RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ՄԵՐ ԸՆԹԵՐՑՈՂՆԵՐԻՆ

«ԱԶԳ»ի խմբագրությունը ողջունում է իր բոլոր ընթերցողներին՝ Հայաստանում, թե Սփյուռքում։ Եվ երկու շաբաթ տեւած պարապուրդից հետո հայտնում, որ մեր թերթը անցնում է բացառապես համացանցային տիրույթ՝ առցանց (on-line) ռեժիմի, ներկա դժվարին օրերին կրկին լինելու իր ընթերցողների հետ՝ տեղական, տարածաշրջանային ու համաշխարհային լրատվությամբ, քաղաքական, սոցիալական ու մշակութային նորություններով, կարծիքների ու տեսակետների մատուցմամբ։ Մեր թղթակիցները ոչ միայն Հայաստանից, այլեւ Մոսկվայից, Գերմանիայից, Չեխիայից, Բելգիայից, Լիբանանից, Միացյալ Նահանգներից, Կանադայից եւ այլ վայրերից տեղյակ կպահեն ձեզ կորոնավիրուսի համավարակի հետեւանքների, դրա դեմ պայքարի միջոցների ու կերպերի մասին։ Հետեւեք www.azg.am կայք-էջին, մեր լուրերին, մեր տարաբնույթ նյութերին, գրեք մեզ։
#021, 2019-05-31 > #022, 2019-06-07 > #023, 2019-06-14 > #024, 2019-06-21 > #025, 2019-06-28

ԱԶԳ ՕՐԱԹԵՐԹ - ՄՇԱԿՈՒՅԹ #23, 14-06-2019



Տեղադրվել է` 2019-06-13 22:33:31 (GMT +04:00)


Ընթերցված է` 615, Տպվել է` 0, Ուղարկվել է էլ.փոստով` 0

«ՓԹԻԹ» ՀԱՆԴԵՍԸ ՇԱՐՈՒՆԱԿՈՒՄ Է ԸՆԴԳԾԵԼ ՀԱՅԿԱԿԱՆԸ

Գ. ԳՅՈՒԼՈՒՄՅԱՆ

Անցած շաբաթ երախտապարտությամբ ստացա Բեյրութում լույս տեսնող «Փթիթ» ամսագրի հերթականՙ 16-րդ համարը: Հանդեսը շարունակում է հայապահպանական իր ճախրանքը, եւ գնահատելով կատարված աշխատանքը, վստահ եմՙ դեռ շատ երկար է ճախրելու:

Ինչպես նախորդ համարների էջերը, այնպես էլ այս մեկինըՙ ողողված էին հայկականությամբ ու հայապահպանությամբ: Մի բան, որը շատ դժվար է իրականացնել, այն էլ շարունակաբարՙ սփյուռքում, մանավանդ, երբ բուն հայրենիքից ոչ մի օժանդակություն չի ցուցաբերվում այդ խիստ ազգային գործունեությանը:

Սփյուռքում մեր հայապահպանության օջախները շատ քիչ են, գնալով նվազում են: Անցյալ շաբաթ էլ ցավով տեղեկացանք, որ Գլենդեյլում փակվել է հայերի համար հարազատ դարձած «Պերճ գրատունը»: Նման ժամանակներում, երբ մեկը մյուսի հետեւից փակվում կամ փակված լինելու տպավորություն են ստեղծում մեր տեսակի պահպանության կռվանները, կարեւոր է «Փթիթի» նման կարեւոր հանդեսների գոյությունը: Այն սփյուռքի եզակի հանդեսներից է, որտեղ տեղ չունեն օտարաբանություններն ու ազգայինն օտարած, օտարող երեւույթները:

Ես դեռ հույս ունեմ, որ մի օր մեր հայրենի իշխանությունները պետք է խորապես ըմբռնեն, թե հայապահպանության ասպարեզում ինչ տիտանական աշխատանք է կատարում «Փթիթը» եւ կգան այն համոզման, որ անպայմանորեն անհրաժեշտ է օժանդակել այդ կարեւոր վահանին, որն սփյուռքում հնարավոր բոլոր միջոցներով պաշտպանում է հայերի աքիլլեսյան գարշապարըՙ տեսակը, ինքնությունը:

Այս ամիսների ընթացքում ես հասցրել եմ «Փթիթի» նախորդ երկու համարները ցույց տալ իմ շրջապատին, ու լսել նրանց կարծիքներն այդ կարեւոր նախաձեռնության մասին: Եւ այսօր, օգտվելով առիթից, իմ ու իմ ընկերների, գործընկերների ու Երեւանի պետական համալսարանի բազմաթիվ ուսանողների անունից խորին շնորհակալություն եմ հայտնում «Փթիթ» հանդեսի հիմնադիր-խմբագիրներ Վերժին Չերյան-Աբրահամյանին եւ Կարո Աբրահամյանին, ինչպես նաեւ նրանց կարեւոր գործին օժանդակող ընկերներին, որոնց անունները, ցավոք սրտի, հայտնի չեն մեզ:

Մենք խիստ կարեւորում ենք հայրենիքից դուրս հայապահպանության ոլորտում «Փթիթի» դերը, եւ հույս ենք հայտնում, որ շատ մոտ ապագայում այդ կարեւոր մամուլը տարածվելու է ողջ հայկական սփյուռքովՙ աշխարհի բոլոր կողմերում:

 
 

ԱԶԳ ՕՐԱԹԵՐԹ - ՄՇԱԿՈՒՅԹ #23, 14-06-2019

AZG Daily #12, 02-04-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ