RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#001, 2016-01-15 > #002, 2016-01-22 > #003, 2016-01-29

«ԱԶԳ» ՕՐԱԹԵՐԹ #1, 15-01-2016



Տեղադրվել է` 2016-01-17 20:28:11 (GMT +04:00)


Ընթերցված է` 1834, Տպվել է` 15, Ուղարկվել է էլ.փոստով` 9

ՀԻՎԱՆԴՈՒԹՅԱՆ ԴԵՊՔԵՐԻ ՆՎԱԶՈՒՄ ԿԱ, ԲԱՅՑ ԴՊՐՈՑԱԿԱՆ ԱՐՁԱԿՈՒՐԴՆԵՐԸ ՀԵՏԱՁԳՎԵՑԻՆ ԵՎՍ ՄԵԿ ՇԱԲԱԹՈՎ

Ա. Մ.

Կառավարության երեկվա նիստի սկզբում Հայաստանում համաճարակաբանական իրավիճակի վերաբերյալ զեկույցով հանդես եկավ առողջապահության նախարար Արմեն Մուրադյանը, ներկայացնելով նախարարության ձեռնարկած քայլերը: «Դեռեւս սեպտեմբեր ամսից կազմակերպել ենք H1N1 հարուցիչի դեմ պայքարի համապատասխան դասընթացներ բժիշկների համար, շուրջ 15000 մարդ պատվաստվել է կամավոր սկզբունքով, ներառյալ խոցելի խմբերըՙ մասնավորապես մանկատներում, ծերանոցներում, հոգեբուժարաններում գտնվող անձինք, ընդունարանների եւ առաջնային օղակի բուժանձնակազմը: Ուժեղացվել են, համապատասխանաբար, սահմանային անցումային կետերում գտնվող մեր ծառայությունները: Ամսի 8-ից հետաձգվել են դպրոցների եւ նախադպրոցական հաստատությունների աշխատանքները: Սահմանափակվել է հիվանդանոցների առանձին բաժանմունքների մուտքը: Բուժական աշխատանքներից կազմակերպվել է շուրջօրյա պոլիկլինիկական ծառայությունների աշխատանք տարածքային կառավարման եւ արտակարգ իրավիճակների նախարարության եւ քաղաքապետարանի հետ համատեղ, ներառյալ շաբաթ եւ կիրակի օրերը», հայտնեց Արմեն Մուրադյանը: Նրա տեղեկացմամբ, այս պահին հիվանդանոցներում գտնվում է 948 հիվանդ սուր շնչառական ինֆեկցիաներով, 420 հիվանդՙ թոքաբորբերով, 114 հղի կին գտնվում է հսկողության ներքո: Այդ 420 հիվանդից 213-ը երեխաներ են, 38-ը թոքաբորբով հղի կանայք են, վերակենդանացման բաժիններում գտնվում է 92 հիվանդ: Նախարարի հավաստմամբ, հարյուրավոր հիվանդներ ապաքինված արդեն գտնվում են տանը, բայց արձանագրվել են նաեւ մահվան դեպքեր. մինչեւ տարվա սկիզբՙ 3 դեպք, այս տարվա ընթացքումՙ 8 դեպք, որոնց մոտ գրանցվել է H1N1 հարուցիչը: Այս պահին 11 հիվանդի միացված է արհեստական շնչառության ապարատ, եւ նրանց վիճակը գնահատվում է ծայրահեղ ծանր:

Ըստ Արմեն Մուրադյանի, ամբողջ գործընթացը կազմակերպվել է պետական պատվերի շրջանակումՙ անկախ սոցիալական կարգավիճակից եւ արտոնություններից: Համապատասխան դեղորայքով հագեցած է եղել հիվանդանոցային ցանցը, ներառյալ համապատասխան հարուցիչի դեմ պայքարի «Տամիֆլյու» դեղամիջոցը, որը տրվել է անվճար սկզբունքներով:

Միաժամանակ, առողջապահության նախարարը նշեց, որ առավոտյան տվյալներով, երեկվա երեկոյան տվյալների հետ համեմատած, հիվանդության դեպքերի քանակի նվազում կա, բայց հաշվի առնելով, որ հոսպիտալացված ընդհանուր հիվանդների 80 տոկոսը երեխաներ են, առաջարկել է դպրոցների եւ նախադպրոցական հաստատությունների աշխատանքները հետաձգել եւս մեկ շաբաթով: Առաջարկը Հովիկ Աբրահամյանն ընդունել է, որից հետո նրա հանձնարարությամբ գիտության եւ կրթության նախարարությունը եւս մեկ շաբաթով երկարացրեց դպրոցական արձակուրդները:

 
 

«ԱԶԳ» ՕՐԱԹԵՐԹ #1, 15-01-2016

AZG Daily #2, 17-01-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ