RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#001, 2018-01-12 > #002, 2018-01-19 > #003, 2018-01-26 > #004, 2018-02-02 > #005, 2018-02-09

«ԱԶԳ» ՕՐԱԹԵՐԹ #3, 26-01-2018



Տեղադրվել է` 2018-01-26 14:51:01 (GMT +04:00)


Ընթերցված է` 3908, Տպվել է` 468, Ուղարկվել է էլ.փոստով` 0

«ՀԱՅԿԱԿԱՆ ԱՂԲՅՈՒՐԸ ՎԱՂ ԻՍԼԱՄԻ ՄԱՍԻՆ»

Հ. Ծ.

Ֆրեզնոյի Կալիֆոռնիա պետհամալսարանի բիզնես կենտրոնում այսօր, հունվարի 26-ին տեղի է ունենալու դոկտ. Սերջիո լա Պորտայի եւ դոկտ. Ալիսոն Վակայի դասախոսությունը «Հայկական աղբյուրը վաղ իսլամի մասին: Ղեւոնդի պատմությունը» թեմայով, տեղեկացնում է «Արմինյն Միրոր-Սփեքթեյթր» շաբաթաթերթը: Լեոն Ս. Պիտերզ հիմնադրամի համահովանավորությամբ անցկացվող դասախոսությունը երկրորդն է հայկական ուսումնասիրությունների ծրագրի աշնանային միջոցառումների շարքի: Յոթերորդ դարում արաբական արշավանքների հետեւանքում Դվինի անկումով Հայաստանը դարձել է իսլամական խալիֆայության նահանգներից մեկը: Ավերվել են քաղաքներ, հեռացել են բնակիչները: Մահմեդական կառավարիչներ են նշանակվել եւ հարկային ծանր քաղաքականություն կիրառվել, որոնք է՛լ ավելի են վատթարացրել կացությունը: Մահմեդական ցեղերի բնակեցումով թուլացել են արհեստներն ու առեւտուրը: Մոտավորապես 788 թվին մի հայ վարդապետՙ Ղեւոնդ անունով հիմնականում ականատեսի վկայություններով գրել է խալիֆայական իշխանության հաստատման պատմությունը, սկսած 632-ին Մոհամադ մարգարեի մահից մինչեւ իր ապրած օրերըՙ VIII դար: Նրա «պատմությունը», լինելով եզակի, սկզբնաղբյուր է ծառայում այդ շրջանի Հայաստանի պատմությունը ուսումնասիրողների համար:

Բանախոսները անդրադառնալու են հայ-արաբական եւ քրիստոնյա-մահմեդական հարաբերությունների պատմական փաստերին:

Լա Պորտան Ֆրեզնոյի Կալիֆոռնիա պետհամալսարանի փիլիսոփայության ֆակուլտետի հայագիտական ուսումնասիրությունների ամբիոնի վարիչն է: Հետաքրքրությունների շրջանակը միջնադարյան Հայաստանի քաղաքական պատմությունն ու գրականությունն է: Հեղինակ է բազմաթիվ հոդվածների եւ գրքերի: Ներկայիս խմբագիրն է «Հայագիտական ուսումնասիրությունների ընկերության հանդեսի»:

Ալիսոն Վական Թենեսի համալսարանի պատմության ամբիոնի պրոֆեսորի օգնական է: Հետաքրքրությունների շրջանակում Հայաստանի վրա վաղ իսլամական իշխանության ազդեցությունն է, միջհամայնքային հակասությունները: Հեղինակ է «Non-Muslim Provinces Under Early Islam» (Ոչ-մահմեդական նահանգները վաղ իսլամական իշխանության ներքո) հատորի, հրատարակված 2017 թվին:

 
 

«ԱԶԳ» ՕՐԱԹԵՐԹ #3, 26-01-2018

AZG Daily #30, 16-08-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ