RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#045, 2016-12-02 > #046, 2016-12-09 > #047, 2016-12-16 > #048, 2016-12-23

«ԱԶԳ» ՕՐԱԹԵՐԹ #47, 16-12-2016



Տեղադրվել է` 2016-12-15 23:07:13 (GMT +04:00)


Ընթերցված է` 3960, Տպվել է` 395, Ուղարկվել է էլ.փոստով` 0

ԲԱՔՈՒՆ ԱՐՑԱԽԻՆ ՍՊԱՌՆՈՒՄ Է ՆՈՐ ՊԱՏԵՐԱԶՄՈՎ

Պ. Ք.

Ու նաեւ հրաժարվում է ԵԱՀԿ Մինսկի խմբից

Ադրբեջանի փոխվարչապետ Ալի Ահմեդովը հայտարարել է, որ «ԵԱՀԿ Մինսկի խմբի գործունեության մեջ անհրաժեշտ են արմատական փոփոխություններ»: Նրա խոսքերովՙ եթե նման փոփոխություններ տեղի չունենան, ապա դա կխարխլի Ադրբեջանի վստահությունը ԵԱՀԿ-ի եւ ԵԱՀԿ Մինսկի խմբի հանդեպ, եւ «հարց կծագիՙ որքանո՞վ է անհրաժեշտ Բաքվի ներկայությունը ԵԱՀԿ կազմում, եւ հարկավո՞ր է արդյոք Մինսկի խմբի հետագա գործունեությունը»: Ըստ որում, փոխվարչապետը գտնում է, որ «Հայաստանը փորձում է ձգձգել հակամարտության լուծումը, ձգտելով պահպանել գոյություն ունեցող ստատուս-քվոն», եւ որ «Երեւանում պետք է հասկանան, որ հակամարտությունը վաղ թե ուշ լուծվելու է միջազգային իրավունքի հիման վրա», եւ «հակառակ դեպքում Ադրբեջանը կդիմի վճռական քայլերի, այդ նպատակով օգտագործելով իր բոլոր հնարավորությունները»:

Ռուսաստանցի հայտնի պատմաբան Ստանիսլավ Տարասովը «Ռեգնում» գործակալության կայքում վկայակոչում է Բաքվի տեղեկատվական դաշտում արդեն վաղուց մշակվող այն տեսությունը, թե «ԼՂ հակամարտության կարգավորման գործընթացում Մոսկվան միջնորդ է, ուստի տրամաբանական է, որ այսօր, երբ Հարավային Կովկասում Ռուսաստանի վասալը հրաժարվում է բանակցություններից, տերն իր վրա է վերցնում այդ գործառույթը»: Ըստ որում, Բաքուն շարունակում է առաջ մղել Թուրքիային ԵԱՀԿ Մինսկի խմբի համանախագահներից մեկը դարձնելու գաղափարը, ինչը, ի դեպ, կապ ունի Հայաստանի համաձայնության հետ, որը, հասկանալի պատճառներով, դա կմերժի: Բաքվում դա լավ գիտեն, թեեւ հայտարարում են «Հայաստանի շփոթվածության» մասին, մինչդեռ իրենք են կորցրել իրավիճակի վրա ազդելու բոլոր լծակները: Ավելին, ստեղծվում է անհարմար կացություն, երբ Մոսկվան պահանջում է կատարել առաջին հերթին Վիեննայի եւ Սանկտ-Պետերբուրգի համաձայնությունները, որոնցով նախատեսվում է հակամարտող կողմերի շփման գծի վրա մտցնել մշտադիտարկման համակարգ եւ տեղաբաշխել միջազգային դիտորդներ: Համբուրգումՙ ԵԱՀԿ անդամ երկրների արտգործնախարարների խորհրդի 23-րդ նիստում պատահական չէր ՌԴ արտգործնախարար Սերգեյ Լավրովի այն հայտարարությունը, թե «ԼՂ հակամարտության վերաբերյալ Վիեննայում եւ Սանկտ-Պետերբուրգում ձեռք բերված պայմանավորվածությունները պետք է ամրագրվեն վավերական կերպով»: Այդ հանդիպումներին մասնակցել էին նաեւ ԵԱՀԿ Մինսկի խմբի համանախագահները:

Քանի որ ամրագրում չի կատարվում, Երեւանն անտեսում է Բաքվի հետ բանակցությունների վարումը, որը հենց իրադարձությունների ընթացքում նենգափոխում է հասկացությունները: Տարասովը նշում է, որ տարիներով մշակված այդ մարտավարությունը ներկայումս այլեւս չի գործում: Իսկ ուրիշ ոչինչ չկա, բացի զենքի շաչեցումից, ահաբեկումից, թե Լեռնային Ղարաբաղում հավանական նոր պատերազմը «կապակայունացնի տարածաշրջանի իրադրությունը»: Նույնիսկ Հարավային Կովկասում ՆԱՏՕ-ի համակարգող Ուլիյամ Լահուն հայտարարել է, որ «Մենք ուզում ենք տեսնել խաղաղ կարգավորում»: Այդուհանդերձ Ադրբեջանի նախագահի հասարակական-քաղաքական հարցերի գծով օգնական Ալի Հասանովը «Ալ-Ջազիրա» հեռուստաալիքին տված հարցազրույցում հայտարարել է հետեւյալը. «Եթե հակամարտության կարգավորման կապակցությամբ ստեղծված ԵԱՀԿ Մինսկի խումբը, որի համանախագահներն են Ռուսաստանը, ԱՄՆ-ը եւ Ֆրանսիան, ուզենա Հայաստանին արտաքսել գրավյալ ադրբեջանական տարածքներից, ապա շատ արագ կարող է հասնել դրան: Եթե համանախագահները կայացնեն ճիշտ եւ վերջնական վճիռ, ձեռնարկեն գոնե մինչեւ օրս ընդունված բազմաթիվ որոշումների կատարմանն ուղղված իրական քայլեր, ապա խնդիրը կվերանա»:

Այսինքն Ադրբեջանը սպասում էր, որ ինչ-որ մեկը սկուտեղի վրա իրեն մատուցի իր ցանկացած սցենարը, թեեւ ինքը տարիներ շարունակ աշխատել է ԵԱՀԿ Մինսկի խմբի ձեւաչափում եւ բանակցել առաջարկվող փոխզիջողական տարբերակների շուրջը, իր կողմից առաջ չքաշելով որեւէ գրագետ նախաձեռնություն, արձանագրում է Ստանիսլավ Տարասովը: Բացի դրանից, ուրիշ միջազգային խնդիրների առթիվ համանախագահ երկրների իրավիճակային տարաձայնություններից օգտվելով ԵԱՀԿ Մինսկի խումբը փլուզելու Բաքվի փորձերը եւս արդյունք չտվեցին: Կարող են փոխվել ձեւաչափերը, պահանջները, մոտեցումները, բայց էությունը կմնա առաջվանը:

Պարզ է, որ Երեւանը ինչ-ինչ միակողմանի զիջումների չի դիմի, իսկ Բաքուն ստիպված կլինի համաձայնվել բանակցային գործընթացին Ստեփանակերտի մասնակցությանը: Միջնորդները եւ առաջին հերթին Ռուսաստանը պարտավոր են ջանքեր գործադրել հակամարտության գոտում կայունությունը պահպանելու եւ ապրիլյան դեպքերի կրկնություն թույլ չտալու համար: Ի դեպ, այդ մասին խոսել է նաեւ Հայաստան-ԱՄՆ նախկին դեսպան Ջոն Էվանսը : Նրա կարծիքով, «Հայաստանը կարող է պահանջել բանակցություններին Լեռնային Ղարաբաղի մասնակցությունըՙ որպես բանակցությունների սեղանի մոտ իր վերադարձի նախապայման»: Ըստ երեւույթին, ուրիշ ելք այլեւս չկա:

 
 

«ԱԶԳ» ՕՐԱԹԵՐԹ #47, 16-12-2016

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ