RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#012, 2019-03-29 > #013, 2019-04-05 > #014, 2019-04-12 > #015, 2019-04-19 > #016, 2019-04-26

«ԱԶԳ» ՕՐԱԹԵՐԹ #14, 12-04-2019



Տեղադրվել է` 2019-04-11 23:16:22 (GMT +04:00)


Ընթերցված է` 1194, Տպվել է` 132, Ուղարկվել է էլ.փոստով` 0

ԵՎՐՈՄԻՈՒԹՅԱՆԸ ՊԵ՞ՏՔ ԵՆ ԱՐԴՅՈՔ ՆՈՐ ԱՆԴԱՄՆԵՐ

Ա. ՔԵՇԻՇՅԱՆ

Ինչպես տեղեկացնում է Bloomberg գործակալությունը, Վրաստանի նախագահ Սալոմե Զուրաբիշվիլին հայտարարել է, որ Brexit-ը Վրաստանին հնարավորություն է ընձեռում անդամակցելու Եվրոմիությանը, որ Վրաստանը պետք է օգտվի ԵՄ-ից Մեծ Բրիտանիայի դուրս գալուց եւ սեփական փաստարկները ներկայացնի ի նպաստ ԵՄ անդամակցության: Ըստ որում, Վրաստանի ղեկավարը նշել է, որ ամռանը Բաթում քաղաքում տեղի կունենա ԵՄ առաջնորդների կոնֆերանս, որը «հրաշալի հնարավորություն կդառնա Վրաստանի շարժման ուղղությունը ներկայացնելու համար»:

Նոր երկրների եվրոինտեգրման հետ կապված իրավիճակը ներկայումս հետեւյալն է: Բրյուսելը ձեւացնում է, թե հնարավորություններ է թողնում Թուրքիայի անդամակցության համարՙ դրանք հետաձգելով անորոշ ժամկետով: Անկարան պնդում է, որ առաջվա պես ուզում է դառնալ ԵՄ անդամ, բայց պաշտոնական մակարդակով Եվրոմիությանը մեղադրում է իսլամատյացության մեջ եւ հայտարարում է, թե «ԵՄ-ը տրոհման շեմին է», եւ թե «Մեծ Բրիտանիան բրյուսելյան բույնը լքող լոկ առաջին ծիծեռնակն է»: Բայց Թուրքիայի հարցը կարծես թե հասկանալի է: Եվրոպան վախենում է այդ իսլամական երկրի անդամակցությունից, որի բնակչության թիվը առաջիկա տարիներին կարող է հասնել 100 միլիոնի, որը վտանգ է ներկայացնում Եվրոպայի համար: Ինչ վերաբերում է Ուկրաինային, նա թեեւ քրիստոնեական պետություն է, բայց իր ոչ մեծ չափերով եւս մտահոգում է եվրոպացիներին:

Կարող է թվալ, թե եվրոինտեգրմանն ուղղված 2014 թ. մայդանային գործողությունները իրականում կարմիր լույս վառեցին դեպի Եվրոպա տանող ճանապարհին: Ուկրաինան դարձավ պատերազմող երկիր, կոռուպցիան հասել է ահռելի չափերի, երկիրը տնտեսապես թուլացել է: Այսինքն, Եվրոպան այդ երկիրը հեռացրեց Ռուսաստանից, բայց այդպես էլ չմոտեցրեց իրեն:

Իսկ ինչո՞ւ Եվրոպա չեն ընդունում քրիստոնեական փոքր երկիր Վրաստանինՙ նրան պահելով առկախ վիճակում: Իրենքՙ վրացիները, լավ գիտեն դրա պատճառները «թՐցջՌÿ online» տեղեկատվական հարթակը միանգամայն անաչառ կերրպով մատնանշում է գլխավոր պատճառները: Առաջինն աշխարհագրությունն է: Ֆիզիկական աշխարհագրության տեսակետից Վրաստանն առհասարակ Եվրոպայի մեջ չի մտնում, թեպետեւ սահմանակից է նրան: Եվրոպան (կամ Արեւմուտքը) ավելի շուտ քաղաքակրթային հասկացություն է, իսկ քաղաքակրթությունը դրսեւորվում է կացութաձեւի եւ հաստատությունների մեջ: «Վրացիները ձգտում են, որ իրենց մոտ էլ այդպես լինի, բայց դեռ այդպես չէ: Վրաստանն աշխարհի կենտրոնը չէ, եւ երբեք չի լինի համաշխարհային առաջնորդների ուշադրության կենտրոնում», գրում է հարթակը: Չնայած Եվրոմիության հետ Վրաստանի ստորագրած բազմաթիվ համաձայնագրերին եւ ՆԱՏՕ-ի հետ համագործակցությանը, Արեւմուտքը հատուկ վրացական օրակարգ չունի: Այստեղ եւս գործում է նույն մոտեցումը. հնարավորինս հեռացնել Ռուսաստանից, բայց իրեն շատ չմոտեցնել: Մինչդեռ Բալկաններում ամեն ինչ տեղի է ունենում ուրիշ ձեւով եւ պատմականորեն պայմանավորված է:

Հետաքրքրական է, որ դեռ վերջերս բրիտանական լրատվամիջոցները Զուրաբիշվիլուն ներկայացնում էին բարձրակիրթ, շքեղ փարիզուհու կերպարով, որին համեմատում են վրացական Թամար թագուհու հետ : Նրանց կարծիքով, դիմանկարի կատարյալ ամբողջականության համար պակասում է միայն բացասական վերաբերմունքը Ռուսաստանի նկատմամբ: Իսկ հիմա հանկարծ նկատեցին Զուրաբիշվիլու բացասական վերաբերմունքը Անգլիայի հանդեպ, որի ԵՄ-ից դուրս գալը ոչ թե բացեց, այլ փակեց Վրաստանի ճանապարհը դեպի Եվրոպա: Զուրաբիշվիլին անհանգստացած է Բրյուսելում խորացող ճգնաժամից, որը կասկածելի է դարձնում իր երկրի անդամակցությունը:

 
 

«ԱԶԳ» ՕՐԱԹԵՐԹ #14, 12-04-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ