RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#001, 2016-01-15 > #002, 2016-01-22 > #003, 2016-01-29

«ԱԶԳ» ՕՐԱԹԵՐԹ #1, 15-01-2016



Տեղադրվել է` 2016-01-17 20:28:12 (GMT +04:00)


Ընթերցված է` 1302, Տպվել է` 13, Ուղարկվել է էլ.փոստով` 9

ԹՄՐԱԲԱՐՈՆ ԳՈՒՍՄԱՆԸ ՁԵՐԲԱԿԱԼՎԵԼ Է ՀԱՐՑԱԶՐՈՒՅՑԻ ՇՆՈՐՀԻՎ

Պ. Ք.

Մեքսիկայի իշխանությունները բանտից փախած թմրաբարոն Խոակին Գուսմանին (մականունըՙ «Կարճլիկ») օրերս կրկին ձերբակալել են ավելի վաղ ամերիկացի դերասան եւ բեմադրիչ Շոն Փենին նրա տված հարցազրույցի շնորհիվ: Այդ մասին հաղորդում է Ասոշիեյթեդ պրես գործակալությունը, վկայակոչելով Մեքսիկայի իրավապահ մարմինների աղբյուրներ:

ABC հեռուստաալիքի տվյալներով, ԱՄՆ-ում քննություն է սկսվել Փենի եւ հանդիպման կազմակերպմանը նպաստած դերասանուհի Քեյթ դել Կաստիլյոյի նկատմամբ:

Հունվարի 9-ին «Ռոլլինգ սթուոն» հանդեսի կայքում հրապարակվեց Գուսմանի երկրոպեանոց հարցազրույցը: Փենի պնդման համաձայն, իրենց հանդիպումը եւ հարցազրույցը տեղի էին ունեցել 2015-ի հոկտեմբերին մեքսիկական ջունգլիում: Հանցագործի կենսագրությանը վերաբերող ֆիլմի նկարահանման շուրջ Փենը Գուսմանի հետ յոթ ժամ զրուցել էր դել Կաստիլյոյի ներկայությամբ:

Հարցազրույցում Գուսմանը պատմել է ռանչոյում անցած իր մանկության, աշխատանքի որոնումների մասին, բացահայտել է անցյալ տարի բանտից իր կատարած փախուստի որոշ մանրամասնություններ, նշելով, որ ստորգետնյա թունելի կառուցման համար «Սինալոա» կարտելը վարձել էր Գերմանիայում սովորած ճարտարագետների:

«Կարճլիկը» խոստովանել է, որ ինքը «մատակարարում է ավելի շատ հերոին, ամֆետամիններ, կոկաին, մարիխուանա, քան մեկ ուրիշը», բայց հայտարարել է, որ իրեն մեղավոր չի զգում աշխարհում «թմրանյութերի առատության» համար. նա պարզաբանել է, որ իր մահից հետո էլ այդ խնդիրը չի վերանա: Գուսմանը նշել է, որ ինքը բռնություն կիրառում է միայն ինքնապաշտպանության նպատակով եւ «տհաճություններ չի փնտրում»:

Մեքսիկայի իշխանությունները «Սինալոա» թմրակարտելի պարագլխին օրերս ձերբակալեցին հատուկ գործողության ընթացքում: Գլխավոր դատախազ Արելի Գոմես Գոնսալեսը հայտարարեց, որ հանցագործի հետքը հաջողվել է գտնել դերասանների եւ ֆիլմարտադրողների հետ նրա շփումների շնորհիվ:

2015 թ. հուլիսի 12-ին Գուսմանը բանտից փախել էր 10 մետր խորության վրա փորված մեկուկես կլիոմետրանոց թունելով («Ազգը» գրել է այդ մասին): Իր առաջին փախուստը նա կատարել էր 2014 թ., հանցակիցների հետ կաշառելով բանտապահներին եւ թաքնվելով լվացքի ֆուրգոնի մեջ:

«Սինալոան» Մեքսիկայի խոշորագույն թմրակարտելներից մեկն է: Ենթադրվում է, որ այդ կազմակերպությունը մատակարարում է ԱՄՆ հասցվող բոլոր թմրանյութերի 1/3-ը: Մեքսիկայի իշխանությունները որոշել են Գուսմանին հանձնել ԱՄՆ արդարադատության մարմիններին:

 
 

«ԱԶԳ» ՕՐԱԹԵՐԹ #1, 15-01-2016

AZG Daily #47, 13-12-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ