RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#016, 2021-04-30 > #017, 2021-05-07 > #018, 2021-05-14 > #019, 2021-05-21 > #020, 2021-05-28

«ԱԶԳ» ՕՐԱԹԵՐԹ #18, 14-05-2021



Տեղադրվել է` 2021-05-13 23:03:53 (GMT +04:00)


Ընթերցված է` 417, Տպվել է` 2, Ուղարկվել է էլ.փոստով` 0

1915-ԻՆ ՏԱՐԱԳՐՎԱԾ ՀԱՅՈՒՀՈՒ ՕՐԱԳԻՐԸՙ ԱՆԳԼԵՐԵՆ

Հ.Ծ.

Ապրիլի 29-ին Ֆրանսիայի ազգային գրադարանը (BnF) անգլերեն լեզվով լույս է ընծայել Ցեղասպանությունից մազապուրծ Սրբուհի Հովաղյանի «Միայն աշխարհը կարող է փրկել մեզ» խորագրով օրագիրըՙ Ռայմոնդ Գեւորգյանի եւ Մաքսիմիլիեն Ժիրարի խմբագրությամբ: 1915-ի հոկտեմբերի 25-ին 22 տարեկան Սրբուհին փախչում է տարագրվածներին ուղեկցող պահակախմբից, որն արդեն հասել էր Կիրասոնՙ Սեւ ծովի ափին: Նա ստիպված էր եղել մինչ այդ բաժանվել իր չորսամյա որդուց: Այնուհետեւ անընդհատ բնակավայրերը փոխելով նա ընդհատակյա կյանք է վարել Արեւմտյան Հայաստանում, Տրապիզոնում եւ Կիրասոնում միշտ պահելով իր օրագիրը, որտեղ իր փորձառությունն ու ականատեսի վկայություններն է արձանագրել հայերեն, ֆրանսերեն եւ երբեն նաեւ հունարեն լեզուներով: Պետք է ենթադրել, որ Կիրասոնից հետո նա հայտնվել է Հունաստանումՙ հավանաբար որբանոցներից մեկում:

Մայիսի 11-ին օրագրից հատվածներ է կարդացել դերասանուհի Աննա Մուգլալիսը Ֆրանսիայի ազգային գրադարանում: Ընթերցումից առաջ օրագրի նոր, անգլերեն հրատարակության մասին ներածական խոսքերով հանդես են եկել Ռայմոնդ Գեւորգյանը, Մաքսիմիլիեն Ժիրարը եւ Անի Ռոմանը ՙ Սրբուհու թոռնուհին:

Ֆրանսիայի ազգային գրադարանը աշխարհում եզակի մշակութային օջախներից է, որտեղ պահպանվում են ավելի քան 40 միլիոն փաստաթղթեր, այդ թվում 15 միլիոն գրքեր եւ ամսագրեր, ինչպես նաեւ ձեռագրեր, լուսանկարներ, քարտեզներ, մեդալներ, մետաղադրամներ եւ տեսաժապավեններ:

 
 

«ԱԶԳ» ՕՐԱԹԵՐԹ #18, 14-05-2021

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ