RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#019, 2019-05-17 > #020, 2019-05-24 > #021, 2019-05-31 > #022, 2019-06-07 > #023, 2019-06-14

«ԱԶԳ» ՕՐԱԹԵՐԹ #21, 31-05-2019



Տեղադրվել է` 2019-05-31 00:25:27 (GMT +04:00)


Ընթերցված է` 2514, Տպվել է` 287, Ուղարկվել է էլ.փոստով` 0

ԴՈԿՏ. ԿԱՐԻՆ ՄԱՐԿԻԴԵՍԸ ՀԱՀ-Ի ՆՈՐ ՆԱԽԱԳԱՀ

Հ.Ծ.

Հայաստանի Ամերիկյան համալսարանի նախագահի պաշտոնին հավակնող 60 թեկնածուներից եզրափակիչ փուլ էին հասել 4-ը, որոնցից վերջերս դոկտ. Կարին Մարկիդեսը նշանակվել է նախագահ: Նա փոխարինելու է վերջին հինգ տարում այդ պաշտոնը վարած դոկտ. Արմեն Տեր-Կյուրեղյանին, որ շարունակելով մնալ ՀԱՀ կորպորացիայի Հոգաբարձուների խորհուրդի անդամ, այսուհետ մտադիր է հեղինակել ճարտարագիտական երկու դասագիրք եւ ավելի շատ ժամանակ անցկացնել ընտանիքի հետ: Կալիֆոռնիայի (Բերկլի) համալսարանից պրոֆ. Տեր-Կյուրեղյանն, ի դեպ, ամերիկյան համալսարան հիմնադրելու մտահղացողն է, որ Հարավային Կալիֆոռնիա համալսարանից դոկտ. Միհրան Աղբաբյանի, Երեւանի ճարտարագիտական ինստիտուտի ռեկտոր Յուրի Սարգսյանի եւ այլ համախոհների հետ 1991 թվին իրականություն դարձրեց երազանքը, այն է Գյումրիի երկրաշարժից հիմնահատակ ավերված ճարտարագիտական ինստիտուտի փոխարեն կառուցել նոր, ամերիկյան նախատիպով մի կրթական օջախ:

Սակայն անուրանալի ճշմարտություն է, որ Հայաստանի Ամերիկյան համալսարանի բուն հիմնադիրը երջանկահիշատակ Լուիզ Մանուկյան-Սիմոնն է, որի հիմնադիր նվիրատվությամբ է, որ ամերիկյան պետական համապատասխան մարմինները ակնածանքով մոտեցան այդ ծրագրին եւ, ի հավելումն, տիկ. Լուիզի հանգամանքն էր, որ որոշիչ դեր կատարեց, որպեսզի նորանկախ Հայաստանի իշխանությունները նախկին համագումարի շենքը տրամադրեցին նորաստեղծ համալսարանին:

Տպավորիչ կենսագրությամբ նորանշանակ նախագահը դոկտորականի գիտական աստիճան է ստացել 1984-ին Ստոկհոլմի համալսարանից, որից հետո աշխատել է Յուտայի «Բրիգհեմ Յանգ» եւ Ստենֆորդ համալսարաններում (ԱՄՆ): Շվեդիա վերադառնալուց հետո նշանակվել է դեկան Ուփսալա համալսարանի ճարտարագիտության ֆակուլտետի: 2004-ին դարձել է Վիննովայիՙ Շվեդական նորարարական գործակալության ընդհանուր տնօրենի տեղակալ: Այնուհետեւ ընտրվել է Չալմերս տեխնոլոգիական համալսարանի նախագահ եւ 2015-ից զբաղեցնում է Շվեդական կառավարությանն առընթեր հարաճուն զարգացման գիտական խորհրդի ամբիոնի վարիչի պաշտոնը: Հայաստանը նրան հրապուրել է առաջին հերթին իր աշխարհագրական դիրքով, որտեղ արեւելքն ու արեւմուտքը միաձուլվում են: Նա մտադիր է իր նորարարական մտահղացումներն ու առաջավոր տեխնոլոգիաները ի սպաս դնել Հայաստանի ամերիկյան համալսարանում:

 
 

«ԱԶԳ» ՕՐԱԹԵՐԹ #21, 31-05-2019

AZG Daily #43, 15-11-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ