RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#044, 2016-11-25 > #045, 2016-12-02 > #046, 2016-12-09 > #047, 2016-12-16 > #048, 2016-12-23

ԱԶԳ ՕՐԱԹԵՐԹ - ՄՇԱԿՈՒՅԹ #46, 09-12-2016



ՀՈՐԻԶՈՆ

Տեղադրվել է` 2016-12-08 21:51:56 (GMT +04:00)


Ընթերցված է` 2008, Տպվել է` 3, Ուղարկվել է էլ.փոստով` 0

ՀՐԱՊԱՐԱԿԱԳԻՐ ԳԵՐՍԱՄ ԱՀԱՐՈՆԵԱՆ Կ"ՈԳԵԿՈՒՉՈՒԻ ԻՐ ԾՆՆԴԵԱՆ 100-ԱՄԵԱԿԻՆ ԱՌԻԹՈՎ

Լեւոն ՇԱՌՈՅԵԱՆ, Հալէպ

Այս օրերուն, կարգ մը հայահոծ գաղութներու մէջ, ՌԱԿ-ի շրջանակն ու Թէքէեան Մշակութային Միութիւնը ոգեկոչական ձեռնարկներով կը վերյիշեն իրենց երբեմնի ղեկավար դէմքերէն մէկըՙ Գերսամ Ահարոնեանը, անոր ծննդեան 100 ու մահուան 35 ամեակին առիթով:

Յիշատակի առաջին ձեռնարկ մը կայացաւ Լոս Անճելըսի մէջ, նոյեմբերի 13-ին: Հիմա կարգը Պէյրութինն է, ուր նմանօրինակ հաւաք մը պիտի սարքուի դեկտեմբեր 11-ին:

Առիթներ են ասոնք, որպէսզի չմոռնանք մեր անցեալի երախտաւորները: Նոր սերունդը հաւանաբար ո՛չ մէկ գաղափար ունիՙ թէ ո՞վ էր Գերսամ Ահարոնեան: Հիները սակայն կը ճանչնան սփիւռքահայ մամլոյ այս փայլուն ու երկարամեայ ծառան, որ 1948-էն մինչեւ իր մահըՙ 1981, լման 33 տարի, ձեռնհասօրէն խմբագրեց Պէյրութի «Զարթօնք» օրաթերթը, անոր էջերուն վրայ փռելով առաջնորդող յօդուածներու կամ խմբագրականներու ծաւալուն սիւնակներ, որոնք թէ՛ հայերէն լեզուի յղկուած ու գեղեցիկ նմոյշներ էին (այսօր արդէն անգոյ...), թէ՛ ալ հանրային կարծիք կը ձեւաւորէին մեր ժողովուրդը յուզող ինչ-ինչ հրատապ հարցերու շուրջ: Գերսամ Ահարոնեանի անունը, այդպէս ալ, գրեթէ կը նոյնանար «Զարթօնք»ի հետ, մէկը միւսէն կախեալ, մէկը միւսով պայմանաւոր:

Ահարոնեան զէյթունցի ծնողներու զաւակ էր, ծնածՙ 1916-ին: Իր հայեցի դաստիարակութեան մէջ կարեւոր դեր խաղաց Հալէպը, ուր ստացաւ իր նախակրթութիւնն ու երկրորդական ուսումը (Հայ Աւետ. Բեթէլ վարժարան եւ Ալեփփօ քոլէճ): 1935-ին մեկնեցաւ Կիպրոս ու հետեւեցաւ Մելգոնեան Կրթական Հաստատութեան վարժապետանոցի երկամեայ դասընթացքներունՙ ուսուցիչ ունենալով Վահան Թէքէեանը: Յետոյ, միեւնոյն կրթօճախին մէջ ալ պաշտօնավարեց հինգ տարի, 1937-1942:

Պէյրութ հաստատուելովՙ Գերսամ Ահարոնեան լծուեցաւ հանրային-կուսակցական հեւքոտ աշխատանքներու: Ստանձնեց «Զարթօնք»ի խմբագրապետութիւնը, ուսուցչագործեց Հ.Բ.Ը.Մ.ի Դարուհի Յակոբեան եւ Յովակիմեան-Մանուկեան զոյգ վարժարաններուն մէջ (կը դասաւանդէր հայոց պատմութիւն, համաշխարհային պատմութիւն եւ աշխարհագրութիւն), հիմնադիրներէն մէկը եղաւ Թէքէեան Մշակութային Միութեան (1947-ին), Բարունակ Թովմասեանի, Հրաչեայ Սեդրակեանի, Հայկաշէն Ուզունեանի եւ գաղափարակից այլ ընկերներու հետ:

Իրեն համար մտասեւեռում մը մնաց միշտ Արեւմտահայաստանի Դատը: Այս հարցին նուիրեց հրապարակագրական-վերլուծական անհամար յօդուածաշարքեր, խրախուսելով զանգուածներըՙ քալելու «Մեծ երազի ճամբուն վրայ»էն...: Իր շատ կարեւոր ու անկորնչելի մէկ գործն ալ այն հաստափոր «Յուշամատեան»ը եղաւ (երիցս տպագրուած), որ նուիրուած էր Մեծ եղեռնի 50-ամեակին (1965): Այնտեղ ներկայացուած էին Թրքահայաստանի ու Կիլիկիոյ բոլոր գաւառներուն կոտորածները, կարելի մանրամասնութեամբ ու արժէքաւոր վկայութիններով:

Սփիւռքի առաջին սերունդի նուիրեալ փաղանգին ուշագրաւ մէկ դէմքն էր Գ. Ահարոնեան:

 
 

ԱԶԳ ՕՐԱԹԵՐԹ - ՄՇԱԿՈՒՅԹ #46, 09-12-2016

AZG Daily #46, 07-12-2018

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ