RSS | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#025, 2019-06-28 > #026, 2019-07-05 > #027, 2019-07-12 > #028, 2019-07-19

«ԱԶԳ» ՕՐԱԹԵՐԹ #27, 12-07-2019



ՕՐԱԿԱՐԳ

Տեղադրվել է` 2019-07-11 22:12:46 (GMT +04:00)


Ընթերցված է` 1803, Տպվել է` 282, Ուղարկվել է էլ.փոստով` 0

ԱՐԱՄ Ա. ԿԱԹՈՂԻԿՈՍԸ ԸՆԴՈՒՆԵՑ Ռ.Ա.Կ. ԳԵՐԱԳՈՅՆ ԽՈՐՀՈՒՐԴԻ ՊԱՏՈՒԻՐԱԿՈՒԹԻՎՆԸ

Դիւան ՌԱԿ Գերագոյն խորհուրդի, Յուլիս 5, 2019

Ուրբաթ, յուլիս 5, 2019-ին, Մեծի Տանն Կիլիկիոյ Արամ Ա. Կաթողիկոսը Պիքֆայայի Սբ. Աստուածածին եկեղեցւոյ կաթողիկոսնիստ դահլիճին մէջ ընդունեց ՌԱԿ Գերագոյն Խորհուրդի պատուիրակութիւնըՙ գլխաւորութեամբ ընկ. Հրաչ Գույումճեանի (ատենապետ): Պատուիրակութեան մաս կը կազմէին ընկերներ Յակոբ Վարդիվառեանը (փոխ ատենապետ), Արտաւազդ Մելքիսէթեանը եւ Երուանդ Ազատեանը:

Շուրջ երկու ժամուան խորհրդակցութեան ընթացքին քննարկուեցան բազմաթիւ հարցեր, որոնք կը յուզեն մեր ժողովուրդը Սփիւռքի եւ Հայրենիքի մէջ:

Առաջին հերթին, գնահատութիւններ տրուեցան Արամ Ա. Հայրապետին կողմէ նախաձեռնուած Մամուլի համահայկական համագումարին մասին, որ տեղի ունեցաւ յուլիս 2-4, 2019-ին, Անթիլիասի մայրավանքին մէջ:

Նաեւ անդրադարձ կատարուեցաւ Սբ. Էջմիածնի եւ Տանն Կիլիկիոյ կաթողիկոսութեանց ներկայ յարաբերութեանց եւ անմիջական անցեալի պատմական իրադարձութեանց: Վեհափառը, ծանօթ ըլլալով ՌԱԿ-ի տեսակէտներուն, բացարձակ անկեղծութեան պայմաններու ներքեւ տուաւ լուսաբանութիւններ, գնահատելով նոյն ատեն սրտցաւ քննարկումներու իրաւունքն ու սատարը:

Լուսարձակի տակ առնուեցան Մայր հայրենիքի մէջ եկեղեցի-ժողովուրդ եւ եկեղեցի-պետութիւն յարաբերութիւնները: Նկատի առնուեցան կարգ մը մտահոգիչ զարգացումներ, որոնց շուրջ նախատեսութիւններ եղան եկեղեցական վերին իշխանութեանց ու քաղաքական կազմակերպութեանց դերին մասին:

Վեհափառը իր գնահատանքը յայտնեց ՌԱԿ-ի Գերագոյն Խորհուրդինՙ հանդիպումը կայացնելու նախաձեռնութեան համար, իսկ պատուիրակութեան անդամները շնորհակալութիւն յայտնեցին Մամուլի համագումարին մասնակցելու ՌԱԿ մամուլին տրուած հրաւէրին համար, ինչպէս նաեւ հանդիպման հնարաւորութեան, բովանդակութեան եւ ամբողջովին դրական մթնոլորտին համար:

 
 

«ԱԶԳ» ՕՐԱԹԵՐԹ #27, 12-07-2019

AZG Daily #28, 19-07-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ