RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#016, 2019-04-26 > #017, 2019-05-03 > #018, 2019-05-09 > #019, 2019-05-17 > #020, 2019-05-24

«ԱԶԳ» ՕՐԱԹԵՐԹ #18, 09-05-2019



Տեղադրվել է` 2019-05-09 03:38:21 (GMT +04:00)


Ընթերցված է` 1842, Տպվել է` 223, Ուղարկվել է էլ.փոստով` 0

ՉԻՆԱՍՏԱՆԸ ՀՐԱԺԱՐՎԵՑ ՄԻՋՈՒԿԱՅԻՆ ԶԵՆՔԻՆ ԱՌՆՉՎՈՂ ԲԱՆԱԿՑՈՒԹՅՈՒՆՆԵՐԻՑ

Ա. ՔԵՇԻՇՅԱՆ

Չինաստանը չի մասնակցի միջուկային սպառազինությունների կրճատմանը վերաբերող եռակողմ բանակցություններին: Այդ մասին մայիսի 6-ին հայտարարել է ՉԺՀ արտգործնախարարության պաշտոնական ներկայացուցիչ Գեն Շուանը, հայտարարում է ՏԱՍՍ գործակալությունը:

«Չինաստանի միջուկային զենքի պաշարները անհամեմատ քիչ են Ռուսաստանի եւ ԱՄՆ-ի պաշարներից: Դրանք պահվում են նպատակահարմար մակարդակի վրա եւ համապատասխանում են ՉԺՀ ազգային անվտանգության շահերին: Մենք հանդես ենք գալիս միջուկային զենքի համակողմանի վերացման օգտին եւ գտնում ենք, որ ատոմային սպառազինությունների պատկառելի պաշարներ ունեցող պետությունները, միջազգային պայմանավորվածություններին համապատասխան, պետք է անշեղորեն կատարեն իրենց պարտավորությունները եւ նշանակալիորեն կրճատեն իրենց զինանոցները», հայտարարել է դիվանագետը:

Գեն Շուանը ավելացրել է, որ դրանով իսկ պայմաններ կստեղծվեն մյուս պետությունների զինաթափման համար: Նա ընդգծել է, որ Չինաստանը իր միջուկային զինանոցը չի օգտագործի հարձակողական նպատակներով, քանի որ շարժվում է խաղաղ զարգացման ճանապարհով:

Ավելի վաղ, ԱՄՆ նախագահ Դոնալդ Թրամփը հայտարարել էր, որ լավ կլիներ, եթե Միացյալ Նահանգները, Ռուսաստանը եւ Չինաստանը հրաժարվեին միջուկային զենքից: Կրեմլում իդեալական են բնութագրել այն իրավիճակը, երբ միջուկային զենքը աշխարհում ոչնչացված կլիներ, բայց, միեւնույն ժամանակ, այդ զենքը համարում են զսպիչ գործոն:

 
 

«ԱԶԳ» ՕՐԱԹԵՐԹ #18, 09-05-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ