RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#026, 2018-07-06 > #027, 2018-07-14 > #028, 2018-07-20 > #029, 2018-07-27 > #030, 2018-08-16

«ԱԶԳ» ՕՐԱԹԵՐԹ #28, 20-07-2018



Տեղադրվել է` 2018-07-20 00:03:18 (GMT +04:00)


Ընթերցված է` 4288, Տպվել է` 323, Ուղարկվել է էլ.փոստով` 0

ՆՈՐ ՀԱՅԱՍՏԱՆԻ ՀԻՆ ՎԵՐՔԵՐԸ

ԳԵՎՈՐԳ ԳՅՈՒԼՈՒՄՅԱՆ

Ամիսներ առաջ սույն թերթում «Փախստական սեփական երկրում: Ո՞ւր է ասֆալտը» վերտառությամբ հոդվածով անդրադարձել էի Գեղարքունիքի մարզի Շորժա-Վարդենիս ավտոճանապարհի այն հատվածի (տե՛ս «Ազգ», 03.08.2018 համարը), որը պարզապես անանցանելի է եւ որպես կարեւոր նշանակության ճանապարհ անուշադրության է մատնվել: Ինչպես նշել էի հիշյալ հոդվածում, տասնամյակներ շարունակ այս ճանապարհը չի վերանորոգվել եւ որոշ հատվածներ այսօր զուրկ են ավտոճանապարհ կոչվելու իրավունքից, որի պատճառով էլ տարածքում անգամ հասարակական տրանսպորտ չի գործում: Այս մասին նախկինում բազմիցս իրազեկվել էին թե՛ Գեղարքունիքի մարզպետարանը, թե՛ Տրանսպորտի նախարարությունը, թե՛ անգամ նախկին նախագահ Քոչարյանը, բայց ինչպես ասում են` գումարները սառույցին են գրվել, սառույցն էլ վաղուց հալվել է: Անշուշտ եթե գումար տրամադրվել է:

Մոտ երկու ամիս առաջ Հայաստանում տեղի ունեցավ իշխանափոխություն, իշխանությունն անցավ բացառապես քաղաքական այլ աշխարհայացք ունեցող մարդկանց ձեռքը, ովքեր տարիներ շարունակ քննադատել են նախկին իշխանություններին` անգործության ու փողերի լվացման մեջ: Հիմա նոր Հայաստան է, եւ լիահույս լինելով, որ նոր Հայաստանում հնարավոր կլինի դարմանել հին վերքերը, ս.թ. հուլիսի 2-ին էլ. փսոտով դիմում-նամակ գրեցի Գեղարքունի մարզպետ Իշխան Սաղաթելյանին: Ներկայացնելով խնդիրը, միաժամանակ նշեցի, որ տեղում խնդիրը բավականին սուր վիճակ է ստացել եւ հղի է անկանխատեսելի հետեւանքներով, որովհետեւ ինչպես գյուղացիներն են սիրում ասել` դանակը ոսկորին է հասել, կամ աջ, կամ ձախ:

Հուլիսի 7-ին ստացա Գեղարքունիքի մարզպետարանի աշխատակազմի ղեկավար Սեւակ Խլղաթյանի մակագրությամբ պատասխանը, որում նշվում էր, որ մարզպետարանն արդեն դիմել է ՀՀ տրանսպորտի եւ կապի նախարարություն` խնդրո առարկա ճանապարահատվածը որեւէ ճանապարհաշինարարական ծրագրում ներառելու համար: Ճիշտ է, նախկին իշխանություններն այնքան են նման պատասխաններ տվել, որ այս պատասխանից հետո մի տեսակ «այ էշ, մի սատկիր, գարուն կգա»-ի հոտ եկավ դրանից, բայց հույսը վերջում է մեռնում, այն էլ` շատ հազվադեպ: Եվ ահա, տեղի բնակիչներն անհամբեր սպասում են, որ իշխանությունը կբուժի նոր Հայաստանի հին վերքերը: Բայց, այնուամենայնիվ, այս սպասումն ինձ հետսովետական մի հայտնի հումոր է հիշեցնում: Երբ մարդատար գնացքը դադարեց գործել այս տարածքում, ինչ-որ մեկի անհավանական սպասմանը մարդիկ կատակով ասում էին` «վագզալում (գնացքի կայարանում) էլ ա շատ մարդ սպասում»:

Հուսով եմ` «վագզալում» երկար չենք սպասի:

 
 

«ԱԶԳ» ՕՐԱԹԵՐԹ #28, 20-07-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ