RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2021-02-27 17:29:58ՀՐԱՏԱՊ. Շիշ բռնողը հավաքել է անհետ կորած զինծառայողների հարազատներին և փորձում է նրանց ուղղորդել Բաղրամյան պողոտա. Mediaport
2021-02-27 15:59:34«ժամանակն է, որ Հայաստանի օրենսդիր մարմինը որոշումներ կայացնի, ոչ թե բանակցի». Ժիրինովսկին Փաշինյանի վերաբերյալ
2021-02-11 15:01:08Վերջին օրերին տեղի ունեցան, կարծում եմ՝ միմյանց հետ փոխկապակցված երկու չափազանց կարևոր իրադարձություններ
2021-02-11 14:59:50Սիրելի՛ ժողովուրդ, Քեզ հիպնոսացրել են, արթնացի՛ր. Հայրենիքի փրկության շարժում
2021-01-27 21:42:18Արցախյան 2 պատերազմի մասնակցած ազատամարտիկը ծեծի է ենթարկվել
#040, 2018-10-26 > #041, 2018-11-02 > #042, 2018-11-09 > #043, 2018-11-16 > #044, 2018-11-23

«ԱԶԳ» ՕՐԱԹԵՐԹ #42, 09-11-2018



Տեղադրվել է` 2018-11-24 03:27:05 (GMT +04:00)


Ընթերցված է` 928, Տպվել է` 3, Ուղարկվել է էլ.փոստով` 0

ՄԵՏ-Ի ՑՈՒՑԱՀԱՆԴԵՍԸՙ ԴԱՐԵՐԻ ՀԱՄԱՐ

Հ. ԾՈՒԼԻԿՅԱՆ

Ամերիկյան զանգվածային լրատվության միջոցներում շարունակվում են հիացական խոսքերը Մետրոպոլիտեն թանգարանում բացված «Armenia!» ցուցահանդեսի առթիվ: «Ակնածալից գեղեցկություն: ՄԵՏ-ի Հայաստանին նվիրված ցուցահանդեսը դարերի համար է» խորագրի ներքո Ջեյսոն Ֆարագոն գրում է, որ Հայաստանը այնպիսի հարուստ պատմությամբ մի երկիր է, որ ամբողջովին կարող է համակել, ցնցել յուրաքանչյուրին: «Այս գարնանը մենք նաեւ իմացանք, որ նրա ապագան էլ կարող է նույնքան հարուստ լինել իրադարձություններով, որքան իր անցյալն է, որն էլ խոսում է այն մասին, թե ինչքանով է ճիշտ ժամանակին կազմակերպված այս բացահայտիչ ցուցահանդեսը Մետրոոպլիտենում, որտեղ ցուցադրված նմուշները նորանոր զարմանահրաշ էջեր են ավելացնում նրա դրամատիկական պատմությանը:

Նախկին լրագրող, այժմ վարչապետի պաշտոնակատար Նիկոլ Փաշինյանը ներկա էր ցուցահանդեսի բացմանը: Ափսոս, ամենահայտնի ամերիկահայունՙ Քիմ Քարդաշյանին չնկատեցինք, բայց ՆՍՕՏՏ Գարեգին Բ-նՙ Ամենայն հայոց կաթողիկոսը ցուցասրահում էր: Երկիրը (Հայաստանը) առաջինն էր, որ ընդունեց քրիստոնեությունը որպես պետական կրոն եւ ծանրակշիռ խաչքարերով ու պատկերազարդ ձեռագիր ավետարաններով հագեցած այս ցուցահանդեսը լավագույն վկայությունն է հայկական մշակույթում եկեղեցու դերի մասին: Ոչ մի թանգարան այսքան ծավալուն ցուցահանդեսով չի ներկայացրել հայկական մշակույթը*: Ցուցադրված 140 նմուշների մեծ մասը այստեղ են բերվել Հայաստանի թանգարաններից եւ եկեղեցիներից: Դրանք հազվադեպ են դուրս եկել երկրից: Դրանցից մեկը 16-րդ դարում Հռոմում հայ հոգեւորականի կողմից պատրաստված «Ալեքսանդրի վարք» կոչված ձեռագիր կաֆան է, որը պատմում է Ալեքսանդր Մակեդոնացու կյանքի դրվագներից մեկի մասին:

«Armenia!» ցուցահանդեսը կազմակեպվել է Մետրոպոլիտեն թանգարանի բյուզանդական արվեստի բաժնի ճանաչված եւ նվիրված կուրատոր Հելեն Էվանսի կողմից: Սա առավելաբար գրքային, ձեռագրային «բլոկբաստեր»ՙ զգլխիչ ցուցահանդես է, որտեղ լուսավորությունը հատուկ թույլ է, պաշտպանելու համար ցուցանմուշները»:

*) Լրագրողը սխալվում է, երեւի նա նկատի ունի Մ. Նահանգները: Անցյալ դարի 70-ականների վերջերին շատ ավելի մեծ ցուցահանդես է կազմակերպվել Փարիզի Լուվր թանգարանում: Ծ.Խ.:

 
 

«ԱԶԳ» ՕՐԱԹԵՐԹ #42, 09-11-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ