RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ՄԵՐ ԸՆԹԵՐՑՈՂՆԵՐԻՆ

«ԱԶԳ»ի խմբագրությունը ողջունում է իր բոլոր ընթերցողներին՝ Հայաստանում, թե Սփյուռքում։ Եվ երկու շաբաթ տեւած պարապուրդից հետո հայտնում, որ մեր թերթը անցնում է բացառապես համացանցային տիրույթ՝ առցանց (on-line) ռեժիմի, ներկա դժվարին օրերին կրկին լինելու իր ընթերցողների հետ՝ տեղական, տարածաշրջանային ու համաշխարհային լրատվությամբ, քաղաքական, սոցիալական ու մշակութային նորություններով, կարծիքների ու տեսակետների մատուցմամբ։ Մեր թղթակիցները ոչ միայն Հայաստանից, այլեւ Մոսկվայից, Գերմանիայից, Չեխիայից, Բելգիայից, Լիբանանից, Միացյալ Նահանգներից, Կանադայից եւ այլ վայրերից տեղյակ կպահեն ձեզ կորոնավիրուսի համավարակի հետեւանքների, դրա դեմ պայքարի միջոցների ու կերպերի մասին։ Հետեւեք www.azg.am կայք-էջին, մեր լուրերին, մեր տարաբնույթ նյութերին, գրեք մեզ։
#036, 2014-11-14 > #037, 2014-11-21 > #038, 2014-11-28 > #039, 2014-12-05 > #040, 2014-12-12

«ԱԶԳ» ՕՐԱԹԵՐԹ #38, 28-11-2014



ՀԱՅԿԱԿԱՆՔ

Տեղադրվել է` 2014-12-04 21:32:35 (GMT +04:00)


Ընթերցված է` 1380, Տպվել է` 15, Ուղարկվել է էլ.փոստով` 7

ՄԱՆՐ ԵՎ ԽՈՇՈՐ ՊԱՅԹՅՈՒՆՆԵՐ

ՀՈՎԻԿ ԱՖՅԱՆ

Երբ երեւանյան մանկական սրճարանում տեղի ունեցած պայթյունից (ինչի հետեւանքով մի քանի երեխա վնասվածքներ են ստացել) անցել էր մի քանի օր, ԱՄՆ նախագահ Բարաք Օբաման հանդես եկավ հայտարարությամբՙ կապված իսլամիստ ծայրահեղականների նոր ահաբեկչության հետ, ինչի հետեւանքով մի քանի քրիստոնեաներ դաժանաբար սպանվել էինՙ պազապես քրիստոնեա լինելու համար: Նախագահ Օբաման նշեց. «Քանի որ ահաբեկչությունը սահմաններ չունի, մեզՙ դրա հետ պայքարում չեն կարող կանգնեցնել ոչ մի սահմաններ, եւ մենք վստահ ենք, որ հաջողելու ենք համաշխարհային ակաբեկչության դեմ պայքարում»:

Հաշվի առնելով իրերի իսկական դրությունը պետք է արձանագրել, որ Օբամայի այս հայտարարությունը ոչ թե նշանակում է, որ ահաբեկչութունը շուտով պարտվելու է (նման հավաստիացումներն անկեղծ ասած նման են կոռուպցիան հարյուր տոկոսով վերացնելու հավաստիացումերին), այլՙ որ ԱՄՆ-ը շարունակելու է խախտել ամենատարբեր երկրների տարածքային ամբողջականությունըՙ մտնելով նրանց սահմաններից ներսՙ հենց այդ երկրներում «ահաբեկչութանը պարտության մատնելու» նպատակով:

Այս առումով ԱՄՆ-ի թիրախներից մեկը զուտ տեսականորեն, բացառապեսՙ տեսականորեն, կարող է լինել Ռուսաստանը, քանի որ, հիշեցնենք, բոլորովին վերջերս Լիտվայի նախագահ տիկին Դալիա Գրիբաուսկայտեն Ռուսաստանն անվանել էր «ահաբեկչական երկիր», եւ հաշվի առնելով, որ տիկին նախագահը Արեւմուտքի ներկայացուցիչ է, հետեւաբար Օբամայի դաշնակիցը «ահաբեկչության դեմ պայքարում», եւ ոչ միայն, ապա կարելի է ենթադրել, որ ԱՄՆ-ի համար Ռուսաստանը... եթե ահաբեկչական երկիր չէ, ապա գոնե... էբոլա վիրուսն է:

Ռուսաստանն, իհարկե, այս մեղադրանքները չի ընդունում, բայց Ռուսաստանը շատ բան չի ընդունում, օրինակ այն, որ իր նկատմամբ տնտեսական պատժամիջոցների արդյունքում զգալիորեն վատթարանալու է Ռուսաստանի տնտեսական իրավիճակը, հետեւաբար հասարակության կենսամակարդակը, հետեւաբար երկրում առաջանալու է սոցիալական պայթյուն, եթե, իհարկե, նույն այդ պատժամիջոցների հետեւանքով Ռուսաստանի հետ վատթարացած հարաբերություններից սոիալական պայթյուն չառաջանա Եվրոպայում, հատկապես դրա արեւելյան հատվածում, այն էլ առաջիկա ձմռանը, երբ մարդիկ իրենց բնակարանները տաքացնում են գազով, կամ հույս ունեն, որ պետք է տաքացնեն:

Մի խոսքովՙ պայթյունն անխուսափելի է թվում, համենայն դեպս իրավիճակը պայթյունավտանգ է:

Եթե մի կողմ թողնենք մեզանից հեռու եւ «հետեւաբար մեզ ամենեւին չվերաբերող» այս իրադարձությունները եւ դրանց հնարավոր սրումը, ապա իրավիճակը պայթյունավտանգ է նաեւ մեր կողքին, մեր ներսում. Ադրբեջանը վստահորեն չի համակերպվելու այս ամոթի հետ, որտեղ հայտվել է այն բանից հետո, երբ Արցախի հատուկ ծառայութան զինվորները, ինչպես որոշ աղբյուրներ են նշումՙ «4 հոգով եւ դիրքապահ զինվորների աջակցությամբ», ինչպես Մինսկի խմբի ամերիկացի համանախագահն է ասումՙ «ոչ մեկի տարածքից» դուրս են բերել խոցված հայկական ուղղաթիռի անձնակազմի դիերն ու ուղղաթիռի կարեւոր մասերը: Եւ չնայած ՀՀ պաշտպանության նախարար Սեյրան Օհանյանը վստահեցրել է, որՙ «էլ ավելի զգոնությամբ եւ աչալրջորեն է հսկվելու շփման գիծը», բայց դա, հասկանալի է, չի կանգնեցնելու Ադրբեջանին... «Համաժողովրդական շարժման» մասնակիցներին էլ իշխանությանՙ երկխոսելու ձեռքը չի կանգնեցնելու, քանի որՙ «Գագիկ Ծառուկյանը միշտ մինչեւ վերջ է գնում եւ միշտ ժողովրդի կողքին է»:

Եւ այսքան հնարավոր կամ արդեն գրանցված պայթյունների համապատկերում մենք անշուշտ կարող ենք եւ պետք է թույլ չտանք գոնե մանր պայթյուններ, ասենքՙ երեւանյան մանկական սրճարաններից մեկում: Չնայած դեռ մեծ հարց է, թե ո՞րն է մեզ համար ավելի խոշոր պայթյուն. այն, որ Օբաման մտնելու է որտեղ ուզի եւ երբ ուզի՞, թե՞ այն, ինչը տեղի ունեցավ օրերս մեր մանկական սրճարանում...

Այս «երկու» իրադարձություններն, ի դեպ, ոչ մի կապ չունեն միմյանց հետ, բայց «երկուսն» էլ կապ ունեն մեզ հետ, որովհետեւ «երկուսն» էլ մենք ենք թույլ տալիս, կամՙ ոչ:

 
 

«ԱԶԳ» ՕՐԱԹԵՐԹ #38, 28-11-2014

AZG Daily #12, 02-04-2020

AZG ONLINE

2020-04-06 04:59:55
Սմարթֆոններ` Քաշաթաղի դպրոցների երեխաներին

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ