RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#016, 2021-04-30 > #017, 2021-05-07 > #018, 2021-05-14 > #019, 2021-05-21 > #020, 2021-05-28

«ԱԶԳ» ՕՐԱԹԵՐԹ #18, 14-05-2021



Տեղադրվել է` 2021-05-13 23:03:53 (GMT +04:00)


Ընթերցված է` 1332, Տպվել է` 11, Ուղարկվել է էլ.փոստով` 0

ՄԱՋԻԼ ԷԼ-ՇԱՖԻ. «ՄԱՐԴԿՈՒԹՅԱՆ ԴԵՄ ԳՈՐԾՎԱԾ ՀԱՆՑԱԳՈՐԾՈՒԹՅՈՒՆՆԵՐԸ ԺԱՄԿԵՏԻ ԽՆԴԻՐ ՉՈՒՆԵՆ»

Հ.Ծ.

Պատվելի Մաջիլ էլ-Շաֆին Կանադայում գործող «Միջազգային մեկ անկախ աշխարհ» (One Free World International) կազմակերպության հիմնադիր ղեկավարն է: Նրա հետ հարցազրույց է անցկացրել «Zoom-ով» Հայկարամ Նահապետյանը Միրոր-Սփեքթեյթրի համար: Պարզվել է, որ այլ միջազգային կարեւոր հարցերին զուգընթաց կազմակերպությունը զբաղվել է նաեւ Հայոց ցեղասպանության ճանաչման եւ Թուրքիայի ժխտողականության դեմ պայքարելու հարցերով: Իսկ 2016 թվի քառօրյա պատերազմից հետոՙ նաեւ Արցախի հիմնախնդրով: «Մենք խորհրդարանի պատգամավորներին ուղեկցեցինք եւ այցելեցինք Արցախ, տեսակցեցինք նախագահի հետ, ծանոթացանք պատերազմից տուժած մարդկանց եւ վայրերի հետ: Անցյալ տարվա պատերազմից հետո, որին մասնակցում էին Թուրքիան եւ վարձկանները Միջին Արեւելքից, մենք ընդլայնեցինք մեր գործունեությունը: Դարձյալ այցելեցինք Արցախՙ Իսլանդիայի խորհրդարանի մի պատգամավորի հետ եւ հրթիռների տարափի ներքո մենք արցախցի լրագրողների հետ հանդիպեցինք եւ մեր մտահոգությունը արտահայտեցինք կատարվող ագրեսիայի նկատմամբ: Հիմա էլ մտահոգված ենք ռազմագերիների, հոգեւոր եւ մշակութային կառույցների հանդեպ տարվող գործողությունների հարցերով»:

Մաջիլ էլ-Շաֆին այժմ վավերագրական ֆիլմ է պատրաստում Արցախի մասին, որին տվել է «Մենք ենք, մեր սարերը» խորագիրը: Ներկայիս այն մոնտաժման փուլում է: Դրանում նա ընդգրկել է նաեւ հինգ տարի առաջ նկարահանած իր նախորդ ֆիլմը:

Հարցազրույցի տեսաժապավենը կարելի է տեսնելՙ այցելելով Միրոր-Սփեքթեյթրի կայքը:

 
 

«ԱԶԳ» ՕՐԱԹԵՐԹ #18, 14-05-2021

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ