RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-30 09:30:43Թուրքիան ահաբեկիչներ է ուղարկում Ադրբեջան Արցախի դեմ կռվելու համար
2020-09-29 22:10:08Ստեփանակերտում սպասում են հայկական բանակի փառահեղ հաղթանակին
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
#002, 2016-01-22 > #003, 2016-01-29 > #004, 2016-02-05 > #005, 2016-02-12 > #006, 2016-02-19

«ԱԶԳ» ՕՐԱԹԵՐԹ #4, 05-02-2016



Տեղադրվել է` 2016-02-05 00:36:02 (GMT +04:00)


Ընթերցված է` 1379, Տպվել է` 14, Ուղարկվել է էլ.փոստով` 13

«ԶԻԿԱ» ՏԵՆԴԸ ՃԱՆԱՉՎԵՑ ՀԱՄԱՇԽԱՐՀԱՅԻՆ ՍՊԱՌՆԱԼԻՔ

Պ. Ք.

Առողջապահության համաշխարհային կազմակերպությունը խոստովանել է, որ «Զիկա» տենդի արագորեն տարածվող վիրուսը համաշխարհային սպառնալիք է: Ըստ այդմ հայտարարված է արտակարգ դրություն: Համապատասխան հայտարարությամբ հանդես է եկել ԱՀԿ գլխավոր տնօրեն Մարգարետ Չենը:

Նրա խոսքերով, իրավիճակը պահանջում է համակարգված միջազգային արձագանք: Ընդսմին պարտադիր չէ մտցնել ուղեւորությունների կամ առեւտրի սահմանափակումներ, ավելացրել է Չենը:

Ռոյթեր գործակալությունը նշում է, որ ԱՀԿ-ն արտակարգ դրություն է հայտարարել անկախ փորձագետների հանձնախմբի խորհրդով: Ավելի վաղ միջազգային շրջանակներում քննադատություն էր հնչել պաշտոնական կառույցների վճռական արձագանքի բացակայության առնչությամբ:

ԱՀԿ որոշումը կօգնի արագորեն հակազդել վիրուսին եւ առաջնահերթ կարգով ծավալել տվյալ խնդրին նվիրված գիտական հետազոտություններ:

«Զիկա» վիրուսը առաջին անգամ հայտնաբերվել է 1947 թ. Ուգանդայում, բայց մինչեւ վերջերս համարվում էր մարդու համար անվտանգ: 2015 թ. վիրուսը Աֆրիկայից եւ Ասիայից հասավ Հարավային Ամերիկա եւ արագորեն տարածվեց այնտեղ: Վարակի աղբյուրը մոծակներն են: Համեմատաբար անվնաս համարված ախտահարույց միկրոօրգանիզմը վերջերս կապում են միկրոցեֆալիայի բազմաթիվ դեպքերի հետ: Դա ուղեղի եւ գանգի չափերի բնածին փոքրացումն է, որը հանգեցնում է մտավոր հետամնացության:

Ներկայումս վիրուսն առկա է տարածաշրջանի 21 երկրներում եւ մանավանդ Բրազիլիայում: «Զիկան» վտանգավոր է առավելապես հղի կանանց եւ մինչեւ 2 տարեկան մանուկների համար: Վիրուսի տարածվածությունը վկայակոչելովՙ ԱՄՆ-ը առաջարկեց 2016 թ. օլիմպիադան չանցկացնել Բրազիլիայում: Վերջինիս վարչապետը ի պատասխան հայտարարեց, որ վիրուսը վտանգավոր է հղի կանանց եւ մանկիկների համար, որոնք տվյալ դեպքում կարող են չայցելել Բրազիլիա: «Զիկայով» վարակվելու դեպք արդեն բացահայտվել է նաեւ ԱՄՆ-ում: ԱՀԿ-ն նախազգուշացրել է, որ մոտ ժամանակներս վիրուսը կտարածվի Նոր աշխարհի բոլոր երկրներումՙ բացառությամբ Կանադայի եւ Չիլիի:

ԱՀԿ կանխատեսումների համաձայն, Ամերիկա աշխարհամասում «Զիկա» վիրուսով կարող է հիվանդանալ 3-4 մլն մարդ: Կազմակերպությունը հատուկ բաժին է ստեղծել վիրուսի դեմ պայքարելու նպատակով: Վերջին անգամ արտակարգ դրության միջազգային ռեժիմ հայտարարվել էր ավելի քան 11 հազար կյանք խլած «Էբոլա» վիրուսի պատճառով:

 
 

«ԱԶԳ» ՕՐԱԹԵՐԹ #4, 05-02-2016

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ