի բարձրացման համար կարծես թե համոզիչ պատճառներ չկան:

ՌԱԿ Հանրապետական վարչությունը կոչ է անում կառավարությանը թույլ չտալ տարբեր պատճառաբանություններով էլեկտրաէներգիայի սակագնի բարձրացում եւ երկրում առկա տնտեսական ու քաղաքական իրավիճակի էլ ավելի վատթարացում:

 
 

«ԱԶԳ» ՕՐԱԹԵՐԹ #16, 13-06-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ