RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-09-25 22:24:39ՌԴ «Կապուստին Յար» զորավարժարանում ավարտվեց «Կովկաս-2020» զորավարժությունների հիմնական փուլը
2020-09-25 21:44:02Պատժել ցանկացած լկտի դրսևորում թշնամու կողմից… (տեսանյութ)
2020-09-25 20:53:27Բաքուն Արցախի ժողովրդին չի կարող շեղել ընտրած ճանապարհից. ԱՀ նախագահ Հարությունյան
2020-09-25 20:00:50«Շատ արագ են կատարում». Ծառուկյանի կալանավորման հարցի վերաբերյալ որոշումը կհրապարակվի այսօր
2020-09-25 19:59:59ՍԴ փոխնախագահի ընտրությունը հետաձգվել է մինչև երկուշաբթի
#008, 2020-02-28 > #009, 2020-03-06 > #010, 2020-03-13 > #011, 2020-03-20

ԱԶԳ ՕՐԱԹԵՐԹ - ՄՇԱԿՈՒՅԹ #10, 13-03-2020



Տեղադրվել է` 2020-03-14 19:35:31 (GMT +04:00)


Ընթերցված է` 297, Տպվել է` 5, Ուղարկվել է էլ.փոստով` 0

ԷԳՈՅԱՆԻ ՆՈՐ ՖԻԼՄԸ ԿՆՃՌՈՏ ՀԱՐԱԲԵՐՈՒԹՅՈՒՆՆԵՐԻ ՄԱՍԻՆ Է

Հ.Ծ.

Նյու Յորքի «Ուեստ Վիլեն» շրջանում գործող IFC կենտրոնում փետրվարի 13-ից 16-ը կայացած «Canada Now» փառատոնի շրջանակներում Մ. Նահանգներում առաջին անգամ ցուցադրվել է կանադահայ միջազգային ճանաչման արժանացած ռեժիսոր Ատոմ Էգոյանի «Guest of Honour» (Պատվո հյուրը) ֆիլմը, որը հոգեբանական «թրիլլեր» էՙ հիմնված ընտանեկան կնճռոտ հարաբերությունների վրա:

Չորսօրյա «Կանադան հիմա» շրջուն փառատոնը նպատակ ունի վեր հանելու այդ երկրի կինեմատոգրաֆիական վերջին շրջանի նվաճումները: Դեյվիդ Թյուլիսի , Լայսլա դը Օլիվեյրայի եւ Լյուկ Ուիլսոնի դերակատարությամբ Էգոյանի նոր ֆիլմը, որն անցյալ սեպտեմբերին ցուցադրվել էր Վենետիկի համաշխարհային կինոփառատոնի օրերին, արծարծում է հայր-դուստր հարաբերությունները 15 տարիների ընթացքում եւ բացահայտում նրանց միջեւ եղած դառը հիշողություններն ու ներողամտության, գաղտնապահության եւ խաբեության դրսեւորումները:

Ֆիլմի սկզբում հայր Գրեգը խնդրում է իր ուսանողների հետ վատ վարվելու մեղադրանքով բանտարկված երաժշտության երիտասարդ կին դասատուին պատմել իր հոր մասին, որպեսզի կարողանա դամբանական կարդալ մասնագիտությամբ սննդի վերահսկիչ հոր մահվան կապակցությամբ:

Էգոյանը մշտապես փորձում է հետաքրքրաշարժ բնավորություններ ստեղծել իր ֆիլմերում եւ առեղծվածայինի հետ նաեւ անորոշություններով գրավել հանդիսատեսի ուշադրությունը: Անցյալը ներկայի հետ շաղկապելու միջոցով նա իր ֆիլմերում ցույց է տալիս, թե ինչպես են մանկության տրավմաներն ազդում ներկայի հանգամանքների վրա: «Ֆիլմում հիմնական երեք կերպարները խախտում են վարվեցողության որոշ կանոններՙ գտնելու համար համապատասխան լուծումներՙ իրենց խնդիրներին: Նրանք ծուղակում են հայտնվել եւ կարծում են, թե կկարողանան ելք գտնել դրանից», բացատրել է Էգոյանը, որի ֆիլմը պաշտոնապես ընտրված ֆիլմերի ցանկում էր Վենետիկում, նաեւ Տորոնտոյում, Վանկուվերում, Լոնդոնում եւ Բոստոնում:

Ֆիլմի երաժշտության հեղինակն է Մայքլ Դանան , որ Օսկարի արժանացավ «Life of Pi» ֆիլմի երաժշտությունը հեղինակելու համար:

Էգոյանը նաեւ խոստովանել է, որ Փարաջանովը մեծ ազդեցություն է թողել իր եւ իր ֆիլմերի վրա:

Նկար 1. Վենետիկի կինոփառատոնում (ձախիցՙ աջ)ՙ Լայսլա դը Օլիվեյրան, Ռոսիֆ Սաթերլենդը, Արսինե Խանջյանն ու Ատոմ Էգոյանը:

 
 

ԱԶԳ ՕՐԱԹԵՐԹ - ՄՇԱԿՈՒՅԹ #10, 13-03-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ