RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#032, 2020-10-09 > #033, 2020-10-16 > #034, 2020-10-23 > #035, 2020-10-30 > #036, 2020-11-06

«ԱԶԳ» ՕՐԱԹԵՐԹ #34, 23-10-2020



Տեղադրվել է` 2020-10-22 23:02:43 (GMT +04:00)


Ընթերցված է` 487, Տպվել է` 9, Ուղարկվել է էլ.փոստով` 0

ՓՈՂՀԱՐ ՄԱՅՔԼ ՍԱՐՅԱՆԻ «ՆՈՐ ԱՐՇԱԼՈՒՅՍ» ԱԼԲՈՄԸ

Հ.Ծ.

«Երգահան եւ փողհար Մայքլ Սարյանը եզակի արվեստագետներից է, որ կարողանում է հնչյունների միջոցով մարդկային պատկերներ ստեղծել: Նրա ստեղծագործությունները հակասական են: Ամուր են, բայց հարմարվող, պինդ ենՙ բայց անկաշկանդ եւ թաքունՙ բայց պայծառ»: Այսպես են բնութագրել արվեստագետները արդեն 8 տարի Նյու Յորքում ապրող երգահան եւ շեփորահար Մայքլ Սարյանի, որի «New Aurora» խորագրով չորրորդ ալբոմը սեպտեմբերին թողարկել է «Ears & Eyes Records» ձայնագրման կենտրոնը: Ալբոմում իրենց ստեղծագործություններով հանդես են գալիս Մ. Սարյանը (շեփոր), Սանտիագո Լիբսոնը (դաշնամուր), Մերի Կեննին (բաս), Մեթ Պավոլկան (բաս) եւ Դայոն Սյուկը (հարվածային գործիքներ):

Մայքլ Սարյանը ծնվել է Տորոնտոյում, բայց մեկ տարեկանից տեղափոխվել եւ մեծացել է Բուենոս Այրեսում: Իսկ վերջին 8 տարիներին ապրում է Նյու Յորքում: Առաջին ալբոմը թողարկել է 2014-ին: Մեծապես ներշնչվել է շեփորահարներ Կեննի Ուիլերի, Թոմաշ Ստենկոյի, Էնրիկո Ռավայի եւ ամերիկահայ թմբկահար Պոլ Մոթյանի երաժշտություններից: Նաեւ ճապոնացի գրող Հարուկի Մուրակամիի ստեղծագործություններից: Ջազային ուսումնասիրությունների գծով մագիստրոսի գիտական աստիճան է ստացել Նյու Յորքի համալսարանից:

Մասնակցել է մի շարք ջազային փառատոների: Բացի նվագելուց նա նաեւ դասավանդում է:

Իր հայկական արմատներին հարգանքի տուրք մատուցելով (նախնիները պատմական Հայաստանից են, որոնք գաղթել են Ռումինիա, հետո Արգենտինա եւ Կանադա) մշակել է անմահն Կոմիտասի գոհարներից «Դլե Յամանն» ու «Չինար ես»-ը:

Նրա երաժշտությունը լսելու համար կարելի է այցելել «www.MichaelSarian.com» կամ «www.zarsandEyesRecords.com» կայքերը:

 
 

«ԱԶԳ» ՕՐԱԹԵՐԹ #34, 23-10-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ