RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#016, 2014-06-13 > #017, 2014-06-20 > #018, 2014-06-27 > #019, 2014-07-04 > #020, 2014-07-11

«ԱԶԳ» ՕՐԱԹԵՐԹ #18, 27-06-2014



Տեղադրվել է` 2014-06-27 00:45:36 (GMT +04:00)


Ընթերցված է` 3483, Տպվել է` 18, Ուղարկվել է էլ.փոստով` 9

ՈՐՔԱ՞Ն ԿԲԱՐՁՐԱՆԱՆ ՊԵՏԱԿԱՆ ԱՇԽԱՏԱՎԱՐՁԵՐԸ ՀՈՒԼԻՍԻ 1-ԻՑ

ԱՐԱ ՄԱՐՏԻՐՈՍՅԱՆ

Հուլիսի 1-ից պետական համակարգում աշխատողների աշխատավարձերը բարձրանալու են: Թեեւ նախապես ասվում էր, որ դա պետք է տեղի ունենար հունվարի 1-ից, բայց ամենայն հավանականությամբ, տնտեսական աճի` նախատեսվածից ցածր ցուցանիշն անցյալ տարի հնարավորություն չտվեց դա իրագործել: Բացի աշխատավարձի բարձրացումից, պետական աշխատավարձերի համակարգում որոշակի կարգավորում է մտցվել: Ներկայումս խառնաշփոթ վիճակ է այստեղ տիրում, երբ դատավորի աշխատավարձն ավելի բարձր է, քան երկրի նախագահինը, կամ պետական հանձնաժողովի վարչության պետի աշխատավարձն ավելի բարձր է, քան նախարարինը: Մի խոսքով, այսուհետեւ գործելու է սանդղակ, եւ այս կամ այն քաղծառայողի, պաշտոնյայի աշխատավարձը սահմանվելու է բազային աշխատավարձի եւ տվյալ պաշտոնի համար կիրառվող գործակցի արտադրյալով:

Բազային աշխատավարձ է սահմանվում հուլիսի 1-ից 66140 դրամ: Հենց այս գումարի նկատմամբ էլ կիրառվելու է գործակիցը: Այսինքն, քաղծառայության առաջատար մասնագետի նկատմամբ, որը գտնվում է 1-ին ենթախմբի սանդղակում եւ 11-րդ մակարդակում, կիրառվելու է 3,64 սանդղակը: Ինչը նշանակում է, որ նրա աշխատավարձը կկազմի 66140 դրամը բազմապատկած 3,64-ով: Ստացվում է մոտ 240 հազար դրամ, որից եթե հանենք եկամտային հարկը, ապա մոտ 180-190 հազար դրամ մաքուր աշխատավարձ: Հիշեցնենք, որ ներկայումս այս գլխավոր մասնագետի պաշտոնում աշխատողների աշխատավարձը առնվազն կրկնակի ցածր է:

Ընդհանրապես, խոսելով պետական համակարգի աշխատավարձերի բարձրացման մասին, հարկ է նշել, որ դա, ըստ պաշտոնական հայտարարությունների, տարածվելու է 200 հազար մարդու վրա: Ինչը նշանակում է, որ խոսքը միայն բարձրաստիճան պաշտոնյաների մասին չէ, ինչպես փորձ է արվում ներկայացնել կամ շահարկել, այլ բնակչության մի ամբողջ շերտի: Մասնավորապես, աշխատավարձերի ապագա բարձրացումն առնչվելու է քաղաքական, հայեցողական, քաղաքացիական, բացառությամբ ԿԲ նախագահի եւ խորհրդի անդամների, պետական ծառայության, այդ թվում պաշտպանության, ազգային անվտանգության, ոստիկանության, քրեակատարողական եւ փրկարար ծառայություններում պաշտոններ զբաղեցնողների վրա:

Միաժամանակ նշենք նաեւ, որ պետական ծառայողների եւ մասնավորապես քաղծառայողների աշխատավարձերը վերջին 7-8 տարիներին (բացառությամբ աշխատանքային ստաժի եւ դասի փոփոխման հավելավճարները) չեն բարձրացվել: Դա էլ պետական համակարգում աշխատանքի ոչ գրավիչ լինելու, թերեւս, հիմնական պատճառն է եղել:

Այսպիսով, համաձայն աշխատանքի եւ սոցիալական հարցերի նախարարության, 2014թ. հուլիսի 1-ից նվազագույն ամսական աշխատավարձի բարձրացման եւ պետական պաշտոն զբաղեցնող անձանց վարձատրության նոր համակարգի ներդրման արդյունքում միջին աշխատավարձերն, ըստ ոլորտների, կբարձրանան հետեւյալ չափով.

առողջապահություն21,5 տոկոս,
կրթություն13,9 տոկոս,
մշակույթ29,6 տոկոս,
սոցիալական
պաշտպանություն21,6 տոկոս,
պետական կառավարում47,0 տոկոս,
քաղաքացիական
ծառայություն68,0 տոկոս:

 
 

«ԱԶԳ» ՕՐԱԹԵՐԹ #18, 27-06-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ