RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#044, 2016-11-25 > #045, 2016-12-02 > #046, 2016-12-09 > #047, 2016-12-16 > #048, 2016-12-23

«ԱԶԳ» ՕՐԱԹԵՐԹ #46, 09-12-2016



Տեղադրվել է` 2016-12-09 00:10:07 (GMT +04:00)


Ընթերցված է` 3495, Տպվել է` 11, Ուղարկվել է էլ.փոստով` 0

ԱՄԲՈԽԱՎԱՐՈՒԹՅԱՆ ՓՈՐՁՈՒԹՅՈՒՆ

Պ. Ք.

Աշխարհի լրատվամիջոցները վերջին օրերին լայնորեն անդրադառնում են Իտալիայի սահմանադրության փոփոխման հանրաքվեին եւ Ավստրիայի նախագահական ընտրություններին, որոնք Լոնդոնի «Ֆայնենշըլ թայմս» թերթն անվանում է «ամբոխավարության փորձություն»:

Ավստրիայում այդ փորձությունը հաջող անցավ. 72-ամյա անկախ թեկնածու Ալեքսանդր վան դեր Բելլենը հաղթեց Ազատության կուսակցության թեկնածու Նորբերտ Հոֆերին, որը քիչ էր մնում առաջին ծայրահեղ աջ նախագահը դառնար Եվրոմիության պատմության մեջ:

Ավստրիայում նախագահն ունի լոկ մի քանի ձեւական լիազորություն: Սակայն այս անգամվա նախագահական ընտրությունները համարվում են «հակամարտության հերթական փուլը հետպատերազմյան ազատական ընդհանուր համաձայնության եւ ամբոխավարության հարաճուն ալիքի միջեւ, որը հանգեցրեց «Բրեքսիտին» եւ Դոնալդ Թրամփի հաղթանակին», պարզաբանում է թերթը:

Ալեքսանդր վան դեր Բելլենը «կանաչների» կուսակցության նախկին առաջնորդն է: ԵՄ-ում «կանաչներն» ավանդաբար հանդես են գալիս գերազատականության եւ հակառուսական դիրքերից: Չնայած ծայրահեղ աջ Ազատության կուսակցության թեկնածու Նորբերտ Հոֆերի պարտությանը, նախագահական ընտրություններին նրա մասնակցությունը զգալիորեն բարձրացրեց ներգաղթի դեմ հանդես եկող իր կուսակցության վարկանիշը, եւ 2018-ի խորհրդարանական ընտրություններում կուսակցությունը կարող է ամրապնդել դիրքերը, կարծում է քաղաքագետ, ՌԳԱ Եվրոպայի ինստիտուտի Գերմանական հետազոտությունների կենտրոնի առաջատար գիտաշխատող Ալեքսանդր Կամկինը:

Գերմանիայի փոխկանցլեր Զիգմար Գաբրիելը Ալեքսանդր վան դեր Բելլենի հաղթանակն անվանել է «ամբոխավարության նկատմամբ ողջամտության հաղթանակ» եւ «հսկայական թեթեւացում ամբողջ Եվրոպայի համար»:

Eurasia Group խորհրդատվական ընկերության կառավարիչ տնօրեն Մուջթաբա Ռահմանը «Ֆայնենշըլ թայմսին» տված հարցազրույցում նշել է, որ այժմ ԵՄ-ում կառավարող ուժերը ստացել են դիրքերը հետ գրավելու հնարավորություն: «Ա-վան դեր Բելլենի հաղթանակը կդանդաղեցնի եվրոպական ամբոխավարական երթի տեմպը եւ հույս կտա կենտրոնամետ ուժերին», ասել է նա:

«Եվրոպան եւ իր քրքրված քաղաքական մարմնավորում ԵՄ-ը տարկետում ստացան, սակայն, ըստ երեւույթին, կարճ ժամանակով», արձանագրում է «Գարդիան» թերթը:

Ամբոխավարության հաջորդ փորձությունը կլինեն 2017-ի գարնանը Ֆրանսիայում կայանալիք նախագահական ընտրությունները, որտեղ երկրորդ փուլ անցնելու բոլոր հնարավորություններն ունի ծայրահեղ աջ «Ազգային ճակատի» առաջնորդ Մարին Լը Պենը:

«Ընտրողներին արմատականների կողմը տանող գործոններից ոչ մեկը չի անհետացել, եւ երկրներից ոչ մեկի կառավարությունը չի կարողանա միայնակ հաղթահարել Եվրոպայի խնդիրները», գրում է բրիտանական «Թայմս» թերթը:

Դեկտեմբերի 4-ին մեկ ուրիշ փորձություն դարձավ Իտալիայի իշխանությունների առաջարկած սահմանադրական փոփոխությունների հանրաքվեն, որի ընթացքում ժողովուրդը մերժեց դրանք, եւ վարչապետ Մատտեո Ռենցին հրաժարական տվեց: Վարչապետը մասնավորապես առաջարկել էր էականորեն կրճատել սենատորների թիվը եւ վերացնել «ցմահ սենատոր» կոչումը: Քաղաքական համակարգի փոխակերպումը երկրին հնարավորություն կտար տարեկան տնտեսել կես միլիարդ եվրո: Սակայն իտալացիները մերժեցին սահմանադրական փոփոխությունները, անսալով «Հինգ աստղ» շարժման առաջնորդ, նախկին կատակերգու եւ համոզված եվրոհոռետես Բեպպե Գրիլլոյի կոչերին: «Հիմա «Հինգ աստղը» իշխանությանը հավակնելու բոլոր հնարավորություններն ունի», գրում է «Դեյլի թելեգրաֆ» թերթը, ընդգծելով, որ իտալացիների դժգոհության գլխավոր պատճառը ներկայիս տնտեսական լճացումն է:

 
 

«ԱԶԳ» ՕՐԱԹԵՐԹ #46, 09-12-2016

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ