RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#045, 2015-12-04 > #046, 2015-12-11 > #047, 2015-12-18 > #048, 2015-12-25

«ԱԶԳ» ՕՐԱԹԵՐԹ #47, 18-12-2015



Տեղադրվել է` 2015-12-17 23:26:36 (GMT +04:00)


Ընթերցված է` 1220, Տպվել է` 6, Ուղարկվել է էլ.փոստով` 5

ԲՈՐԶՈՎԱՆ ՀԱՅԵՐԻՆ ՄԵՂԱԴՐԵԼ Է ՖԱՇԻԶՄԻ՞ ՄԵՋ

ԱՆԱՀԻՏ ՀՈՎՍԵՓՅԱՆ, Գերմանիա

«Հայաստանը դեռ խորհրդային տարիներին մոնոէթնիկ հանրապետություն էր, որ իր տարածքներում այլ ազգերի ճնշում կամ ստիպում էր ենթարկվել իրեն: Այժմ իրադրությունն առավել ծանր է: Վերջին 10 տարում Հայաստանից արտագաղթած ազգությունների 64 տոկոսը ռուսական ծագում ունեցող քաղաքացիներ են, դրանից բացիՙ ադրբեջանցիներ, վրացիներ, բելառուսներ, ուկրաինացիներ, որ դարեր շարունակ բնակվել են Հայաստանում եւ հարկադրած լքել են երկիրը: Հայաստանն այսօր հետապնդում է «Ով հայ չէ, մեր երկիրը պիտի լքի» մոնոէթնիկ քաղաքականությունը»: Դեկտեմբերի 14 - ին Մոսկվայում «Ինտերֆաքս» գործակալության մամուլի սրահում Ռազմավարական ուսումնասիրությունների եվրասիական ինստիտուտի փորձագետ Տատյանա Բորզովայի ասածն է փոխանցում է ադրբեջանական պետական «Ազերթաջ» գործակալության թղթակից Ֆարիդա Աբդուլլաեւանՙ գործակալության գերմաներեն լեզվով տարածվող տարբերակումՙ նշելով, թե ռուս փորձագետը վերոհիշյալ միտքն է արտահայտել «Հայաստանի ռուսական ծագմամբ քաղաքացիների վիճակի հետազոտություն» թեմայի շրջանակներում: Ըստ ադրբեջանական գործակալության թղթակցի, փորձագետը նշել է, թե հայերի վերահսկման տակ գտնվող ԼՂ-ից ռուսալեզու բնակչությունը զանգվածաբար լքում է տարածքը, ինչը կարողացել են պարզել ԼՂ-ի ռուսալեզու համայնքի հետ հեռախոսահարցման միջոցով, ըստ որի, անցյալ տարի հազարավոր ռուսախոս ընտանիքներ Ղարաբաղից հեռացել են: Ըստ ադրբեջանական լրատվական գործակալության, Բորզովան պատմել է նաեւ իր Հայաստան կատարած այցի տպավորություններիցՙ ընդգծելով, թե մեծ տարբերություն կա իրական վիճակի եւ դրա մասին ռուսական մամուլի հաղորդագրությունների միջեւ:«Դեռ խորհրդային տարիներին եղել եմ Հայաստանում, բայց այս վերջին այցից ցնցված եմ. Նույնիսկ ԱՄՆ-ում դժվար չէր գտնել ռուսախոս մի բնակչի, որ ի վիճակի էր ճանապարհը ցույց տալ: Հայաստանում դրա հետ կապված մեծ խնդիր ունեցա: Ռուսերեն խոսող հյուրի հանդեպ վատ վերաբերմունքի ականատեսը դարձա»:

Մենք փորձեցինք համեմատել նույն օրվա «Ինտերֆաքս» գործակալության ռուսալեզու կայքի փոխանցածը, ըստ որի «ԱՊՀ-ում եւ Մերձբալթյան երկրներում ռուսախոս քաղաքացիների վիճակի ուսումնասիրություն» թեմայով մամուլի ասուլիսի ժամանակ Բորզովան Հայաստանի մասին ասել է. «Ետխորհրդային տարածքում Հայաստանն առաջինն է երկրից արտագաղթած ընդհանուրի մեջ ռուսալեզու բնակիչների թվովՙ 64 տոկոս, երկրորդ տեղում Ղազախստանն էՙ 54 տոկոս, այնուհետՙ Մոլդովան եւ Մերձդնեստրըՙ 50-ական տոկոսով»: «Ինտերֆաքսը» նշում է, թե փորձագետի հիշյալ եզրակացությունը հենված է վերջին 12 տարվա սոցիոլոգիական հետազոտության հիման վրա: Հայաստանի վերաբերյալ միայն այսքանը: Ադրբեջանական գործակալության մատուցած Բորզովայի «մոնոէթնիկ» երանգավորումը «Ինտերֆաքսի» տրամադրած լրատվության մեջ բացակայում է, փոխարենն ընդգծվում է Ադրբեջանի որակական առավելությունն այս հարցում: Փորձագետը դրական զարմանքով է գնահատել «ռուսաց լեզվի պահպանմանն ուղղված պետական ակտիվ քաղաքականությունը եւ դրա հիմնապատճառներից մեկը նկատել ադրբեջանական ընտրախավի, այդ թվում քաղաքական վերնախավի ազատ տիրապետումը ռուսաց լեզվին: Ռուսախոսների արտագաղթը երկրից 35-ից 36 տոկոս է կազմումՙ 7-րդ տեղը զբաղեցնելով»:

Որքան էլ առաջին հայացքից տարօրինակ, այդուհանդերձ փաստ է, որ «Ազերթաջ»-ը գերմաներեն տարածած իր հաղորդագրության մեջ մանրակրկիտ անդրադառնում է Բորզովայիՙ Հայաստանի մասին հնչեցրած քննադատությանըՙ հավելելով նաեւ իր մեկնաբանությունը, եւ որեւէ բառ չի փոխանցում իր երկրի մասին հնչեցրած գովեստից: «Ազերթաջի» ռուսերեն տարբերակում հիշյալ ասուլիսի մասին չգտանք, մնում է եզրակացնել հետեւյալըՙ ադրբեջանական պետական քաղաքականությունը հետեւողական է հակահայկական խեղաթյուրված նյութերով գերմանալեզու ընթերցողին սնելու հարցում, փոխարենը զգուշանում էՙ հույժ գաղտնի պահելով ռուսաց լեզվի հանդեպ իր սիրո մասին վկայող հրապարակումները:

 
 

«ԱԶԳ» ՕՐԱԹԵՐԹ #47, 18-12-2015

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ