RSS | FACEBOOK | PDF
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#031, 2014-10-10 > #032, 2014-10-17 > #033, 2014-10-24 > #034, 2014-10-31 > #035, 2014-11-07

«ԱԶԳ» ՕՐԱԹԵՐԹ #33, 24-10-2014



Տեղադրվել է` 2014-10-24 19:50:50 (GMT +04:00)


Ընթերցված է` 1079, Տպվել է` 16, Ուղարկվել է էլ.փոստով` 8

ՓԱՐԻԶՅԱՆ ՀԱՆԴԻՊՈՒՄԸ ԲՈՎԱՆԴԱԿԱՅԻՆ ՆՈՐ ԼԻՑՔ ԿՀԱՂՈՐԴԻ ԼՂ ՀԱԿԱՄԱՐՏՈՒԹՅԱՆ ԿԱՐԳԱՎՈՐՄԱՆ. ԱՆՐԻ ՌԵՆՈ

ՀԱՍՄԻԿ ՀԱՐՈՒԹՅՈՒՆՅԱՆ

Հոկտեմբերի վերջին Փարիզում կայանալիք Հայաստանի եւ Ադրբեջանի նախագահների հանդիպումից լուրջ ակնկալիքներ ունի Հայաստանում Ֆրանսիայի դեսպան Անրի Ռենոն: Ըստ դեսպանի եռակողմ հանդիպումը պետք է բովանդակային առումով նոր լիցք հաղորդի Լեռնային Ղարաբաղի հակամարտության կարգավորման գործընթացին ու նպաստի խաղաղության երկարաժամկետ հաստատմանը:

«Հանդիպման նպատակն է բովանդակային առումով նոր լիցք հաղորդել հակամարտության կարգավորման գործընթացին: Ինչպես նաեւ` խթանել երկու երկրների միջեւ փոխվստահության մթնոլորտի ստեղծմանը, որն իր ազդեցությունը կունենա շփման գծում եւ հայ-ադրբեջանական սահմանին տիրող իրավիճակի վրա»,- ասաց Ռենոն` հավելելով, որ հանդիպմանը եւս մեկ անգամ պետք է վերահաստատվի, որ արցախյան հակամարտության կարգավորման բանակցված տարբերակին այլընտրանք չկա: Ըստ Ռենոյի այլընտրանք չկա նաեւ այն հարցում, որ Հայաստանը ԵՄ Արեւելյան գործընկերության ուժեղ գործընկերն է: Ըստ դեսպանի, այդ հարաբերություններին այլընտրանք չկա անգամ այն բանից հետո, երբ Հայաստանն անդամակցեց ԵՏՄ-ին:

«Եվրասիական տնտեսական միությանն անդամակցելուց հետո եւս Հայաստանն ընդգծել է իր խորը կապը եւ պատրաստակամությունը շարունակելու համագործակցությունը Եվրոպական միության հետ: Հայաստանի` ԵՄ-ի հետ գործընկերությունը շարունակելու այդ ցանկությունն արտացոլվեց անցյալ տարի Վիլնյուսում կայացած ԱլԳ գագաթաժողովի հայտարարության մեջ, որում հստակ նշված են Հայաստան-ԵՄ ապագա համագործակցության ոլորտները: Իսկ այդ հայտարարության դրույթների կենսագործումը գալիք ժամանակի խնդիր է»,- ասաց դեսպանը` հավելելով, որ Ֆրանսիան շարունակում է մնալ այն դիրքորոշմանը, որ Հայաստանին պետք է հնարավորություն ընձեռվի Ասոցիացման պայմանագիրը ստորագրելու: Անրի Ռենոն հիշեցնում է, որ նման հայտարարություն մայիսին Երեւանում պետական այցի շրջանակներում կատարել է Ֆրանսիայի նախագահ Ֆրանսուա Օլանդն եւ պաշտոնական Փարիզը շարունակում է այդ գաղափարը պաշտպանել:

«Ես կարծում եմ, որ սա առանց երկիմաստությունների արված կարեւոր հայտարարություն էր, որը լսելի եղավ ոչ միայն Հայաստանում, այլեւ ՀՀ սահմաններից շատ հեռու: ԵՄ խնդիրն է պահպանել սերտ հարաբերություններ Հայաստանի հետ: Ես կարող եմ ասել, որ ապագան խոստումնալից է Հայաստանի համար»,- կանխատեսեց Անրի Ռենոն:

 
 

«ԱԶԳ» ՕՐԱԹԵՐԹ #33, 24-10-2014

AZG Daily #43, 15-11-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ