RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#027, 2018-07-14 > #028, 2018-07-20 > #029, 2018-07-27 > #030, 2018-08-16 > #031, 2018-08-24

«ԱԶԳ» ՕՐԱԹԵՐԹ #29, 27-07-2018



Տեղադրվել է` 2018-08-12 17:15:54 (GMT +04:00)


Ընթերցված է` 7289, Տպվել է` 1383, Ուղարկվել է էլ.փոստով` 0

ԵԱՏՄ-Ն ՉԻ ԿԱՐԵԼԻ, ՀՀ ՍԱՀՄԱՆԱԴՐՈՒԹՅՈՒՆԸ ԿԱՐԵԼԻ Է

Հ. ԱՖՅԱՆ

Սանկտ Պետերբուրգ մեկնեց ՀՀ վարչապետը: Ռուսաստանի «հյուսիսային մայրաքաղաքում» տեղի է ունեցել ԵԱՏՄ միջկառավարական խորհրդի նիստը (վարչապետների ձեւաչափով), որին մասնակցելու համար էլ Նիկոլ Փաշինյանը մեկնել է Ռուսաստան: Բայց քանի որ այս անգամ նրա կողքին ոչ Պուտինն է նստել, ոչ Նազարբաեւը, ոչ էլ Լուկաշենկոն, Փաշինյանը անհրաժեշտ է համարել Ֆեյսբուքի իր էջում, ոչ թե մամուլի խոսնակիՙ «հետամնաց» մակարդակով, տեղեկացնել հետեւյալը. «Ինչպես հայտնի է, սահմանադրական փոփոխություններից հետո ձեռք բերված կարգավիճակի բերումով Հայաստանի վարչապետը ներգրավված է ԵԱՏՄ Բարձրագույն տնտեսական խորհրդումՙ երկրների ղեկավարների ֆորմատում, եւ այս հարցը լուծված է նաեւ դե յուրե, այսինքնՙ այստեղ Հայաստանը շարունակելու է ներկայացնել վարչապետը: Բայց ԵԱՏՄ միջկառավարական խորհրդի աշխատանքի իրավական կարգավորումները դեռեւս չեն համապատասխանեցվել ՀՀ Սահմանադրության նոր տեքստին, եւ վարչապետերի խորհրդի նիստին իմ չմասնակցելու պարագայում որոշումները չէին կարող ընդունվել եւ ֆորմատը կաթվածահար կլիներ: Քանի որ դեռեւս «թավշյա հեղափոխության» օրերին հայտարարել եմ, որ ԵԱՏՄ-ն կաթվածահար անելը մեր նպատակը չէ, ընդհակառակըՙ պիտի ամեն ինչ անենք այդ կազմակերպությանը մեր երկրի անդամակցությունն առավել արդյունավետ դարձնելու համար, կայացրել եմ Սանկտ-Պետերբուրգ մեկնելու որոշում»:

Հիշեցնեմ, որ ավելի վաղ նշվում էր, որ ԵԱՏՄ միջկառավարական խորհրդի նիստին ՀՀ-ն կներկայացնի առաջին փոխվարչապետ Արարատ Միրզոյանը, սակայն կային տեղեկություններ, որ Ռուսաստանը մերժել է այս հավանականությունը ու ընդգծել, որ եթե նիստին մասնակցում են երկրների վարչապետերը, ապա Հայաստանն էլ պետք է ներկայացնի հենց վարչապետը: Հիմա Փաշինյանն ասում է, որ նման ընդգծում Ռուսաստանից չի եղել, այլ ինքն է որոշում կայացրել մեկնել Սանկտ-Պետերբուրգ, քանի որ չի ուզում ԵԱՏՄ կաթվածահար անել, ինչը կլինի, եթե ինքը չմեկնի, բայց ՀՀ վարչապետը այլ ուշագրավ բան չի ասում: Մասնավորաբար ե՞րբ եւ ինչպե՞ս պետք է ԵԱՏՄ միջկառավարական խորհրդի աշխատանքի իրավական կարգավորումները համապատասխանեցվեն ՀՀ Սահմանադրության նոր տեքստին: Ո՞վ պետք է դա անի: Այսինքն ԵԱՏՄ-ն պետք է խումբ ձեւավորի, որը պետք է իրավական կարգավորումները համապատասխանեցնի ՀՀ Սահմանադրության նոր տեքստի՞ն, թե՞ ՀՀ-ում պետք է բացառապես երիտասարդներից կազմված մի խումբ ձեւավորի, որը ՀՀ Սահմանադրության նոր տեքստը պետք է համապատասխանեցնի ԵԱՏՄ միջկառավարական խորհրդի աշխատանքների իրավական կարգավորումներին: Եթե առաջինն է, ապա ո՞վ է ասել, որ օրինակ Դմիտրի Մեդվեդեւը համաձայնելու է մի սեղանի շուրջ նստել Արարատ Միրզոյանի հետ, եթե երկրորդըՙ ապա ո՞վ է ասել, որ ՀՀ քաղաքացիները համաձայն են մի անգամ էլ Սահմանադրության տեքստը ենթարկել փոփոխության: Իսկ եթե ոչ առաջինն է, ոչ էլ երկրորդը, ապա դեռ որքա՞ն է ՀՀ վարչապետը նստելու մի սեղանի շուրջ, որտեղ բոլորը վարչապետ են, բայց կարգավիճակով իրենից ցածր:

Ամեն դեպքում ԵԱՏՄ-ն կաթվածահար անել պետք չէՙ անկախ նրանից, թե մենք որքան ենք հույսեր կապում այդ կառույցի հետ: Բայց առավել եւս պետք չէ կաթվածահար անել ՀՀ Սահմանադրությունը, որը թույլ չի տալիս ՀՀ վարչապետին մասնակցել ԵԱՏՄ միջկառավարական հանձնաժողովի խորհրդի նիստերին, անկախ նրանից, թե ինչ է ընդգծում Մոսկվան:

 
 

«ԱԶԳ» ՕՐԱԹԵՐԹ #29, 27-07-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ