RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#001, 2022-01-14 > #002, 2022-01-21

«ԱԶԳ» ՕՐԱԹԵՐԹ #1, 14-01-2022



Տեղադրվել է` 2022-01-13 22:51:51 (GMT +04:00)


Ընթերցված է` 2371, Տպվել է` 10, Ուղարկվել է էլ.փոստով` 0

ՄԱՅՔԼ ՍԹՈՈՒՆԻ ՀԱՅԱԳԻՏԱԿԱՆ ՆՈՐ ՀԱՏՈՐԸ

Ա. Բ.

Անցյալ տարեվերջին լույս տեսավ իսրայելցի երախտաշատ հայագետ Մայքլ Սթոունի հերթականՙ «Հայոց պարականոնները Ադամից մինչեւ Դանիել» աշխատությունը: Այն վեցերորդ հատորն է հայերենից անգլերեն թարգմանությունների շարքի, որը Սթոունը սկսել է տակավին 1982 թվականինՙ «Հայոց պարականոնները պատրիարքների եւ մարգարեների վերաբերյալ» հրատարակությամբ: Նոր հատորում Սթոունը քննության է ենթարկել դրախտի եւ դժոխքի, հրեշտակների եւ դեւերի, ինչպես նաեւ եբրայերեն Աստվածաշնչի եւ պարականոն աստվածաշնչյան կերպարների հետ կապված հայերեն տեքստերը: Բնագրերը, ներածությունները, թարգմանությունները, ծանոթագրությունները եւ քննադատական ապարատն այս ժողովածուն դարձնում են առանցքային սկզբնաղբյուր պարականոն եւ կեղծ էպիգրաֆիկական գրականության ուսանողների եւ հետազոտողների համար:

Բանասեր, բանաստեղծ Մայքլ Է. Սթոունը (ծնված 1938 թվականին) 1966-2007 թվականներին դասավանդել է Երուսաղեմի Եբրայական համալսարանում, որտեղ եղել է կրոնագիտության եւ հայագիտության պրոֆեսոր: Ավելի քան 40 գրքի եւ 400-ից ավելի հոդվածների հեղինակ է, որոնց մեծ մասըՙ հայկական թեմաներով: Հայաստանի գիտությունների ազգային ակադեմիայի եւ Եբրայական միության քոլեջի պատվավոր դոկտոր է: Արժանացել է Իսրայելի գլխավորՙ ազգային Լանդաուի անվան մրցանակինՙ հումանիտար գիտությունների ոլորտում ներդրման համար: Այժմ թոշակի է անցել, սակայն աշխուժորեն շարունակում է հետազոտական եւ գրական գործունեությունը:

Հայերեն թարգմանությամբ Երեւանում լույս են տեսել Մայքլ Սթոունի «Հայկական հնագրութեան ալբոմ» (2002, հեղինակակից) եւ «Պարականոն բնագրեր եւ ավանդություններ» (2014) աշխատությունները: 2019-ին «Հայաստան» հրատարակչությունը լույս է ընծայել Սթոունի «Հայաստանյան պատկերներ» բանաստեղծությունների ժողովածուն (անգլերեն):

 
 

«ԱԶԳ» ՕՐԱԹԵՐԹ #1, 14-01-2022

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ