RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#021, 2017-06-02 > #022, 2017-06-09 > #023, 2017-06-16 > #024, 2017-06-23 > #025, 2017-06-30

«ԱԶԳ» ՕՐԱԹԵՐԹ #23, 16-06-2017



ՀԱԿԱՄԱՐՏՈՒԹՅՈՒՆ

Տեղադրվել է` 2017-06-15 22:16:02 (GMT +04:00)


Ընթերցված է` 10332, Տպվել է` 1039, Ուղարկվել է էլ.փոստով` 0

ԱԴՐԲԵՋԱՆՈՒՄ ՔԱՂԱՔԱԿԱՆ ԴԵՄԻՍԵԶՈՆ Է

ՎԱՀՐԱՄ ԱԹԱՆԵՍՅԱՆ, Ստեփանակերտ

Անցյալ տարվա սեպտեմբերյան հանրաքվեից հետո Ադրբեջանում «հեղափոխություն» արդեն իսկ կատարվել է. շուրջ տասնամյա միօրինակությունից հետո հայտնվել են երկրորդ տեսակետ արտահայտող լրատվամիջոցներ: Պետք է ենթադրել, որ դա իշխանության մեջ «երկրորդ ձեռքի» գործն է, կամ Իլհամ Ալիեւը որոշել է այդ ձեւով ստուգել շրջապատի զգոնությունը: Որ տարբերակն էլ իրական լինի, հետաքրքրականը ստեղծված իրավիճակի հանրայնացումն է, այնՙ որ Ադրբեջանում քաղաքական դեմիսեզոն է, եւ բոլորն ինչ-որ ցնցող բանի են սպասում:

Ապրիլին լրացել է փոխնախագահների պաշտոնում նշանակումներ անելու սահմանադրական ժամկետը, բայց դրանք մնում են թափուր: Ներկայումս քննարկվում է վարչապետի հարցը: Արթուր Ռասիզադեն անցել է 80-ամյակի շեմը: Բացի այդ, սահմանադրական փոփոխություններով վարչապետն այլեւս պետության եւ գործադիր իշխանության երկրորդ դեմքը չէ, այդ իրավասությունը վերապահված է առաջին փոխնախագահին: Կառավարության ղեկավարի պաշտոնը դարձել է զուտ ներկայացուցչական եւ տեխնիկական: Քննարկվում է վարչապետի մի քանի թեկնածություն: Ավելի հավանական է համարվում, որ այդ պաշտոնին կնշանակվի կա՛մ կրթության նախարար Ջաբարովը, կա՛մ զբոսաշրջության նախարար Ռահիմովը:

Իլհամ Ալիեւը կարգադրություն է արձակել, որով վերակազմավորվել է նրա աշխատակազմը: Ճիշտ է, աշխատակազմի ղեկավարի պաշտոնում վերանշանակվել է Ռամիզ Մեհթիեւը, բայց նա այլեւս տեղակալներ չի ունենա: Մինչ այդ նման պաշտոն զբաղեցնող անձինք կունենան նախագահի օգնականի կարգավիճակ: Ադրբեջանական որոշ լրատվամիջոցներ համարում են, որ տրվել է իշխանությունից Մեհթիեւին եւ նրա մարդկանց հեռացնելու մեկնարկը:

Ավելի մանրամասնելով իրավիճակը, կայքերից մեկը ձեւակերպել է, որ Իլհամ Ալիեւը եւ Մեհրիբան Ալիեւան «չեն ուզում աշխատել նախիջեւանյան կլանի հետ»:(http://anaxeber.az/ust-manset/29358): Միաժամանակ սոցիալական ցանցերից մեկի ադրբեջանական տիրույթում տարածվել է Ջալալ Ալիեւի` Հեյդար Ալիեւի եղբոր, նամակը, որտեղ նա զարմիկին անվանում է Իլհամ Փաշաեւ: Նամակում կոպիտ անվանարկված է Մեհրիբան Ալիեւան, որը «միայն Ադրբեջանում տասնյոթ մարդու հետ սիրային կապեր է ունեցել, իսկ 1991-95թ.թ. ամուսնուց բաժան ապրել է Թուրքիայում»:

Ըստ երեւույթին, դա նախիջեւանյան կլանի վերժխնդրությունն է առաջին փոխնախագահի պաշտոնում նշանակված Մեհրիբան Ալիեւայից, որի ցանկությամբ է Իլհամ Ալիեւն սկսել ձեւավորել իշխանության Բաքվի թիմը, իսկ ներկայացուցիչներին ընտրում է Փաշաեւների ընտանիքը: Հատկապես ուշադրություն է դարձվում հանգամանքին, որ, չնայած անոնսավորված էր, Իլհամ Ալիեւն առայօր փոխնախագահի պաշտոնում չի նշանակել Նախիջեւանի Գերագույն մեջլիսի նախագահ Վասիֆ Թալիբովին:

Վերջինս Ալիեւների ընտանիքի, ավելի ստույգ` Հեյդար Ալիեւի քրոջ փեսան է եւ մեծագույն ծառայություններ է մատուցել, երբ հայր Ալիեւը Նախիջեւանում ապրում էր գրեթե որպես քաղաքական վտարանդի: Թալիբովը Նախիջեւանը կառավարում է այնտեղից Հեյդար Ալիեւի հեռանալուց, այսինքն` 1993թ.-ից ի վեր: Նա հայտնի է բռնապետական հակումներով եւ բացարձակ անկրթությամբ: Նման մարդուն փոխնախագահի պաշտոն վստահելն, իհարկե, քաղաքական ռիսկ է: Մյուս կողմից էլ առկա է վրեժխնդրության պահը: Եւ, հավանաբար, դա է պատճառը, որ Իլհամ Ալիեւն առայսօր փոխնախագահների պաշտոնում նշանակումներ չի անում:

Այս տեսակետից չափազանց կարեւոր է մի դիտարկում, որ իշխանության «Բաքվի թիմը», իսկ այդպես ասելիս նկատի են ունենում հատկապես Մեհրիբան Ալիեւային եւ Փաշաեւների ընտանիքի հովանավորյալներին, «նպատակ է դրել վերահսկողություն հաստատել նաեւ ուժային կառույցների նկատմամբ եւ մոտ ժամանակներս հնարավոր է բանակի ղեկավար կազմի փոփոխություն»: (http://anaxeber.az/ust-manset/29358): Ուժային կառույցներից մեկը` ազգային անվտանգության նախարարությունը, լուծարվել է անցյալ տարի, փոխարենն ստեղծվել է երկու ինքնուրույն` պետական անվտանգության եւ արտաքին հետախուզության ծառայություն:

Արդեն իսկ ակնարկ է եղել, որ պետանվտանգության ծառայության պետի պաշտոնում նշանակված Մադաթ Գուլիեւը, որ մինչ այդ արդարադատության նախարարի տեղակալ էր եւ վերահսկում էր ՔԿՀ-ները, Մեհրիբան Ալիեւայի թեկնածուն է: ՆԳ նախարար Ռամիլ Ուսուբովը շուտով կդառա 80 տարեկան, եւ նրա պաշտոնանկությունը կդիտվի նույնիսկ շատ օրինաչափ: Պաշտպանության նախարար Զաքիր Հասանովը նույնպես պրոֆեսիոնալ չէ, նախկինում զբաղեցրել է ՆԳՆ ներքին զորքերի հրամանատարի պաշտոնը: Ադրբեջանական բանակի վերջին մեկ տարվա մի քանի խոշոր ձախողումների համապատկերին տրամաբանական կհամարվի նաեւ նրա հեռացումը:

Այդուհանդերձ, եթե իրականություն դառնա ադրբեջանական լրատվամիջոցի կանխատեսումը եւ մինչեւ տարեվերջ փոխվեն ՆԳ եւ պաշտպանության նախարարները, իսկ Վասիֆ Թալիբովը չնշանակվի փոխնախագահ, ապա հնարավոր կլինի զգուշորեն ենթադրել, որ Ադրբեջանում 2018-ի նախագահական ընտրությունների առանցքային դերակատար է լինելու Մեհրիբան Ալիեւան: Նույնիսկ եթե Իլհամ Ալիեւը չորրորդ ժամկետով առաջադրվի եւ վերընտրվի:

 
 

«ԱԶԳ» ՕՐԱԹԵՐԹ #23, 16-06-2017

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ