RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-27 15:15:01Իրանի հատուկ բանագնացը կայցելի Մոսկվա, Բաքու, Երևան և Անկարա՝ ղարաբաղյան հակամարտության հետ կապված
2020-10-27 15:01:59Բաքուն հայտարարեց հայկական «ռազմական օբյեկտները ոչնչացնելու իր իրավունքի մասին»՝ անկախ դրանց գտնվելու վայրից
2020-10-27 14:12:58Էրդողանի հատուկ նշանակության ջոկատները պատրաստվում են ներխուժել Հայաստան. Wargonzo
2020-10-24 21:55:00Թուրքական անօդաչուները Գյումրիի մոտակայքում
2020-10-24 18:48:22Ադրբեջանցիները հայկական համազգեստով են կռվում. դեպքեր են գրանցվել
#019, 2018-05-18 > #020, 2018-05-25 > #021, 2018-06-01 > #022, 2018-06-08 > #023, 2018-06-15

«ԱԶԳ» ՕՐԱԹԵՐԹ #21, 01-06-2018



ՕՐԱԿԱՐԳ

Տեղադրվել է` 2018-06-05 16:46:00 (GMT +04:00)


Ընթերցված է` 5947, Տպվել է` 632, Ուղարկվել է էլ.փոստով` 0

ԱՄԵՆԱՅՆ ՀԱՅՈՑ ԿԱԹՈՂԻԿՈՍՆ ԸՆԴՈՒՆԵՑ ՌԱԿ ՂԵԿԱՎԱՐ ԿԱԶՄԻՆ

Մայիսի 27-ին Գարեգին Բ Ամենայն Հայոց կաթողիկոսը Մայր աթոռ Սուրբ Էջմիածնում հյուրընկալեց Ռամկավար Ազատական կուսակցության Կենտրոնական վարչության եւ Գերագույն խորհրդի ղեկավար կազմին:

Ամենայն Հայոց Հայրապետը գալիք տոների առիթով իր օրհնությունն ու բարեմաղթանքները փոխանցեց ՌԱԿ ներկայացուցիչներին` վստահություն հայտնելով, որ այս օրերն առավել պիտի խանդավառեն, հավելեն բերկրանքն ու ոգեւորությունը մեր ժողովրդի: Վեհափառ Հայրապետն ընդգծեց, որ այս շրջանում բոլոր պատկան պետական եւ հասարակական կառույցները, ազգային հաստատությունները, այդ թվում նաեւ` Ռամկավար Ազատական կուսակցությունը, պետք է ջանքեր գործադրեն զորացնելու ազգի զավակների քաջազուն ոգին եւ միասնաբար լծվեն երկրի ու ժողովրդի առջեւ ծառացած դժվարությունների ու մարտահրավերների հաղթահարմանը:

Նորին Սրբությունը գնահատանքով անդրադարձավ այն օգտաշատ ծառայությանը, որ ավանդական կուսակցությունը մատուցել է հայ ժողովրդին, ինչպես նաեւ այն զորակցությանը, որ ոչ հեռավոր անցյալի եկեղեցական պատմության դժվարին ժամանակահատվածում ցուցաբերել է Մայր աթոռ Ս. Էջմիածնին:

Հանդիպման առիթով իրենց ուրախությունը հայտնեցին նաեւ ՌԱԿ ներկայացուցիչներ Երվանդ Ազատյանը, Վարդան Նազիրյանը, Հակոբ Ավետիքյանը, Վարդգես Գուրույանը: Գարեգին Բ Վեհափառ Հայրապետին ներկայացրին կուսակցության կողմից արձանագրված ձեռքբերումները եւ առաջիկա անելիքները: ՌԱԿ ղեկավար կազմը, իր հավատարմությունը հայտնելով Ամենայն Հայոց Հայրապետին, պատրաստակամություն արտահայտեց ազգային միասնականության պահպանման ձգտումով հետայսու նույնպես զորավիգ լինելու Հայոց եկեղեցուն:

Այս առնչությամբ Նորին Սրբությունը գոհունակություն հայտնեց առ այն, որ կուսակցությունը նույն նախանձախնդրությամբ ու նվիրումով շարունակում է նեցուկ լինել Հայոց եկեղեցու առաքելությանն ու Մայր աթոռ Սուրբ Էջմիածնին:

 
 

«ԱԶԳ» ՕՐԱԹԵՐԹ #21, 01-06-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ