RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#033, 2021-09-10 > #034, 2021-09-17 > #035, 2021-09-24 > #036, 2021-10-01 > #037, 2021-10-08

«ԱԶԳ» ՕՐԱԹԵՐԹ #35, 24-09-2021



Տեղադրվել է` 2021-09-23 22:32:08 (GMT +04:00)


Ընթերցված է` 492, Տպվել է` 1, Ուղարկվել է էլ.փոստով` 0

ԻՇԽԱՆՈՒԹՅՈՒՆԸ ՍԵՎՈՒՍՊԻՏԱԿԻ ՊԱՅՔԱՐԻՑ ՉԻ ՀՐԱԺԱՐՎՈՒՄ

ՍԵՎԱԿ ՎԱՐԴՈՒՄՅԱՆ

2018-ի իշխանափոխությունից կարճ ժամանակ անցՙ Երեւանի ավագանու արտահերթ ընտրությունների քարոզարշավի ժամանակ, հասարակությանը սեւի ու սպիտակի բաժանած իշխանությունը պառակտիչ գործելոճից, միեւնույնն է, չի ուզում հրաժարվել: 44-օրյա պատերամում պարտություն տանելուց հետո, երբ համընդհանուր ընկճախտից առաջացած ատելության մթոնոլորտը խժռում էր իր ճամփին պատահած ամեն ինչՙ բարոյականություն, սեր, հոգատարություն ու խիղճ, իշխանության առաձին անհատներ ամեն ինչ մի կողմ դնելու, միմյանց նկատմամբ չչարանալու ու միասնաբար երկիրը շենացնելու կոչով հանդես եկան: Սիրո ու հանդուրժողականության հոգեպարար լոզունգներով իշխանության եկածների հորդորները կարճ ժամանակ անց սակայն կոտրեցին դրանց իրական ու սրտից բխած լինելու միֆը, երբ խորհրդարանական արտահերթ ընտրությունների մասնակցող վարչապետ Փաշինյանն օդում մուրճ էր ճոճում ու խոստանում վրեժխնդիր լինել բոլոր նրանցից, որ կասենՙ աչքիդ վերեւն ունք կա: Ղեկավարի ասածներին աղուպղպեղ ավելացնելու ու նրա աչքին բարձրանալու համար թիմակիցներն է՛լ ավելի թանկացրեցին կենացներն ու հրապարակ Ֆեմիդային բերեցին: Այսուհետ աստվածուհու թրի տակ կհայտնվեն, ասացին, բոլոր նրանք, ովքեր 30 տարի հարստահարել են երկիրը: Ոչ թե իրավահավասարություն, օրենքի եւ կարգուկանոնի նորմեր են մեզ պետք, հասկացրեցին, այլ թրի՛:

Հայաստանի 3-րդ հանրապետության անկախության օրվան նվիրված ամբողջ միջոցառումը սեւի ու սպիտակի տրամաբանության հիման վրա էր կառուցված: Խորեոգրաֆկ պարային համարներում սեւ ու սպիտակ զգեստներ հագած պարողներն անընդհատ պայքարի մեջ էին, որտեղ հաղթողը, բնականաբար, սպիտակն էր: Թեեւ միջոցառման կազմակերպիչները սա կարող են պարտությունից հետո չհուսահատվելու ու վերընձյուղվելու իմաստով բացատրել, բայց իշխանությանՙ մինչ այս պահն արած քայլերը բոլորվին այլ բան են հուշում: Օդը թրատող Ֆեմիդայի կերպարն առաջին պլան բերելովՙ հուշում են, որ սեւի ու սպիտակի պայքարում անողոք են լինելու: Օրինականության ու կանխազգացումների աստվածուհին, հիշեցնենք, երբ դադարեց Զեւսի կինը լինել, գերագույն Աստծո խորհրդատուն էր ու մարդկանց հաղորդում էր կատարել նրա բոլոր պատգամներն ու հրամանները:

 
 

«ԱԶԳ» ՕՐԱԹԵՐԹ #35, 24-09-2021

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ