RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#043, 2016-11-18 > #044, 2016-11-25 > #045, 2016-12-02 > #046, 2016-12-09 > #047, 2016-12-16

«ԱԶԳ» ՕՐԱԹԵՐԹ #45, 02-12-2016



Տեղադրվել է` 2016-12-02 18:42:45 (GMT +04:00)


Ընթերցված է` 5916, Տպվել է` 432, Ուղարկվել է էլ.փոստով` 0

ՀԻՄԻ Է՞Լ ԼՌԵՆՔ

ԱՆԱՀԻՏ ՀՈՎՍԵՓՅԱՆ, Գերմանիա

ՅՈՒՆԵՍԿՕ- ն հաստատեց Ադրբեջանի, Թուրքիայի, Իրանի, Ղազախստանի, Ղրղստանի միացյալ հայտըՙ լավաշն իրենցն է

Եթովպիայի մայրաքաղաք Ադիս Աբեբայում նոյեմբերի 30- ից դեկտեմբերի 2 անցկացվում է ՅՈՒՆԵՍԿՕ- ի ոչ նյութական մշակութային արժեքների ժառանգության պահպանության մասին կոնվենցիայի 11-րդ միջկառավարական կոմիտեի նիստը: Նոյեմբերի 30- ին ի թիվս 11 այլ տարրերի ցուցակում ներառվել է նաեւ լավաշը ոչ նյութական մշակութային ժառանգության ցանկում ներառելուՙ Ադրբեջանի, Թուրքիայի, Իրանի, Ղազախստանի, Ղրղստանի միացյալ հայտը: «Բարակ հացի պատրաստման մշակույթը» անվանյալ հայտը ներկայացնում է, թե լավաշը, կաթիրման, ջուպկան, յուֆկան լայնորեն կիրառվում են նշված երկրների խոհանոցներում, սերտորեն կապված են տեղական ավանդույթների հետ, օգտագործվում են մշակութային ծեսերում:Հացը թխում են ոչ միայն ընտանիքի անդամների օգնությամբ, գյուղական շրջաններում դրա պատրաստման արարողությանը մասնակից են դառնում նաեւ հարեւանները: Նշված է, թե հացի այս տեսակները թխվում են ինչպես թոնրում, այնպես էլ բարակ մետաղյա թիթեղի վրա: Ողջ ընթացքն ուղեկցվում է բարեմաղթանք- օրհնանքների բարձրաձայնումով: Պատրաստման ավանդույթը փոխանցվում է սերնդե սերունդՙ վարպետից աշակերտին:

Հյուրասիրության ու համերաշխության խորհուրդ ամբարած այս մշակութային ժառանգությունը ներկայացնում է այն արարող ժողովուրդների մշակութային ընդհանուր արմատները, ամրապնդում համայնքին պատկանելու զգացումը:Ադրբեջանի ու Թուրքիայի մշակույթի եւ զբոսաշրջության նախարարությունները լավաշի մասինֆիլմ են պատրաստել, առիթը լավ են օգտագործելՙ հնչում է դուդուկի մեղեդին, տան պատշգամբի բազրիքին էլ գորգ է փռված:

Չենք ուզում ասելՙ երկակի ստանդարտ, բայց թե ՅՈՒՆԵՍԿՕ-ն այս որոշումն ընդունելիս ինչպե՞ս է դատել, չենք կարողանում ոչ ըմբռնել, ոչ էլ հարմար բնորոշում գտնել: Առավել քան տարօրինակ է, որ նույն միջազգային կազմակերպությունը ընդունել է Հայաստանիՙ «Լավաշ. ավանդական հացի պատրաստումը, նշանակությունը եւ մշակութային դրսեւորումները Հայաստանում» 2013- ին ներկայացրած հայտը եւ այն գրանցել 2014- ինՙ մարդկության ոչ նյութական մշակութային ժառանգության ներկայացուցչական ցանկում: Սրա մասին բնականաբար ոչ ադրբեջանական, ոչ էլ թուրքական լրատվամիջոցներն այս օրերին չեն հիշատակում: Իրանական, ղազախական, ղրղզական մամուլի հրապարակումներին ծանոթ չեմ, բայց մեր վերոնշյալ երկու դրացիները ցնծության մեջ ենՙ լավաշն իրենցն է: Բարակ խմորիվերոնշյալ մյուս տեսակները, որքան գիտեմ, երբեք չենք փորձել ներկայացնել որպես հայկական մշակութային ժառանգություն, իսկ բարակ խմորից թխվող հացատեսակ ունեն բոլոր հին ժողովուրդները:Գերմանիայի խանութներում վաճառվում է մեքսիկացիների, հնդիկների, արաբների, հույների, պարսիկների բարակ հացը: Թուրքերն իրենց անունն են սոսնձել թե՛ մատնաքաշին, թե՛ փախլավային, շուտով ենթադրում եմՙ գերմանական խանութներում հենց «լավաշ» գրությամբ կտարածեն իրենց բարակ հացը: Հետն էլ գրությունՙ իրենց նստակյաց ու բնիկ լինելու մասին: Ադրբեջանն այստեղ ուրիշ բան պիտի մտածիՙ միգուցե առաջիկա շաբաթ Համբուրգում ԵԱՀԿ նիստին «Ղարաբաղը մերն է » կոչի հետ խավիարը լավաշի՞ հետ մատուցի:

 
 

«ԱԶԳ» ՕՐԱԹԵՐԹ #45, 02-12-2016

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ