RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#001, 2020-01-10 > #002, 2020-01-17 > #003, 2020-01-24 > #004, 2020-01-31 > #005, 2020-02-07

«ԱԶԳ» ՕՐԱԹԵՐԹ #3, 24-01-2020



Տեղադրվել է` 2020-01-24 11:22:45 (GMT +04:00)


Ընթերցված է` 2302, Տպվել է` 170, Ուղարկվել է էլ.փոստով` 0

ՄԻ ԿՈՂՄԻՑ ԽԱՂԱՅԻՆ ՀՆԱՐՔՆԵՐ, ՄՅՈՒՍ ԿՈՂՄԻՑ ՊԱՏՄՈՒԹՅՈՒՆ

Հ.Ծ.

Այսպես կարելի է բնութագրել Քրիս ՄկՔորմիկի նոր «The Gimmicks» (Հնարագետները կամ խաղային հնարքները) վեպը, որի «խաղային» մասը ներառնում է նարտին, ըմբշամարտը, իսկ «պատմության» մասըՙ ցեղասպանությունը եւ արդարությունը վերականգնելու ԱՍԱԼԱ-ի գործունեությունը:

Վեպի իրադարձությունները տեղի են ունենում 1970-ականների սկզբներին: Ռուբեն Պետրոսյանը Խորհրդային Հայաստանում ապրող երիտասարդ է, որը չի հանդուրժում այն փաստը, որ Թուրքիան չի ճանաչում Հայոց ցեղասպանությունը, ներողություն չի խնդրում եւ փոխհատուցում չի տրամադրում: «Թուրքիայի դաշնակիցների թիվն ավելանում էր եւ նույնիսկ հայերին համակրող երկրներ, հանուն քաղաքական նպատակահարմարությունների անտեսում էին իրականությունը», գրում է ՄկՔորմիկը:

Ռուբենը վարպետ նարտի խաղացող է, որն առիթից օգտվելով իր ընկերուհուՙ Մինայի փոխարեն լքում է հայրենիքը եւ մեկնում Փարիզ, իբր մասնակցելու նարտու մրցարշավին, բայց իրականում ծավալելու իր քաղաքական գործունեությունը: Նա փորձում է համոզել իր հեռավոր ազգականինՙ Ավոյին (19 տարեկան) Լոս Անջելես տեղափոխվել եւ միանալ ԱՍԱԼԱ-ի գործողություններին: Բայց Ավոն ըմբիշ է եւ երազում է դառնալ չեմպիոն այդ բնագավառում: Նրա սրտովը չէ վրեժխնդրությունը: Վեպում կա նաեւ սիրային եռանկյունի:

Հակառակ իրադարձությունների հագեցվածությանը, հեղինակը կարողացել է, ըստ «Նյու Յորք Թայմսում» տպագրված Ջոն Ուիլյամսի գրախոսականի, պահպանել գործողությունների սահուն ընթացքը եւ գրավիչ ոճով մատուցել այն ընթերցողին:

ՄկՔորմիկը մեծացել է Կալիֆոռնիայում եւ մորական կողմից հայ է: Սիրում է հենվել պատմական իրական փաստերի վրա: Վեպն ավարտվում է 1988-ի ավերիչ երկրաշարժի նկարագրությունով, որի առթիվ Մինան ԱՄՆ է տեղափոխվում եւ նշում, որ «շատ բան ենք կորցրել, բայց պետք է զգույշ լինենք, որ այլեւս ուրիշ ոչինչ չկորցնենք»:

 
 

«ԱԶԳ» ՕՐԱԹԵՐԹ #3, 24-01-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ