RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ՄԵՐ ԸՆԹԵՐՑՈՂՆԵՐԻՆ

«ԱԶԳ»ի խմբագրությունը ողջունում է իր բոլոր ընթերցողներին՝ Հայաստանում, թե Սփյուռքում։ Եվ երկու շաբաթ տեւած պարապուրդից հետո հայտնում, որ մեր թերթը անցնում է բացառապես համացանցային տիրույթ՝ առցանց (on-line) ռեժիմի, ներկա դժվարին օրերին կրկին լինելու իր ընթերցողների հետ՝ տեղական, տարածաշրջանային ու համաշխարհային լրատվությամբ, քաղաքական, սոցիալական ու մշակութային նորություններով, կարծիքների ու տեսակետների մատուցմամբ։ Մեր թղթակիցները ոչ միայն Հայաստանից, այլեւ Մոսկվայից, Գերմանիայից, Չեխիայից, Բելգիայից, Լիբանանից, Միացյալ Նահանգներից, Կանադայից եւ այլ վայրերից տեղյակ կպահեն ձեզ կորոնավիրուսի համավարակի հետեւանքների, դրա դեմ պայքարի միջոցների ու կերպերի մասին։ Հետեւեք www.azg.am կայք-էջին, մեր լուրերին, մեր տարաբնույթ նյութերին, գրեք մեզ։
#046, 2017-12-08 > #047, 2017-12-15 > #048, 2017-12-22

«ԱԶԳ» ՕՐԱԹԵՐԹ #48, 22-12-2017



Տեղադրվել է` 2017-12-21 22:59:36 (GMT +04:00)


Ընթերցված է` 5778, Տպվել է` 9, Ուղարկվել է էլ.փոստով` 0

ԷՐԴՈՂԱՆԻ «ԵՐՈՒՍԱՂԵՄՅԱՆ» ՀՌԵՏՈՐԱԲԱՆՈՒԹՅՈՒՆԸ

Պ.Ք.

Երուսաղեմը Իսրայելի մայրաքաղաք ճանաչելու եւ ԱՄՆ դեսպանությունը այնտեղ տեղափոխելու Դոնալդ Թրամփի որոշման ֆոնի վրա Իսրայելի քննդադատությամբ հանդես գալովՙ Թուրքիայի նախագահ Էրդողանը փորձում է ներկայանալ որպես իսլամական աշխարհի առաջնորդ: Բայց իրականում նա հետապնդում է միանգամայն այլ նպատակներ, կարծում է գերմանական DieWelt թերթի մեկնաբան Բորիս Կալնոկին :

«Երուսաղեմը կարմիր գիծ է մահմեդականների համար», հայտարարեց Էրդողանը Թրամփի որոշման հրապարակումից հետո: Տարածաշրջանի մահմեդականների համար եկել է վճռականորեն գործելու ժամանակը, վստահ է Էրդողանը :

Նրա ռուս պաշտոնակից Վլադիմիր Պուտինը Անկարա կատարած այցելության ժամանակ Վաշինգտոնի որոշումն անվանեց տարածաշրջանն ապակայունացնող գործոն: Իսլամական համագործակցության կազմակերպության Անկարայի գագաթաժողովում եւս Էրդողանը հանդես եկավ Իսրայելի քննադատությամբՙ նրան անվանելով ահաբեկչական պետություն, որը Երուսաղեմը դարձնում է մահմեդականների բանտ: Էրդողանի խոսքերով, «նրանք, ովքեր կարծում են, թե իրենք հրեական պետություն են ստեղծել, վաղը չեն գտնի մի ծառ, որի հետեւում կկարողանային թաքնվել»:

Սակայն Իսրայելին Էրդողանի ուղղած սպառնալիքները Իսլամական համագործակցության կազմակերպության շրջանակներում, ամենայն հավանականությամբ, չեն ունենա որեւէ գործնական շարունակություն: Նույնիսկ թուրքական լրատվամիջոցները գրեցին, որ Թրամփի որոշումը նախօրոք համաձայնեցված է եղել Սաուդյան Արաբիայի հետ:

Այնպես է ստացվում, որ Թրամփը զանգահարել է տարածաշրջանի ամենակարեւոր պետության ղեկավարությանը, բայց անտեսել է Թուրքիայի նախագահին, որը համոզված է միջազգային քաղաքական ասպարեզում իր նշանակալիությանը: Հենց միայն տվյալ փաստը շատ բան է ասում Թուրքիայի հանդեպ ԱՄՆ-ի վերաբերմունքի եւ այն բանի մասին, թե Վաշիգտոնն Անկարային ինչպիսի դեր է հատկացնում մերձավորարեւելյան քաղաքականության մեջ:

Վերջին տարիներին Իսրայել-Թուրքիա հարաբերություններ փաստորեն գոյություն չեն ունեցել, գրում է DieWelt թերթը: 2010թ. սկսած Էրդողանը հանդես է գալիս հակաիսրայելական կոշտ հռետորաբանությամբ, որպեսզի յուրատեսակ «թուրքական ընկերակցություն» ստեղծի Մերձավոր Արեւելքումՙ փոխանակ շարունակելու Եվրոմիություն ընդունվելու անպտուղ ջանքերը: Սակայն իսլամական աշխարհի առաջնորդ դառնալու Թուրքիայի ճիգերը ի դերեւ ելան Սիրիայի եւ Լիբիայի քաղաքացիական պատերազմների քաոսում:

Էրդողանի հակաիսրայելական եւ հակաամերիկյան մեծադղորդ հայտարարությունների հետեւում առնվազն մասնակիորեն թաքնված են ներքաղաքական բնույթի պատճառներ: 2019 թվականին Թուրքիայում անցկացվելու են նախագահական ընտրություններ: Հաղթանակի համար Էրդողանը պետք է ստանա քվեների առնվազն 50 տոկոսը, սակայն վերջին ամիսներին նրա վարկանիշը չի անցնում 47 տոկոսից:

Ինչպես ցույց է տալիս նախընտրական վերլուծությունը, ընտրողների 10-20 տոկոսն ասում է, որ Էրդողանն իրենց դուր է գալիս, բայց դուր չի գալիս նրա ստեղծած կառավարման նախագահական համակարգը: Մահմեդականներից շատերի համար կարեւոր են դարձել այնպիսի սկզբունքներ, ինչպիսիք են ժողովրդավարությունը եւ իրավահավասարությունը: Ամենքը չէ, որ ուզում են իբրեւ պետության ղեկավար տեսնել ամենազոր սուլթանի, պարզաբանում է հոդվածագիրը:

Թրամփի որոշումը դատապարտելիս Էրդողանի դրսեւորած կրոնական-քարոզչական տոնը կոչված է ապահովելու նրա ավանդական պահպանողական ընտրազանգվածի պաշտպանությունը, ինչպես նաեւ օգնելու Ազգայնական շարժում կուսակցության համակրանքի ձեռքբերմանը:

 
 

«ԱԶԳ» ՕՐԱԹԵՐԹ #48, 22-12-2017

AZG Daily #12, 02-04-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ