RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
2020-09-25 20:00:50«Շատ արագ են կատարում». Ծառուկյանի կալանավորման հարցի վերաբերյալ որոշումը կհրապարակվի այսօր
2020-09-25 19:59:59ՍԴ փոխնախագահի ընտրությունը հետաձգվել է մինչև երկուշաբթի
#003, 2020-01-24 > #004, 2020-01-31 > #005, 2020-02-07 > #006, 2020-02-14 > #007, 2020-02-21

«ԱԶԳ» ՕՐԱԹԵՐԹ #5, 07-02-2020



ՀԱՄԱԵՎՐՈՊԱԿԱՆ

Տեղադրվել է` 2020-02-07 12:49:18 (GMT +04:00)


Ընթերցված է` 808, Տպվել է` 3, Ուղարկվել է էլ.փոստով` 0

ԻՐԱԿԱՆՈՒՄ Ի՞ՆՉ ԿՓՈԽՎԻ «ԲՐԵՔՍԻՏԻՑ» ՀԵՏՈ

ԱՐԵՎԻԿ ՔԵՇԻՇՅԱՆ

Աշխարհաքաղաքական խոշոր ճեղքում հանդիսացող «Բրեքսիտը» իրականում առաջիկա ամիսներին առանձնակի հետեւանքներ չի ունենա: Եվրոմիությունից Մեծ Բրիտանիայի դուրս գալուց հետո սկսվում է անցումային ժամանակաշրջան, որի ընթացքում Մեծ Բրիտանիան ԵՄ պայմաններին ու պահանջներին պետք է ենթարկվի մինչեւ 2020 թվականի վերջը, եւ այդ ժամանակամիջոցում բանակցություններ կվարվեն Եվրոմիության մյուս 27 երկրների հետ Մեծ Բրիտանիայի հարաբերությունների շուրջ, գրում է ֆրանսիական Le Monde թերթը:

Այդ փուլը իրոք բարդ է լինելու, քանի որ հարկ կլինի լուծել ինչպես առեւտրային վեճերի հարցերը, այնպես էլ անվտանգության եւ հետախուզության ոլորտին, քաղաքացիական ավիացիայի չափորոշիչներին, ձկնորսության նպատակով միջազգային ջրերի հասանելիությանը, ուսանողների փոխանակման Erasmus ծրագրին բրիտանացիների մասնակցության, էլեկտրամատակարարման ու գազամատակարարման, դեղամիջոցների կարգավորմանն առնչվող խնդիրները եւ այլն: Սակայն զուտ խորհրդանշական երեւույթներից բացի որոշ փոփոխություններ նկատելի կդառնան արդեն փետրվարին:

Միացյալ Թագավորության դուրս գալուց հետո Եվրոմիությունն առաջին անգամ կկորցնի այնպիսի պետություն, որը իր կազմում ամենահարուստներից եւ հզորներից մեկն է (ԵՄ տնտեսական կարողության 15%-ը): 66 միլիոնանոց բնակչության կորստից հետո Եվրոմիության երկրների բնակչության թիվը կիջնի 446 միլիոնի, իսկ տարածքը կնվազի 5,5%-ով:

ԵՄ-ից բրիտանական դրոշի դուրբերումը կնշանավորեն միանգաման իրական փոփոխություններ: 1973 թվականին ԵՄ-ին անդամակցած Մեծ Բրիտանիայի դուրս գալուց հետո վերջինս կվերածվի «երրորդ աշխարհի պետության»: Եվրոխորհրդարանի բրիտանացի 73 պատգամավորներից ոչ մեկը չի կարողանա մուտք գործել այդ դահլիճ: Նրանց տեղերից քառասունվեցը կվերապահվի ԵՄ ապագա անդամ պետություններին, իսկ քսանյոթը կվերաբաշխվի, պարզաբանում է Le Monde-ը:

Մեծ Բրիտանիայի կառավարության ղեկավարին այլեւս չեն հրավիրի մասնակցելու Եվրոպական գագաթաժողովներին, նրա կառավարության անդամները նույնպես չեն մասնակցի ԵՄ նախարարների հանդիպումներին:

Իսկ բրիտանացիների քսակներում կհայտնվի 50 պենսանոց նոր մետաղադրամ: Հատկապես «Բրեքսիտի» առիթով հատվող այդ մետաղադրամի վրա կլինի խաղաղության, բարգավաճման եւ բոլոր ժողովուրդների հետ բարեկամության կոչ:

Եվրոմիությունից դուրս գալու համաձայնագրին համապատասխան, Լա Մանշ նեղուցի երկու կողմերում ապրող օտարերկրացիները մինչեւ անցումային ժամանակաշրջանի վերջը կպահպանեն բնակության երկրներում մնալու եւ աշխատելու իրավունքները: Սակայն այդ իրավունքներից օգտվելու համար Մեծ Բրիտանիայում ապրող ԵՄ քաղաքացիները պետք է վերստին գրանցվեն: Իսկ Եվրոմիությունում ապրող բրիտանացիների համար արարողակարգերը տարբեր կլինեն ըստ երկրների:

Զբոսաշրջիկների համար ոչինչ չի փոխվի: Անցումային ժամանակաշրջանում Եվրոմիության օրենքների ամբողջությունը ուժի մեջ կլինի Մեծ Բրիտանիայում: Դա նշանակում է, որ զբոսաշրջիկները կկարողանան Լա Մանշը հատել պարզապես ինքնության վկայականով կամ անձնագրով, Eurostar գնացք կամ լաստանավ նստել առանց անվտանգության ծառայության ստուգումներն անցնելու, ավտոմեքենաներ վարել բրիտանական տարածքում եւ նույնիսկ բրտականան ապրանքներ գնել առանց ներմուծման տուրք վճարելու:

Զանազան ընկերությունների համար նույնպես մոտ ժամանակներս որեւէ բան չի փոխվի: Թեեւ մինչեւ տարեվերջ հարկ կլինի շատ հարցեր լուծել, ձեռնարկությունները փետրվարին դեռ չեն զգա փոփոխություններ:

Սակայն 2020 թվականի դեկտեմբերի 31-ից հետո կարող է ստեղծվել միանգամայն այլ իրավիճակՙ նայած Եվրոմիության եւ Մեծ Բրիտանիայի միջեւ կնքվելիք առեւտրային գործարքների հաջողությանը կամ ձախողմանը: Արդեն իսկ պարզ է, որ այդ բանակցությունները բուռն են լինելու, ամփոփում է Le Monde-ը:

Նշանակալի փոփոխություններ տեղի կունենան Եվրոպայի խորհրդում, որտեղ որոշումներ են ընդունում ԵՄ անդամ երկրների կառավարությունների ներկայացուցիչները: Որպես կանոն, Եվրոմիությունը ձգտում է միաձայն որոշումների, բայց իրականում բավարար է նաեւ ձայների պարզ մեծամասնությունը, այսինքնՙ առնվազն 15 երկրների ներկայացուցիչների որոշումը, երկրներ, որտեղ ապրում է ԵՄ բնակչության 65 տոկոսը: Մեծ Բրիտանիան խորհրդի կարեւոր անդամներից մեկն է, քանի որ բնակչությամբ երրորդ տեղում էր ԵՄ-ում: «Բրեքսիտից» հետո Ֆրանսիայի եւ Գերմանիայի համամասնական կշիռը կավելանա, այնպես որ նրանց համատեղ առաջարկություններին դեմ քվեարկելը ավելի դժվար կդառնա:

Գերմանական «Դոյչե Վելլե» ռադիոկայանի հարցմանը մասնակցած վերլուծաբանները կարծում են, որ «Բրեքսիտից» հետո Բրյուսելի քաղաքականության վրա Լոնդոնի ազդեցությունը թեեւ կթուլանա, բայց իսպառ չի վերանա: Փորձագետ Ստիվեն Բլոքմանսը համոզված է, որ «Բրեքսիտից» հետո Մեծ Բրիտանիան կակտիվացնի իր լոբբիստական գործունեությունը ինչպես ԵՄ հաստատություններում, այնպես էլ առանձին մայրաքաղաքներում: Ռուսաստանի եւ Ուկրաինայի հետ կապված հարցերը կմնան բրիտանացիների լոբբիստական գործունեության ոլորտում:

Ֆրանսիական RFI ռադիոկայանի ռուսական ծառայության աշխատակից Անդրեյ Օստալսկին իր հերթին Լոնդոնից հաղորդում է, որ 2016 թվականից ի վեր բրիտանական ֆունտ ստեռլինգը արժեզրկվել է 10 տոկոսով, իսկ անհաջող գործարքի դեպքում այն կարող է արժեզրկվել գրեթե կիսով չափ: Դա զգալի հարված կհասցնի բնակչության գրպանին:

Բազմաթիվ խոշոր ընկերություններ իրենց գրասենյակները դուրս են բերում Լոնդոնից եւ մտածում են, թե ուր կարելի է տեղափոխվել «Բրեքսիտից» հետո: Բացի դրանից, Մեծ Բրիտանիան Եվրոմիությանը պետք է վճարի մի խոշոր գումարՙ 36 մլրդ եվրո: Այնպես է ստացվում, որ Լոնդոնը կարող է կորցնել աշխարհի գործարար մայրաքաղաքի դերը:

 
 

«ԱԶԳ» ՕՐԱԹԵՐԹ #5, 07-02-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ