RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#044, 2019-11-22 > #045, 2019-11-29 > #046, 2019-12-06 > #047, 2019-12-13 > #048, 2019-12-20

«ԱԶԳ» ՕՐԱԹԵՐԹ #46, 06-12-2019



Տեղադրվել է` 2019-12-05 23:07:59 (GMT +04:00)


Ընթերցված է` 2427, Տպվել է` 217, Ուղարկվել է էլ.փոստով` 0

ԴԵՏՐՈՅԹՈՒՄ ՆՇԵԼ ԵՆ ՎԱՐԴԱՆԱՆՑ ԱՍՊԵՏՆԵՐԻ ԵՎ ԴՈՒՍՏՐԵՐԻ ՀՈԲԵԼՅԱՆՆԵՐԸ

Հ.Ծ.

Ավելի քան 200 հրավիրյալների ներկայությամբ նոյեմբերի 16-ին Դետրոյթում հանդիսավոր պայմաններում նշել են Վարդանանց ասպետներիՙ Նարեկ-Շավարշան եւ դուստրերիՙ Զաբել մասնաճյուղերի ստեղծման համապատասխանաբար 100-րդ եւ 70-րդ հոբելյանները: Հատուկ այդ առթիվ Ֆրեզնոյից եւ Կալիֆոռնիայից ժամանել են կազմակերպությունների վետերան անդամները:

Եղբայրական կազմակերպությունը «Շավարշան» է կոչվել ի պատիվ Արտազ գավառի (որի Ավարայր գյուղի մոտ տեղի է ունեցել Վարդանանց պատերազմը) հնագույն անվանման, իսկ Նարեկըՙ ի պատիվ Գրիգոր Նարեկացու: Երկու մասնաճյուղերը իրար են միացել 1996-ի մայիսի 1-ին: Քույրական կազմակերպությունը «Զաբել» է անվանվել ի պատիվ Լեւոն Ա. թագավորի դուստրՙ Զաբել թագուհու:

Վարդանանց ասպետների եւ դուստրերի ծրագրերը փոխկապակցված են եւ միասնաբար աշխատելով հետամուտ են լինում իրականացնելու մշակութային, կրթական, մարզական եւ բարեգործական բազմաբնույթ նպատակներ: Ներկայումս ԱՄՆ-ի 10-ից ավելի նահանգներում գործում են Վարդանանց ասպետների եւ դուստրերի համապատասխանաբար 24 եւ 18 միավորներ:

Աղոթքից եւ նախկին ավագ սպարապետ Վահրամ Ֆանտազյանի ողջույնի խոսքից հետո ցուցադրվել է տեսաժապավեն Հայաստանում դպրոցների վերանորոգման աշխատանքների վերաբերյալ, պատրաստված Գոհար Պալյանի կողմից: Ապա Վարդանանց դուստրերի ավագ տիրուհի Ալիս Գալստյանի անունից, դետրոյթաբնակ Գլորիա Գորքոյանը 100 եւ 70-ամյակների վկայագրեր է հանձնել «Նարեկ-Շավարշան» կազմակերպության սպարապետ Ղազար Տերտերյանին եւ «Զաբել» մասնաճյուղի տիրուհի Լիզա Աղլամիշյանին:

«100 տարի առաջ դետրոյթահայությունը չուներ ոչ եկեղեցի, ոչ հոգեւորականներ, ոչ էլ կազմակերպություններ, որոնք կարողանային օժանդակություն ցուցաբերել, բայց նրանք ունեին երկու կարեւոր հատկանիշներՙ հավատք եւ ազգային ոգի: Եվ հենց դրանց միջոցով է, որ նրանք կարողացան հիմնել այս կազմակերպությունը, որպեսզի իրենց կարողությունների սահմաններում օգնեն ցեղասպանությունից փրկված հայորդիներին եւ քույրերին», իր խոսքում նշել է Ղազար Տերտերյանը : Ոգեւորիչ խոսքով ներկաներին դիմել է նաեւ հատուկ այդ առիթով Դետրոյթ ժամանած ավագ սպարապետ Սթիվ Ադամսը :

Այնուհետեւ երեկոն շարունակել է երգիչ Գեւորգ Արթինյանը ընկերակցությամբ «His All Star Band» նվագախմբի:

Երեկոն առիթ է հանդիսացել երախտագիտություն հայտնելու հայ ազգի անցյալի եւ ներկայի ականավոր զավակներինՙ Ալեք Մանուկյանին, Հակոբ Տերտերյանին, Վահրամ Ֆանտազյանին, Սիմոն Ճավիզյանին, Էդուարդ Գորքոյանին եւ դոկտ. Գարրի Զամանիկյանին:

Ներկաները պարտավորվել են շարունակել իրենց ազգօգուտ գործունեությունը այն հաստատ հավատով, որ հաղթանակը մերն է լինելու:

 
 

«ԱԶԳ» ՕՐԱԹԵՐԹ #46, 06-12-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ