RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#046, 2017-12-08 > #047, 2017-12-15 > #048, 2017-12-22

«ԱԶԳ» ՕՐԱԹԵՐԹ #48, 22-12-2017



Տեղադրվել է` 2017-12-21 22:59:36 (GMT +04:00)


Ընթերցված է` 5809, Տպվել է` 8, Ուղարկվել է էլ.փոստով` 0

«ԱՎՐՈՐԱՅԻ» ՆԱԽԱՁԵՌՆՈՒԹՅԱՄԲ ԵՐԿԽՈՍՈՒԹՅՈՒՆՆԵՐ ԲԵՌԼԻՆՈՒՄ

Հ. Ծ.

«Միլիոններ տեղափոխման շարժման մեջ: Զարգացման եւ ինտեգրման անհրաժեշտություններ» ընդհանուր խորագրի ներքո դեկտեմբերի 4-5-ին Բեռլինում կայացել են «Ավրորա» մարդասիրական նախաձեռնության երկխոսությունները, որին մասնակցել են համաշխարհային ճանաչման արժանացած քաղաքական եւ հասարակական գործիչներ, ինչպիսիք են Բունդեսթագի նախկին նագախահՙ Նորբերտ Լամերտը , Գերմանիայի բողոքական եկեղեցու խորհրդի նախկին նախագահՙ դոկտ. պրոֆ. Վուլֆգանգ Հուբերը , Իռլանդիայի նախկին նախագահ եւ ՄԱԿ-ի մարդու իրավունքների նախկին բարձրաստիճան հանձնակատարՙ Մերի Ռոբինսոնը , ՅՈՒՆԻՍԵՖ-ի Մերձավոր Արեւելքի եւ Հյուսիսային Աֆրիկայի գծով տարածաշրջանային տնօրենՙ Գեերտ Կապելերը , Գերմանիայի կանցլերի Աֆրիկայի գծով անձնական ներկայացուցիչՙ Գունտեր Նուկը , Ռոբերտ Բոշ Շտիֆտունգ ընկերության տնօրեն Քրիստոֆ Բոշը եւ Նոբելյան մրցանակակիր Լայմա Գբովին :

«Global Perspectives Initiative-ի», «Robert Bosch Stiftung-ի» եւ «Stiftung Mercator-ի» համագործակցությամբ «Aurora Humanitarian Initiative-ի» կազմակերպած երկխոսության վայրըՙ Բեռլինը պատահականորեն չէր ընտրված, գրում է Մուրիել Միրաք-Վայսբախը «Արմինյն Միրոր-Սփեքթեյթր» շաբաթաթերթում: Հաշվի էին առնվել այն, որ Եվրոպան է փախստականների ներկա սերնդի գլխավոր հանգրվանը եւ այն, որ Գերմանիային էր ընկել ընդունել փախստականների առյուծի բաժինը (մեկ միլիոն միայն 2015-ին):

Իր բացման խոսքում «Ավրորա» նախաձեռնության հիմնադիրներից Ռուբեն Վարդանյանը նկատել է տվել, որ ֆորումի ականավոր մասնակիցները ուրախ էին տեսնելով, թե ինչպես են զարգացող մի երկրիՙ Հայաստանի ներկայացուցիչները մտահոգված մարդասիրական համընդհանուր արժեքներով եւ աշխարհում ծավալվող վտանգավոր գործընթացներով: Քննարկման թեման, անշուշտ, գլոբալ միգրացիայի մարտահրավերներն էր եւ դրանց լուծումներ գտնելու անհրաժեշտությունը:

Մասնակիցները իրենց փորձառությունն ու գիտելիքն են փոխանցել ներկաներին, հաստատելով, որ թեման շատ ծավալուն է ու բազմաշերտ: Աշխարհով մեկ ներկայիս կան 65 միլիոն տեղահանվածներ, չհաշված երկրների ներսում տեղահանվածները եւ այն 200 միլիոնը, որ եղանակի փոփոխման պայմաններից ելնելով հնարավոր է, որ ապագայում տեղաշարժվեն: Բացի համապատասխան երկրների կառավարություններին կոչ անելուց, նրանք նաեւ դիմել են մասնավոր սեկտորի ներկայացուցիչներին, որ նոր նախաձեռնություններով հանդես գան եւ առավել ակտիվ գործեն:

«Ավրորա» մրցանակի օրինակով նշվել է, որ մենք պետք է սովորենք, դասեր քաղենք անցյալից, որպեսզի ճիշտ ընտրություններ կատարենք ներկայիս մեր գործունեություններում եւ ավելի լավ ապագայի ճանապարհը հարթենք միասին:

«Մասնակիցները գիտակցեցին աշխարհը փոխելու մեր ցանկությունն ու պատրաստակամությունը: Նաեւ ընդունեցին մեր փորձառությունը: Պատերազմներ եւ ցեղասպանություն տեսած Հայաստանն զգալի ներդրում է ունենում տվյալ խնդրի լուծման գործում, ընդունելով մոտավորապես 20 հազար փախստականների Սիրիայից», ընդգծել է Ռուբեն Վարդանյանը:

 
 

«ԱԶԳ» ՕՐԱԹԵՐԹ #48, 22-12-2017

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ