RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#037, 2014-11-21 > #038, 2014-11-28 > #039, 2014-12-05 > #040, 2014-12-12 > #041, 2014-12-19

ԱԶԳ ՕՐԱԹԵՐԹ - ՄՇԱԿՈՒՅԹ #39, 05-12-2014



Տեղադրվել է` 2014-12-04 22:38:26 (GMT +04:00)


Ընթերցված է` 777, Տպվել է` 4, Ուղարկվել է էլ.փոստով` 1

GALERIES CONNAISSANCE DES ARTS ԵՎ INSTITUTO ITALIANO DI CULTURA-Ի ՄԻԱՑԵԱԼ ՑՈՒՑԱՀԱՆԴԷՍԻՆ ԱՌԻԹՈՎ

Հարցազրոյցը վարեցՙ ՀԱՄՕ ՄՈՍԿՈՖԵԱՆԸ, Բեյրութ

Հարցազրոյց քանդակագործ Ռաֆֆի Թոքաթլեանի հետ

- Որպէս Սփիւռքի լաւագոյն քանդակագործներէն մէկը, վերջին տարիներուն արժանացած էք բազմաթիւՙ լիբանանեան թէ միջազգային մրցանակներու, եւ ձեր ստեղծագործութիւնները ցուցադրուած են Վենետիկի, Նիւ Եորքի, Լոս Անճելըսի, Թոքիոյի, Մոսկուայի եւ այլ ոստաններու մէջ։ 2014-ի վերջի ձեր միացեալ ցուցահանդէսը Իտալական Մշակոյթի ինստիտուտին կողմէՙ գեղանկարիչ Փիերօ Մասչեթիի հետ ինչպէ՞ս կը գնահատէք։

- Այս տարի առաջին անգամն է որ ցուցահանդէս մը կը կազմակերպենք Connaissance Des Arts ցուցասրահին մէջՙ իտալացի նշանաւոր գեղանկարիչ Փիերօ Մասչեթթի հետ։ Իր պաստառները եւ իմ քանդակներս միասնաբար պիտի ներկայանան արուեստասէր ընտրանիինՙ վաղըՙ դեկտեմբեր 6-ին։ Մեր ստեղծագործութիւնները պիտի ցուցադրուին մինչեւ 15 յունուար 2015 թ.ը։ Յոյսով ենք, որ յաջող արուեստի իրադարձութիւն մը պիտի ըլլայ...։

- Իտալական գեղարուեստի հանդէպ ձեր սէրը բացայայտ է։ Վենետիկի Փալացիօ Զենոպիոյի դահլիճներուն մէջ Ձեր ստեղծագործութիւններուն ցուցադրումը եւ նկարահանումները մեծ արձագանգ գտան մօտիկ անցեալին։ Ինչպէ՞ս կը գնահատէք ձեր արուեստին մերձեցումը Իտալիոյ հետ։

- Մարդկային քաղաքակրթութեանց օրրան Իտալիոյ հանդէպ սէրս փոքր տարիքէն սկսած է զարգանալ։ Անցեալին Լիբանանի մօտ Իտալիոյ դեսպանատան մշակոյթի կցորդին հետ բաւականին ցուցահանդէսներ կազմակերպած ենք։ Քանդակներս 2 տարի ցուցադրուած էին Իտալիոյ դեսպանատան մէջ, նաեւ իտալացի լուսանկարիչ Ալիտորս Քաթուչիի հետ ալ ցուցահանդէս մը կազմակերպուած էր ցուցասրահիս մէջ։ Կը կարծեմ, թէ այս ցուցահանդէսին մէկ տարբերակի բացումը տեղի պիտի ունենայ Հռոմի մէջ, 2015 թ.ին, նորէն Փիերօ Մասչեթիի հետ։

- Ինչպէս որ Ձեր արուեստով հիացած ընտրանին, այնպէս ալ զանգուածային լրատուական միջոցները նկատեցին, թէ բաղդատմամբ անցեալ տարուան, 2014 թ.ը յարաբերաբար «հանգիստ» էր ցուցահանդէսներու առումով։ Ինչպիսի՞ն են ձեր ծրագիրները 2015 թուականին, մանաւանդ որ Մեծ եղեռնի 100ամեայ տարելիցն է։

- Այս տարին վերոնշեալ ցուցահանդէսով պիտի բաւականանանք, իսկ 2015 թ.ին մեծ ծրագիր մը կայ, որուն նախապատրաստման համար օրնիբուն կ"աշխատէի...։ Յուլիս 2015 թ.ին այդ կարեւոր իրադարձութեան բացումը տեղի պիտի ունենայ։ Այս էր գլխաւոր պատճառը, որ ձեռնպահ մնացի անցնող տարուան ընթացքին միջազգային ցուցահանդէսներու մասնակցելէ, որուն մասին առաջինը դուք պիտի իմանաք...։

- Այսօր երեւի միակ հայ քանդակագործն էք Սփիւռքի մէջ, որուն անունը քաջածանօթ է Իտալիոյ, Ամերիկայի, Ճափոնի, Ռուսիոյ, Լիբանանի եւ Մերձաւոր Արեւելքի արուեստի ակադեմական բազմաթիւ շրջանակներուն։ Ինչպէ՞ս կը բացատրէք այս յաջողութեան գաղտնիքը։

- Այն ինչ որ կը ստեղծագործեմ, ինծի համար կ"ընեմ...։ Դուք միայն լաւագոյնն է որ կը ճանչնաք...։ Եթէ արուեստագէտ մը իր գործերուն հարազատ չըլլայ, ապա յայտնի կը դառնայ, թէ միայն առեւտրական միտումներով է որ ստեղծագործած է։ Ամէն անգամ որ կը քանդակեմ, նոր բան մը սորված կ"ըլլամ։ Կը փորձեմ կատարելութեան հասցնել աշխատանքներս եւ ինքզինքս գոհացնել առաջին հերթին։

 
 

ԱԶԳ ՕՐԱԹԵՐԹ - ՄՇԱԿՈՒՅԹ #39, 05-12-2014

AZG Daily #7, 21-02-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ