RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#001, 2016-01-15 > #002, 2016-01-22 > #003, 2016-01-29

«ԱԶԳ» ՕՐԱԹԵՐԹ #1, 15-01-2016



Տեղադրվել է` 2016-01-17 20:28:12 (GMT +04:00)


Ընթերցված է` 2670, Տպվել է` 11, Ուղարկվել է էլ.փոստով` 8

ՍԵՊՏԵՄԲԵՐԻ 11-ԻՆ ՆՅՈՒ-ՅՈՐՔԻ ԶՈՒՅԳ ԱՇՏԱՐԱԿՆԵՐԻ ՄԵՋ ՕԴԱՆԱՎԵՐ ՉԵՆ ՄԽՐՃՎԵԼ

Պ. Ք.

Պնդում է ամերիկացի գիտնականը

2001 թ. սեպտեմբերի 11-ին աշխարհը ցնցվեց ԱՄՆ-ում տեղի ունեցած ողբերգությունից: ԶԼՄ-ները հաղորդեցին, որ ահաբեկիչները 4 օդանավ են առեւանգել. դրանցից մեկը ջախջախվել է Փենսիլվանիայում, երկրորդով փորձել են հարվածել Պենտագոնի շենքին, իսկ մյուս երկուսը մխրճվել են Համաշխարհային առեւտրի կենտրոնի աշտարակների մեջ եւ կործանել դրանք: Սակայն Քեմբրիջի համալսարանի ֆիզիկայի փիլիսոփայության դոկտոր Ջոն Դ. Վայնդհեմը բացատրում է, որ իրականում աշտարակների մոտ օդանավեր չեն եղել: Դրանք ավելացվել են փլուզվող երկնաքերների տեսագրության վրա: Երկրի իշխանությունները որոշակի պատճառներ ունեին, որպեսզի հասարակայնությունը հավատա, թե աշտարակներն իրենք են փլուզվել: Սակայն իրականում դրանք ականված են եղել:

Ահաբեկչությունների տեսագրության դանդաղեցված դիտման ժամանակ երեւում է, որ օդանավը աշտարակներից մեկի մեջ մտնում է, ինչպես դանակը կարագի մեջ: Ըստ որում ինքըՙ օդանավը բնավ չի վնասվում: Օդանավի պատկերը սովորական հոլոգրամ է, պնդում է Վայնդհեմը: Հարկ է նշել նաեւ այն փաստը, որ կործանվել է Համաշխարհային առեւտրի կենտրոնի համալիրի մասը կազմած երրորդ աշտարակը: Դրա մեջ օդանավ չի մխրճվել, բայց շենքը բառացիորեն երկտակվել է յոթ վայրկյանում, թեեւ այնպես էր կառուցված, որ կդիմանար թե՛ ցունամիի եւ թե՛ սաստիկ երկրաշարժի: Աշտարակի հիմքը կազմում էին անչափ հզոր մետաղյա կառույցներ:

Այս պատմության մեջ ամենահետաքրքրականն այն է, թե ում եւ ինչի համար էր պետք պայթեցնել զույգ աշտարակները: Վայնդհեմը տալիս է նաեւ այս հարցի պատասխանը: Բանն այն է, որ ողբերգական դեպքերից վեց շաբաթ առաջ երեք աշտարակների սեփականատերն էր դարձել ոմն Լարրի Սիլվերսթայն, որը հայտնի դեմք էր անշարժ գույքի շուկայում: Նրա ձեռքբերումը զարմացրել էր իր մրցակիցներին, քանի որ աշտարակները վնասաբեր էին եւ հույժ ծախսատար: Նախկին տերերն ուզեցել էին քանդել շենքերը եւ դրանց տեղում կառուցել թանկ բնակարաններ: Սակայն քաղաքի իշխանությունները դա չէին թույլատրելՙ վախենալով, որ աշտարակների փլուզման դեպքում քաղցկեղածին ազբեստի փոշին կծածկի Մանհեթենը, եւ քաղաքացիները հենց միայն իրենց առողջության վատացմանը վերաբերող դատական հայցերով կսնանկացնեն քաղաքը:

Համաշխարհային առեւտրի կենտրոնի երկնաքերները ոմանց շատ էին խանգարում, նշում է ex-news կայքը: Եվ ահա հայտնվեց գործարար Լարրի Սիլվերսթայնը, որը, ի դեպ, սերտորեն կապված էր կառավարական շրջանակների հետ: Նա ոչ միայն կնքեց վարձակալման պայմանագիր, այլեւ հասավ ապահովագրական գումարի աներեւեկայելի մեծացման: Վարձակալման դիմաց նա անձամբ վճարեց պահանջված գումարի համեմատաբար փոքր մասը: Այս ամենի արդյունքում Սիլվերսթայնը աշտարակների կործանումից շահեց ավելի քան 8 միլիարդ դոլար: Հարկ է նաեւ նշել, որ շենքերի փլատակների մաքրման ժամանակ օդանավի որեւէ բեկոր չի հայտնաբերվել: Ի դեպ, Համաշխարհային առեւտրի կենտրոնի շենքերի կործման հետեւանքով զոհվեց առնվազն 2600 մարդ:

 
 

«ԱԶԳ» ՕՐԱԹԵՐԹ #1, 15-01-2016

AZG Daily #46, 06-12-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ