RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#032, 2018-08-31 > #033, 2018-09-07 > #034, 2018-09-14 > #035, 2018-09-21 > #036, 2018-09-28

«ԱԶԳ» ՕՐԱԹԵՐԹ #34, 14-09-2018



ՕՐԱԿԱՐԳ

Տեղադրվել է` 2018-09-16 18:33:08 (GMT +04:00)


Ընթերցված է` 5003, Տպվել է` 546, Ուղարկվել է էլ.փոստով` 0

ԻՆՉՈ՞Ւ Է ՔՈՉԱՐՅԱՆԻ ՀԵՏԱՊՆԴՈՒՄԸ ՎՆԱՍՈՒՄ Մ. ՆԱՀԱՆԳՆԵՐԻ ՇԱՀԵՐԻՆ

ԹԵՈԴՈՐ ԿԱՐԱՇԻԿ

Վերոնշյալ խորագրի հարցին ամերիկյան «The Daily Caller» պարբերականում պատասխանում է Լեքսինգտոն ինստիտուտի արտահաստիքային ավագ դասախոս եւ Եվրոպայում, Եվրասիայում եւ Մերձավոր Արեւելքում ազգային անվտանգության հարցերի մասնագետ դոկտ. Թեոդոր Կարաշիկը (Theodore Karasik), որ ժամանակին աշխատակցել է նաեւ «RAND» կորպորացիային: Ստորեւ հակիրճ բովանդակությունը այդ հոդվածի, որից դուրս են մնացել միայն մեր ընթերցողներին արդեն ծանոթ այն հատվածները, որոնցում քննարկվում են ՀՀ 2-րդ նախագահի ձերբակալման եւ բաց թողնման հանգամանքները: Հատկանշական է, որ այս հոդվածում վերլուծաբանի մտքերը ուղղակի հակադրվում են Հայաստանում Մ. Նահանգների դեսպան Ռիչարդ Միլզի ելույթներինՙ Մարտի 1-ի գործը մինչեւ վերջ բացելու վերաբերյալ, ինչը մտածել է տալիս. Վաշինգտոնը իրո՞ք շահագրգռված է Հայաստանում կայունության հաստատմամբ:

«Երբ Հայաստանի հատուկ քննչական ծառայությունները հուլիսի 26-ին հրամայեցին ձերբակալել երկրի նախկին նախագահ Ռոբերտ Քոչարյանին, այդ քայլն անմիջապես մեծ հետաքրքրություն առաջացրեց, եւ մարդիկ ցանկացան իմանալ, թե ի՞նչ է ի վերջո փորձում նոր վարչապետը իրականացնել:

Վրեժխնդրական ձերբակալումը հարցեր առաջացրեց իրավական պետություն դառնալու Հայաստանի լուրջ ձգտումների վերաբերյալ եւ վտանգի ենթարկեց երկրի հնարավոր արեւմտյան ինտեգրումն ու տնտեսության ապագան:

Իսկ ինչո՞ւ է Ամերիկան շահագրգռված փաշինյանական Հայաստանով եւ Քոչարյանի հետ կապված դրվագով: Պարզապես որովհետեւ Ամերիկան շահագրգռված է Կովկասում խաղաղության եւ կայունության հաստատումով, ինչպես նաեւ Հայաստանում օրենքի գերակայության պահպանմամբ:

Ավելին, Մ. Նահանգները ավանդաբար պաշտպանել է մարդու իրավունքները, հատկապես այն դեպքերում, երբ դրանց եւ իրավական այլ նորմերի խախտումները հետեւողականորեն քայքայիչ դեր են կատարել որեւէ երկրում, ինչին կարող է հասցնել հակա-քոչարյանական այս հետապնդումները: Տասնամյա վաղեմության քաղաքական թշնամանքը հայ ազգայնական շարժման երկու թեւերի միջեւ կարող է թուլացնել երկիրը եւ պատճառ դառնալ հուսահատ որոշումներ ընդունելու, ինչը է՛լ ավելի կպառակտի երկրի քաղաքական կառուցվածքը:

Այս պատմության մեջ ներգրավված են նաեւ 2008-ի ժամանակաշրջանի այլ նշանավոր դեմքեր, ինչպիսիք են Հայաստանի առաջին նախագահ Լեւոն Տեր-Պետրոսյանն (1991-1998) ու նրա այդ ժամանակվա հակառակորդըՙ Սերժ Սարգսյանը, որն այդ թվերին վարչապետ էր եւ վայելում էր Քոչարյանի հովանավորությունը: Ընտրախախտումների վերաբերյալ Տեր-Պետրոսյանի պնդումները պատճառ դարձան զանգվածային ցույցերի Երեւանի Ազատության հրապարակում, որտեղ ցուցարարները սկսեցին հրդեհել տեսանելի ամեն ինչ եւ կրակել ոստիկանության վրա, սպանելով նրանցից երկուսին: Դրան ի պատասխան ոստիկանությունը կրակ բաց արեց եւ սպանեց 8 հոգու: Տասնյակներ վիրավորվեցին: Կարեւոր է, որ բանակը Քոչարյանի հրամանով հակամարտությանը չմասնակցեց եւ պաշտպանեց միայն կառավարական շենքերն ու պահեստները: Արդյունքում Քոչարյանի պաշտպանությամբ Սերժ Սարգսյանը դարձավ Հայաստանի երրորդ նախագահը:

Քոչարյանի թշնամիները օգտագործելով այս ողբերգական դրվագը ցանկանում են վրեժ լուծել նրանից:

Փաշինյանը, որը վարչապետ դարձավ «թավշյա հեղափոխության» հետեւանքով, արդեն մեկ տասնամյակ է ինչ պահանջում է 2008 թ. դեպքերի հետաքննություն: 2008-ի ընտրություններից հետո նա մոտ 15 ամիս թաքնված էր խուսափելու համար «զանգվածային ցույցեր կազմակերպելու» մեղադրանքից: Հետագայում նա մոտ 2 տարի բանտարկվեց:

Քոչարյանի ձերբակալումով եւ ազատ արձակվելով արդի Հայաստանը երկընտրանքի առաջ է կանգնած: Նա պետք է ընտրի, թե ո՞րն է գերակայելու. իրավական պետություն հաստատե՞լը, թե՞ անձնական վենդետան: Որոշ մարդիկ ասում են, որ Փաշինյանի քայլը բնորոշ է «հաղթողի արդարության», որը հատուկ է երրորդ աշխարհի բռնապետներին: «Chatham House», «Human Rights Watch» եւ այլ կազմակերպություններ քննադատեցին նրան:

Եթե Հայաստանը լուրջ է արեւմտամետ քաղաքականություն վարելու եւ եվրոպական երկրների հետ ինտեգրվելու ցանկության մեջ, ապա նա պետք է շարժվի միջազգային իրավական եւ մարդու իրավունքների նորմերի սահմաններում, ներառյալ 10 տարի առաջ Եվրոխորհուրդի ընդունած որոշման սահմաններում, որով ճանաչում էր 2008-ի ընտրությունների արդյունքը:

Միջազգային կառույցի այս իրավական կարծիքը կարեւոր է այսօր փաշինյանական Հայաստանին: Փաշինյանի անձնական վենդետան Քոչարյանի դեմ անվերադարձորեն վտանգելու է Հայաստանում դեռ փխրուն եւ թույլ օրենքի գերակայունության հաստատումը: Դրա շարունակությունը վնասելու է միայն իրեն եւ վերջին հաշվով նաեւ Հայաստանին:

 
 

«ԱԶԳ» ՕՐԱԹԵՐԹ #34, 14-09-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ