RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#001, 2022-01-14 > #002, 2022-01-21

«ԱԶԳ» ՕՐԱԹԵՐԹ #1, 14-01-2022



Տեղադրվել է` 2022-01-13 22:51:51 (GMT +04:00)


Ընթերցված է` 2174, Տպվել է` 1, Ուղարկվել է էլ.փոստով` 0

ԿԱՅԱՑԱՒ ՌԱԿ ԼԻԲԱՆԱՆԻ ՇՐՋԱՆԱԿԻ 70-ՐԴ ՊԱՏԳԱՄԱՒՈՐԱԿԱՆ ԺՈՂՈՎԸ

Սեւակ Յակոբեան վերընտրուեցաւ ՌԱԿ Լիբանանի Շրջանային վարչութեան Ատենապետ

Տեղի ունեցաւ ՌԱԿ Լիբանանի Շրջանակի Պատգամաւորական ժողովը: Լիբանանի մէջ ՌԱԿ-ի բոլոր ակումբները ներկայացնող պատգամաւորներ եւ փոխ-պատգամաւորներ ամբողջ օրուան վրայ երկարող ժողովին խիտ օրակարգերուն ընդմէջէն քննարկեցին ու արժեւորեցին Լիբանանի մէջ ՌԱԿ-ի գործունէութիւնը ընդհանրապէս, հիմնուելով ակումբներու ներկայացուցած զեկոյցներուն վրայ: Գնահատուեցաւ ՌԱԿ Լիբանանի շրջանաւարտ Շրջանային վարչութեան եռամեայ գործունէութիւնը: Ժողովականները, Լիբանանի ներկայ քաղաքական եւ տնտեսական իրավիճակին լոյսին տակ, ծրագրեցին կուսակցութեան կարճաժամկէտ եւ երկարաժամկէտ ռազմավարութիւնը: Հայաստանի եւ Արցախի ներկայ մտահոգիչ իրավիճակը լոյսի տակ առնուեցաւ: Քննարկուեցան կուսակցութիւնը յուզող այլ հարցեր:

Ռամկավար Ազատական կուսակցութեան Լիբանանի Շրջանակի պատգամաւորական ժողովը յատուկ անդրադարձով կեդրոնացաւ Ռ.Ա.Կ.-ի Միասնականութեան նախաձեռնող ղեկավարներու Համախմբումի կոչին վրայ, իր ամբողջական զօրակցութիւնը յայտնելով Դեկտեմբեր 19, 2021 թուակիր

«ՌԱԿ-ին Միասնականութեան պահը հնչած է արդէն» վերնագրեալ նախաձեռնութեան, յոյս յայտնելով, որ ՌԱԿ 100-ամեակը յաջորդող սոյն տարուան ընթացքին վերջապէս կ՛իրագործուի մեր սիրելի կուսակցութեան միաւորումը:

Երկար ու յագեցած աշխատանքներով լի օրուան աւարտին ՌԱԿ Լիբանանի Շրջանակի 70-րդ պատգամաւորական ժողովը յառաջիկայ ժամանակաշրջանին համար միաձայնութեամբ Սեւակ Յակոբեանին վերընտրեց որպէս ատենապետ ՌԱԿ Լիբանանի Շրջանային վարչութեան, անոր վստահելով գործակից վարչական ընկերներ ընտրելու պարտականութիւնը:

Յակոբեան շուտով յայտարարեց ՌԱԿ Լիբանանի Շրջանային նորընտիր վարչութեան անդամացանկը հետեւեալ կարգովՙ

Սեւակ Յակոբեան (ատենապետ), Ճէքի Տէրվիշեան (ատենադպիր), Տոքթ. Յակոբ Փափազեան (փոխ-ատենապետ), Արա Գոյունեան (փոխ-ատենապետ), Սեդրակ Քիւրէճեան (գանձապահ), Արա Թերզեան (հաշուապահ): Խորհրդականներՙ Մեթր Սամ Պասմաճեան, Մայք Վայէճեան, Գրիգոր Մկըրեան, Վահէ Արթինեան, Կարին Աւետիքեան, Կապի Մելքի:

Աւարտին, ՌԱԿ Լիբանանի Շրջանային նորակազմ վարչութիւնը ընդունեց ՌԱԿ Լիբանանի ակումբներու պատգամաւորներուն եւ փոխ-պատգամաւորներուն շնորհաւորանքները:

 
 

«ԱԶԳ» ՕՐԱԹԵՐԹ #1, 14-01-2022

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ