RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#031, 2014-10-10 > #032, 2014-10-17 > #033, 2014-10-24 > #034, 2014-10-31 > #035, 2014-11-07

«ԱԶԳ» ՕՐԱԹԵՐԹ #33, 24-10-2014



Տեղադրվել է` 2014-10-24 19:50:50 (GMT +04:00)


Ընթերցված է` 1103, Տպվել է` 16, Ուղարկվել է էլ.փոստով` 8

ՇԹԱՅՆՄԱՅԵՐԸ ՀԵՏԵՎԵ՞Ց ԱՎՍՏՐԻԱՅԻ ԱՐՏԳՈՐԾՆԱԽԱՐԱՐԻ ՕՐԻՆԱԿԻՆ

ԱՆԱՀԻՏ ՀՈՎՍԵՓՅԱՆ, Գերմանիա

Գերմանական «Ցայթ օնլայնը» հոկտեմբերի 23-ին հաղորդում է, որ, ԳԴՀ արտգործնախարար Շթայնմայերը հինգշաբթի օրը Բաքվում պահանջել է վերջ տալ Ադրբեջան- Հայաստան հակամարտությանը։ Հակամարտությունը խաթարում է տարածաշրջանային կայունությունը, եւ ԵՄ ամրապնդում է ջանքերը, որ ԼՂ հակամարտությունն ավարտ գտնի, ասել է ԳԴՀ արտգործնախարարը, որ վերջերս Կիեւի բանակցություններում մեծ մասնակցություն ունեցավ հրադադարի հաստատման հարցում։ Ըստ ԳԴՀ արտգործնախարարության հայտարարության, հոկտեմբեր 22-23 -ին Ադրբեջան, այնուհետ Հայաստան այց նախաձեռնած Շթայնմայերը նպատակ ունի երկկողմանի հարաբերություններն ամրապնդել, ինչպես նաեւ երկու երկրներին մերձեցնել ԵՄ-ին։ Արտգործնախարարին ուղեկցում են գերմանական գործարար աշխարհի ներկայացուցիչներ։ Հինգշաբթի առավոտյան Բաքվում գերմանական պատվիրակությունը հանդիպել է քաղաքացիական հասարակության անդամների հետ, այնուհետ նահատակների ծառուղում ծաղկեպսակ դրել հուշարձանին, հանդիպել նախագահ Ալիեւին, որին հետեւել է իր պաշտոնակից Մամեդյարովի հետ զրույցը։ Ադրբեջանի հետ Գերմանիան 1999-ից ի վեր համագործակցության պայմանագիր ունի էներգետիկ բնագավառում։ Այցը հաստատում է, որ Ուկրաինայի ճգնաժամը չի տկարացնում Գերմանիայի հետաքրքրությունը արեւելյան գործընկերության մյուս անդամ երկրների նկատմամբ։ Հայաստանում էլ Շթայնմայերը հանդիպելու է նախագահ Սարգսյանին, արտգործնախարար Նալբանդյանին, այցելելու է Ծիծեռնակաբերդ։ Գերմանիան սատարում է Հայաստանիՙ ՆԱՏՕ-ին,ԵՄ-ին մերձեցմանը, վերջինիս պարագայում ինչպես քաղաքական, այնպես էլ տնտեսական հարաբերությունների առումով։ Երկու երկրների կառավարությունների բանակցությունների արդյունքն է 2014-իհոկտեմբերին զարգացման համագործակցության վերաբերյալ Գերմանիայի ՀՀ-ին խոստացած 109, 8 միլիոն եվրոյի տրամադրումը։ Գերմանիան եւ նրա ԵՄ գործընկերները սատարում են Մինսկի խմբի բանակցային ջանքերը ԼՂ հակամարտության խաղաղ կարգավորման հարցում։

Գերմանական ARD իր «Tagesschau» օրվա լրահոսը ներկայացնող բաժնում հոկտեմբերի 22-ին անդրդադառնալով Շթայնմայերի այցին, փոխանցում էՙ ռուսական ղեկավարությունը ուշադիր հետեւելու է ԳԴՀ արտգործնախարարի հայտարարություններին։ «Նախկին ԽՍՀՄ այս հանրապետություններն այլեւս ամբողջովին Եվրոպա չեն, բայց դեռեւս լրիվ Ասիա էլ չեն։Ռուսաստանի, Թուրքիայի եւ Իրանի միջեւ ընկած այս տարածքը երկու մայրցամաքներ են կապում։ Անցած 25 տարում տարածաշրջանի հիշյալ երկրները առավելաբար դեպի Արեւմուտք էին հակվել։ Անդրադառնալով ԼՂ- ին, մեկնաբանը վերլուծում է Ռուսաստանի երկակի խաղըՙ լծակներն օգտագործում է իր ռազմավարական գործընկեր Հայաստանի եւ Ադրբեջանի վրա ճնշում բանեցնելու նպատակովՙ Ադրբեջանին զենքի մատակարար հանդիսանալով։ Ադրբեջանը Ռուսաստանի աչքի փուշն էՙ Եվրոպայի համար նավթի եւ գազի հնարավոր մատակարար լինելու փաստը հանգիստ չի թողնում ՌԴ-ին։ Հսկայական գումարների միջոցով Ադրբեջանն ուզում է արեւմտյան Եվրոպայում եւ ԱՄՆ-ում իր վարկը բարելավել։ Եվրոպայի Խորհրդի նախագահությունը ստանձնելուց հետո էլ Ադրբեջանի նախագահը կառավարությանը քննադատողների նկատմամբ բռնաճնշումներ է իրականացնում։ Մարդու իրավունքների պաշտպանները հաշվել են 98 քաղբանտարկյալ։ Վերջերս Ավստրիայի արտգործնախարար Սեբաստիան Քուրցը Բաքվում հստակ քայլ էր արելՙ նա ադրբեջանական իշխանությունների առջեւ էր դրել քաղբանտարկյալների անվանական ցուցակը, ինչպես նաեւ ԵՄ երկրների այն լրագրողների անունները, որոնց արտոնված չէ Ադրբեջան մտնել։ Շթայնմայերը նույն կերպ կվարվի՞, դեռ հայտնի չէ, հոկտեմբերի 22-ի իր հաղորդումը եզրափակել էր գերմանական Առաջին ալիքը։

 
 

«ԱԶԳ» ՕՐԱԹԵՐԹ #33, 24-10-2014

AZG Daily #46, 06-12-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ